3 مشاكل في الفليشيا وعاوز رأيكم انا احترت فيهم ؟

السلام عليكم ورحمة الله
انا عندى 3 مشاكل طلعوا عيني وعاوز اشوفلهم حل نهائي
1- العربية عمرها ما بتدور الصبح من اول مرة ولازم اسند رجلي على البنزين وساعات لازم ازود مع المارش الخلاصة العربية لو قعدت اكتر من 6 ساعات ركنه لازم تغلبني جداًاًاًاً على ما تدور والكلام ده من زمان وتم تغيير البوجيهات اكتر من مرة وتم تغيير البطارية وتم تغيير المارش واصلاح كاربيراتير وتم تغيير كاوتشة الرداخ والمشكلة هيه هي وتم تغيير فلاتر طبعاً .............. تفتكروا المشكلة في ايه ؟؟؟؟؟؟؟؟؟؟

2- العربية فيها رجة جامده اوي وهي واقفة والماتور سلانسية ولما تسخن تقل شوية بس موجودة وواضحة بس اقل في القوة وانا ماشي برضه العربية فيها رجه وواضحة وقرفاني جداً .

3- العربية فيها حاجة غريبة جداً ومش عارف من ايه العربية لما تكون برده وادورها وامشي على طول العربية تبقى مخنوقة جداً وكاني دايس دبرياج على الاخر وكل ما ازود تكلبش في الارض وافضل كده بالظبط 5 دقايق ازود بنزين جامد العربية تكلبش في الارض وتوطي وتقعد تنطر اكنها بتكح . وغيرت زيت الماتور وبرضه نفس المشكلة ؟؟؟؟؟؟؟؟؟؟؟

دي مشكلة كهرباء
ظبط كهربة العربية كويس وكل شيء يبقي مظبوط ان شاء الله

اقتباس:

---

المشاركة الأصلية كتبت بواسطة mazda3231984

دي مشكلة كهرباء
ظبط كهربة العربية كويس وكل شيء يبقي مظبوط ان شاء الله

---

الف شكر على رد حضرتك بس انا عملت شغل كتير في الكهربة زي ما كاتب وما فيش حاجة اتظبطت انا عاوز احط ايدي على المشكلة هو ما فيش حد عنده اجهزة يقدر يقيس بيها الاسبراتير والموبينة والاسلاك والمشط عشان اعرف لو لو فيهم مشكلة
عاوز حد عنده اجهزة زي التوكيل يقيس الحاجات ديه لان المشاكل ديه من زمن من اكتر من سنة وانا طول السنة ديه غيرت معظم الحاجات الى ممكن تكون عاملة المشاكل في الكهربة

اقتباس:

---

المشاركة الأصلية كتبت بواسطة ayman20100

السلام عليكم ورحمة الله
انا عندى 3 مشاكل طلعوا عيني وعاوز اشوفلهم حل نهائي
1- العربية عمرها ما بتدور الصبح من اول مرة ولازم اسند رجلي على البنزين وساعات لازم ازود مع المارش الخلاصة العربية لو قعدت اكتر من 6 ساعات ركنه لازم تغلبني جداًاًاًاً على ما تدور والكلام ده من زمان وتم تغيير البوجيهات اكتر من مرة وتم تغيير البطارية وتم تغيير المارش واصلاح كاربيراتير وتم تغيير كاوتشة الرداخ والمشكلة هيه هي وتم تغيير فلاتر طبعاً .............. تفتكروا المشكلة في ايه ؟؟؟؟؟؟؟؟؟؟


دا طبيعى جدا لو فى فصل الشتاء فقط اما لو كانت المشكلة مستمرة صيف شتاء يبقى لازم تظبط الكاربرتير عن واحد بيفهم وظبط الكهربا....

ونصيحتى اللى انا باعملها انو اول ما احط المفتاح كونتاك افتح سنة واحد وادوسة على دواسة البنزين ضغطيطين ثلاثة وبعد ارجع الكونتاك تانى ومن ثم ادور حتدور معاك على طول....
2- العربية فيها رجة جامده اوي وهي واقفة والماتور سلانسية ولما تسخن تقل شوية بس موجودة وواضحة بس اقل في القوة وانا ماشي برضه العربية فيها رجه وواضحة وقرفاني جداً


