الموضوع: تقرير عن سيارتي نيسان صني 1.6 اوتومباتك

المشاركة الأصلية كتبت بواسطة land_cruiser

الف مبروك يا باشا على العربيه و ربنا يباركلك فيها. عندى ليك كام نصيحه كده على السريع
- موضوع الرعشه بتاعه الدركسيون ممكن تعمل ترصيص للعجل و بالمره ضبط زوايا (٦٠ او ٧٠ ج)
- موضوع الاضاءه الضعيفه ممكن تغير لمض النور لاوسرام نايت بريكر بلس ( ١٢٠ج)
- موضوع العفشه الناشفه شويه ممكن تخفف حدته بانك تحط نيتروجين (٢٠ج)
المجموع : ٢٠٠ ج
هو ان شاء الله هتلاقى الرجاله هنا حافظه كل مسمار فى العربيه فما تقلقش من اى حاجه و اهلا و مرحباً بك وسط اخواتك الصقور و تحياتى ليهم صقر صقر. :)

اشكرك عل ردك

كل ده الحمد لله موجود في العربيه مش محتاجاه

المشاركة الأصلية كتبت بواسطة abdm

بالنسبة للنقطة اللى ذكرها الآستاذ حمادة : نقطه مجنناني من الفتيس بتاعها بصراحه وفي كل النيسان كده حتى السيدريك ال 3000 سي سي مع صديق لي في قطر وطلعت برضو معاه انها بتنزل من d ل 2 عادي من غير ما ادوس على الزرار بتاع الفتيس طب انا لو ماشي على 120 وحد رييح بس على الفتيس هينزل 2 وشكرا الفتيس كده روح ومش جاي تاني مع اني كل العريبات الي في العالم الفتيس عمره ما بيجي ل 2 عادي بدون ما تدوس على الزرار انما بقيت الغيارات في النيسان عادي زيها زي اي عربيها عمر ما الفتيس هيجي على r or p بدون ما تدوس الزرار وعمره ما هينزل من بي لاي غيار بدون ما تدوس زرار وفرامل

الكلام دة كدة طبيعى ولا فية مشكلة فى الفتيس لآن فعلا تبقى كارثة لو على سرعة عالية وحصل غلط أن الفتيس أتلمس راح ناقل للتانى ..........
ولو موجود الموضوع دة هل حصل لة تعديل بعد كدة فى الموديلات الحديثة ولا هى هى بنفس المشكلة

وجزاكم الله خيرا

هو ما فيش حد شاف السؤال دة ولا أية . ما فيش حد رد غير الآستاذ حمادة صاحب الموضوع وصاحب المشكلة فين باقى الناس اللى معاها صنى أتوماتيك يقولنا حل فى المشكلة دية

وجزاكم الله خيرا

تقرير ممتاز ... الف مبروك على العربية وربنا يباركلك فيها

المشاركة الأصلية كتبت بواسطة madda7

السلام عليكم

هو انا عايز اتأكد من حاجة عندي في الفتيس وهل دي حاجة عامة
"عند النقل من d الي 1 او 2 مش لازم تدوس على الزرار النيكل لو عايز تغير الوضع"

ده مرة يعملي مشكلة عشان عندي ابني الصغير كان قاعد جمبي وجات ايديه غلط متفهمشي او قاصد والفتيس اتزحلق من d على وضع 2 وكنت ماشي بسرعة وطبعا العربية خسعت وتباطئت السرعة والصوت علي جامد بس محصلش حاجة ومكانش فيه حد ورايا ساعتها والحمد لله ربنا ستر ، هو مفيش طريقة تخلينا لازم ندوس على الحتة النيكل واحنا بنغير الوضع عشان بصراحة قلقان من ساعتها ومش مرتاح واظن انهم لو معملوهاش كان افضل بشكل عام

المشاركة الأصلية كتبت بواسطة Abdm

بالنسبة للنقطة اللى ذكرها الآستاذ حمادة : نقطه مجنناني من الفتيس بتاعها بصراحه وفي كل النيسان كده حتى السيدريك ال 3000 سي سي مع صديق لي في قطر وطلعت برضو معاه انها بتنزل من d ل 2 عادي من غير ما ادوس على الزرار بتاع الفتيس طب انا لو ماشي على 120 وحد رييح بس على الفتيس هينزل 2 وشكرا الفتيس كده روح ومش جاي تاني مع اني كل العريبات الي في العالم الفتيس عمره ما بيجي ل 2 عادي بدون ما تدوس على الزرار انما بقيت الغيارات في النيسان عادي زيها زي اي عربيها عمر ما الفتيس هيجي على r or p بدون ما تدوس الزرار وعمره ما هينزل من بي لاي غيار بدون ما تدوس زرار وفرامل

الكلام دة كدة طبيعى ولا فية مشكلة فى الفتيس لآن فعلا تبقى كارثة لو على سرعة عالية وحصل غلط أن الفتيس أتلمس راح ناقل للتانى ..........
ولو موجود الموضوع دة هل حصل لة تعديل بعد كدة فى الموديلات الحديثة ولا هى هى بنفس المشكلة

وجزاكم الله خيرا
هو ما فيش حد شاف السؤال دة ولا أية . ما فيش حد رد غير الآستاذ حمادة صاحب الموضوع وصاحب المشكلة فين باقى الناس اللى معاها صنى أتوماتيك يقولنا حل فى المشكلة دية

وجزاكم الله خيرا

والله الموفق والمستعان