الموضوع: محتاج رأيكم ضروري2012 Honda CRV ام VW Tiguan Turbo

المشاركة الأصلية كتبت بواسطة formulator

+111111
فعلا الـ4x4 والـquattro فى الـvw والأودى بيركب عليه فتيسات tiptronic أوتو بمحول عزم..
لأن vw لسه لم تطور نظام الـhaldix للدفع الرباعى بتاعهم.. ليتوافق مع فتيسات الديوال-كلتش.

والـpdk مفيهوش مشاكل الـdsg مش بس عشان خبرة بورشه فـ الفتيس ده,
لأ, عشان فتيس البورشه dual-wet clutch (فى oil-path).. عشان يستحمل العزم بتاع العربيات الرياضية (زى مانت قولت يا زعيم).
لكن فتيس الـvw بيبقى dual-dry clutch عشان يقلل التكلفة, ويوفر فـ استهلاك البنزين للعربيات الصغيرة.




. ::

تمام كلامك يا زعيم
و مع كده منزلوش ال pdk في الكايين
لانهم سايبين احتماليه ان ممكن حد من ملاكها عقله يوزه و يدخل بيها offroading
و ده load علي الفتيس اكتر من السواقه الرياضيه خصوصا انه كل العزم بيبقي علي low range

زي ما قالك اخونا m-elkhishin عليك و علي الاستخاره في الاول و الاخر
الادج عربيه كويسه و امكانتيتها لا باس بيها
بس انت كده بتتكلم في فئات مختلفه علي فكره
من ال suv الصغيره (التيجوان) لل full size (الجراند)
فانا شايف تروح تشوف التلاته و اللي تريحك اكتر و تلبي احتياجاتك تتوكل فيها علي الله

المشاركة الأصلية كتبت بواسطة horas3000

تمام كلامك يا زعيم
و مع كده منزلوش ال pdk في الكايين
لانهم سايبين احتماليه ان ممكن حد من ملاكها عقله يوزه و يدخل بيها offroading
و ده load علي الفتيس اكتر من السواقه الرياضيه خصوصا انه كل العزم بيبقي علي low range

+111
عندك حق, هو الديوال-كلتش (الـDopplekupplung على رأى بورشه) مش بتاع Off-Road
دى فتيسات بتاع جرى وتسارع أو تراكات,
عشان كده بقت Trend فـ العربيات السوبر-كوبيه:
- الفيررارى 458/599 بقت F1 Getrag Dual-Clutch
- الـM3/M5 بقت M-Double Clutch
- والبورشه طبعا PDK فى الـCarrera 911

بس عاجبنى أوى يا horas3000 باشا, الفتيس الـ7 سرعات مانيوال بتاع الـ911 الجديدة..؟؟!!!

المشاركة الأصلية كتبت بواسطة m_elkhishin

لو انت مش محتاج موتور قوي، ومش محتاج 4*4 قوي الادج خيار جيد جدا
الادج تعتبر سيارة مدينه ملهاش في ال offroading و موتورها مش قوي( تقريبا 270 حصان دفع رباعي مستمر وراكب بالعرض)
المشكلة التانية فيها الشاشة الجديدة من مايكروسوفت اللي نزلت فيها، في ناس كتير جدا بتشتكي من بطأها وتهنيجها بالاضافة ان حتى الان منزلش فيها نافيجيشن
وكيلها جيد في السعودية

الجراند شيروكي موتورها قوي( 5.7 لتر 370 حصان) وطبعا نظام الدفع الرباعي فيها متطور جدا
المشكلة الوحيدة ان التوكيل في ناس بتشتكي منه في توفير قطع الغيار الغير استهلاكية( يعني بتاخد وقت على ما تيجي وساعات بيعمل طلبيه خاصة)
بس للامانه انا عربيتي بقالها أكتر من 4 سنين والحمد لله محصلش حاجة تستدعي قطع غيار غير متوفرة
انصحك بالاستخارة

عندى ليك خبر حلو يا m_elkhishin باشا:
الرانجلر بقت تنزل مصر بالموتور الـ3.6 Pentastar بيطلع 285 حصان,
وبيقولوا هينزل عـ الجراند والتشارجر كمان.. بس Tuned أعلى لـ305 حصان..؟!!

فكرتنى بالجراند الـ5.7 HEMI.. ههههههههههههههههههههههههه
واحد ركن ورايا فـ بريدجستون يضبط الكاوتش.. بالجراند الجديدة, كانت لسه نازلة. ماشاء الله متوحشة..
فـ باسأله.. هى دى الموتور الـV6 3.6 الجديد.. رد عليا وهو زعلان أوى:
لأ للأسف, اللى انت قصدك عليه بينزل على اللاريدو, سألت عليه قالولى لسه مانزلش, ومش هينزل دلوقتى
لكن ده 5700 هيمى..؟؟؟!! قلتله: فرصه سعيدة وربنا يباركلك فيها isA.
بس كنت عايز أقوله: انت متضايق من الـ5.7 ليه ياعم؟؟ هو الـHEMI وحش.. بس قولت يمكن عامل على البنزين ومش فارق معاه الـ70-80 حصان أقل..؟؟!!!