المشكلة دى فى البوجيهات ممكن يكون بوجية فاصل وممكن تكون وصلة بوجية هى اللى فاصلة. تعرف ازاى تختبر البوجيهات انا حشرحلك بعد دوارة العربية فى الصباح افتح الكبود وقم بفصل البوجيهات واحد واحد اللى يثبت عدم تاثيرة فى حركة الموتور يبقى دا اللى عليه العين ولازم تغيرة او تختبر وصلة الاسبراتير بتاعتة بس بشرط تفصل واحد واحد وما تفصلش اثنين مرة واحة ممكن العربية تبطل منك وبرضوا ما تفكش البوجية رقم واحد لأن دا المسؤل عن الدفعة الولى عند الدوارة فلوا هذا البوجية معطوب فلن تدور العربية من اصله يارب اكون وصلتلك المعلومة ولو موصلتش لحضرتك انا فى الخدمة دائما....*-

3- العربية فيها حاجة غريبة جداً ومش عارف من ايه العربية لما تكون برده وادورها وامشي على طول العربية تبقى مخنوقة جداً وكاني دايس دبرياج على الاخر وكل ما ازود تكلبش في الارض وافضل كده بالظبط 5 دقايق ازود بنزين جامد العربية تكلبش في الارض وتوطي وتقعد تنطر اكنها بتكح . وغيرت زيت الماتور وبرضه نفس المشكلة ؟؟؟؟؟؟؟؟؟؟؟

---

دا شئ عادى ليه لأنك ما بتسخنش العربية ولو امشيت بالعربية من قبل ما تسخن بتبقى طول النهار مزرجنة ومتبرجلة يبقى لازم تسخن بالذات فى الشتاء ........

كانت الكهربا متاخرة عندي لما كانت بتغيب في الدوارة

طيب ياجماعة الف الف شكر بس برضه انا مش مقتنع بأني اروح لميكانيكي واقوله عن العطل في الكهربا خصوصاً انه كالعادة مش هيعمل حاجة عشان كده انا كنت عاوز اروح مكان فيه اجهزة بتكشف على الاعطال في كهربة السيارة انا عارف ان اجهزة كشف الاعطال موجودة للعربيات الحديثة فقط .. بس انا عاوز حد يقيس دايرة الكهربا كله حد بيعف ياعنى ايه يقيس اسبراتير وموبينة ومشط واسلاك بتوصل صح ولا لاء
فيه مكان ممكن يعملي الموضوع ده ؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة ayman20100

السلام عليكم ورحمة الله
انا عندى 3 مشاكل طلعوا عيني وعاوز اشوفلهم حل نهائي
1- العربية عمرها ما بتدور الصبح من اول مرة ولازم اسند رجلي على البنزين وساعات لازم ازود مع المارش الخلاصة العربية لو قعدت اكتر من 6 ساعات ركنه لازم تغلبني جداًاًاًاً على ما تدور والكلام ده من زمان وتم تغيير البوجيهات اكتر من مرة وتم تغيير البطارية وتم تغيير المارش واصلاح كاربيراتير وتم تغيير كاوتشة الرداخ والمشكلة هيه هي وتم تغيير فلاتر طبعاً .............. تفتكروا المشكلة في ايه ؟؟؟؟؟؟؟؟؟؟

المشكله ده خاصه بالكرتبرتير .. و لازم الصبح عشان تدور العربيه تدوس بنزين اكتر من مره و اري بعض .. و بتدور بعد 6 او 7 سبع مرات ...

شوف في الكربرتير في بخاخ شغلته هو انه يضخ البنزين لما تيجي تدور الصبح .. البخاخ ده بيسحب من تنك صغير بيكون موجود في الكربرتير .. لكن لما بتركن العربيه لفتره كبيره .. البنزين بيطير و بتحتاج تدورها بالمرش لفتره لحد ما البنزين يوصل تاني ..

حلها ..هو انك تخير البخاخ او علي الاقل تغير الجلبه بتاعته ..و الا هم من الجلبه هو انك تبص علي مكانها هتلقي خرمين .. الاول بيفتح لما الجلبه بترجع لورئ عشان يسحب بنزين .. و لما بدوس بيقفل عشان البنزين ميرجعش ..

الخلاصه .. مشكلته في الكربرتير .. بدل المصاريف ده كلها .. انزل هاتلها واحد استراد بي 100 جنيه من الوكاله او السبتيه ..

2- العربية فيها رجة جامده اوي وهي واقفة والماتور سلانسية ولما تسخن تقل شوية بس موجودة وواضحة بس اقل في القوة وانا ماشي برضه العربية فيها رجه وواضحة وقرفاني جداً .

