المشاركة الأصلية كتبت بواسطة hazem_khidr
ان شاء الله حتبقي شاطره و اجدع من ميت راجل
بس شيلي من دماغك حكايه سواقه الستات دي
كلنا بني ادمين سواء راجل او ست
و عندنا نفس المخ و نفس الايدين و نفس الرجلين يعني مافيش اختلاف
حطي في دماغك بس انك عاوزه تتعلمي سواقه كويس و انت حتتعلمي
انما حتدي لنفسك اعذار انك ست و المعظم بيبقي سواقته وحشه مش حتتعلمي.
انا ليا بنات قرايبي بيسوقوا ما شاء الله عليهم عفاريت هههههههه
بس علشان اتعلموا صح
انت العربيه تحت رجلك و معاكي كل الاوقات و محدش حياخدها منك
ف ما تستعجليش و واحده واحده حتلاقي نفسك متمرسه و متمكنه كويس:)
و اوعي تخافي
لو خفتي عمرك ما حتتعلمي
و لو خبطي العربيه لا قدر الله ما تزعليش
المهم انك تتعلمي من غلطك و تحاولي ما يتكررش تاني
و كل شئ بامر ربنا
انا لحد انهارده بتعلم و كل ما بركب العربيه بفرح بيها كاني لسه اول مره اسوق
رغم ان بقالي 18 سنه بسوق !!!!!
حبي العربيه حتحبك:)