الموضوع: محتاج رأيكم ضروري2012 Honda CRV ام VW Tiguan Turbo

المشاركة الأصلية كتبت بواسطة م. تيمور

هل التيربو في التيجوان له اثار جانبية او عيوب ؟؟
يعني مثلا صوت مزعج وعالي او عمر المحرك اقصر مثلا من المحركات ذات التنفس الطبيعي

شوف ياباشا, انت جيت فـ الحته بتاعتى..
أخوك بيركب VW من الأول, وحاليا معايا فيات T-JET تربو (أول شركتين بدأوا الـTrend ده), الـDownsizing+Turbocharging.

هقولك اللى أعرفه عن نسخة الـTwincharger (تربو+سوبر) من مواتير الـTSI, ومشاكلها اللى ظهرت لحد دلوقتى..

معرفش انت تعرف ولا لأ: ان موتور الـ2.0 TFSI بتاع الجولف GTi والأودى S3 بيركب عليه تربو Borg-Warner K03 بيطلع 210-265/270 حصان.
التربو ده كبير نسبيا.. وبأقل مجهود بيحقق الـboost المطلوب, الموتور ده أصلا بيعملوه من فترة.. وعندهم خبرة كفاية فيه..؟؟!!!

نيجى بقى للموتور بتاعك الـTwincharger Turbo+Super تقريبا 150 حصان.

- السوبرتشارجر مفيهوش مشاكل, نوعه Eaton/Roots ودى ماركة محترمة أوى.
- التربوتشارجر بقى.. فيه مشكلة,
نوعه Borg-Warner KKK ودى ماركة تمام برضه, بس المشكلة انه شغال على الـMax. boost بتاعه..؟؟!!!
يعنى التربو عشان يحقق الـboost المطلوب, ويطلع الـ140-160 حصان.. بيشتغل بأقصى قدرة, تقريبا على الـLimit بتاعه..؟؟؟!!

المشكلتين بقى اللى ظهروا:
1- الموتور بياكل زيت, أيون Oil-Burner.. وبيحتاج Top-Up لمستوى الزيت كل كام ألف كم, بس دى مشكلة بسيطة.. فيه مواتير كتير كده.
2- المشكلة التانية والأكبر بقى: Blown-Turbos.. للأسف؟؟؟!!!!!!
التربو بينفجر فـ الـLoad العالى والمستمر, مش بيستحمل الضغط (الـOverboost) لفترة طويلة,
معرفش ده عيب سوفتوير ولا Wastegate أو Dump-Valve, بس واضح ان التربو نفسه فيه مشكلة (صغير أوى).

ودى حصلت كتيييييير, وده مش كلامى.. ده من أكبر منتديات VW والجولف VI والأودى.
وبتحصل أكثر فى السواقة الـHard والضغط عـ الموتور لـrpm عالية, أو الـAggressive Tuning وكده.
لدرجة ان ناس كتير غيرته بأنواع تانية: Borg-Warner برضه بس K03/K04 يشتغل مرتاح سيكا, أو ماركات تانى الـTurbo-Map بتاعتها أعلى.. زى الـGarrett مثلا.

آسف للأطالة, وأتمنى اكون افدتك..
انا شايف انك ميال للتيجوان أكثر, وهى عربية كويسة.. بس كان لاااااااااااازم أقولك اللى أعرفه.