شوف القواعد .. هما تلاته واحده عند الفتيس و واحد في طرومبة المايه و واحده في نص الماتور من واره .. عند كفالت العاصيه بالتحديد ...

3- العربية فيها حاجة غريبة جداً ومش عارف من ايه العربية لما تكون برده وادورها وامشي على طول العربية تبقى مخنوقة جداً وكاني دايس دبرياج على الاخر وكل ما ازود تكلبش في الارض وافضل كده بالظبط 5 دقايق ازود بنزين جامد العربية تكلبش في الارض وتوطي وتقعد تنطر اكنها بتكح . وغيرت زيت الماتور وبرضه نفس المشكلة ؟؟؟؟؟؟؟؟؟؟؟

---

مشكلة الكبرتير ممكن تعمل كده و كمان طقم الكهرباء .. نوعه و ظبطه .. و لما تجيب بوجيهات .. هات دانسون و ياريت لو تلاته شمعه ... هيرحيك جامد خصوصآ في الشتاء ..

نصيحة.............روح لفني متخصص مواتير فيليشيا، معقولة؟؟ أيوة
والموضوع عندك ما بين كهرباء موتور، كربراتير، هتغير رداخ البنزين الجانبي 50ج.م
أنصحك بمحمد أصلان مدينة نصر
أو الأسطى أيمن في بين السرايات بعد الحسن بتاع قطع غيار سكودا بصراحة أستاذ وظبطلي الكربراتير وشغل السخان بتاعه بعد ما كنت دايخ

جماعه من فضلكم انا معايا فيلشيا 97 و برضه لم ادور العربيه الصبح لازم ادوس مرتين او تلاته على دواسه البنزين و ادور مارش تدور و نفس الحال لو ركنت العربيه 5-6 ساعات لازم ادوس على دواسه البنزين مرتين او تلاته و لو ماعملتش كده أفضل ادور مارش ماتدورش. اعتقد ده كاوتش رداخ الكربراتير مش كده ولا يكون حاجه تانيه على كل حال هو مش مسبب اى مشكله بس عايز اعرف هل ده طبيعى فى كل الفيلشيا ولا ايه لانى مش عايز اروح لبتلع كرباتير و يقعد يخترع ارجو الرد. و عايز اسأل حضراتكم معدل استهلاك البنزين معاكم كام . و أقصى سرعه بتوصل ليها العربيه . و شكرا

اقتباس:

---

المشاركة الأصلية كتبت بواسطة heshammorsy

جماعه من فضلكم انا معايا فيلشيا 97 و برضه لم ادور العربيه الصبح لازم ادوس مرتين او تلاته على دواسه البنزين و ادور مارش تدور و نفس الحال لو ركنت العربيه 5-6 ساعات لازم ادوس على دواسه البنزين مرتين او تلاته و لو ماعملتش كده أفضل ادور مارش ماتدورش. اعتقد ده كاوتش رداخ الكربراتير مش كده ولا يكون حاجه تانيه على كل حال هو مش مسبب اى مشكله بس عايز اعرف هل ده طبيعى فى كل الفيلشيا ولا ايه لانى مش عايز اروح لبتلع كرباتير و يقعد يخترع ارجو الرد. و عايز اسأل حضراتكم معدل استهلاك البنزين معاكم كام . و أقصى سرعه بتوصل ليها العربيه . و شكرا

---

وفيها ايه مافيش اى مشكلة دى عندى بالظبط خاصة فى الشتاء ولاكن فى الصيف لن تتعرض لهذا....*

مساء الخير يا جماعه على فكره انا عايز اشكر مشرفى منتدنا الجميل و جميع الساده الاعضاء فعلا منتدى جميل . آراء ومعلومات قيمه من الأخوه الاعضاء شكرا لكم جميعا.
من فضلكم عايز اخد رايكم الكوبلن الشمال عندى بيطقطق ومش عارف اسيبه شويه ولا أغيره ولو حبيت أغيره أجيب التيوانى ولا الألمانى أحسن . أرجو الرد و شكرا

و كنت عايز أعرف مصنعيه تغيير الكوبلن كام . :prove:
شكرا

اقتباس:

---

المشاركة الأصلية كتبت بواسطة sakr1964

وفيها ايه مافيش اى مشكلة دى عندى بالظبط خاصة فى الشتاء ولاكن فى الصيف لن تتعرض لهذا....*

---

طمنتنى الله يطمن قلبك . شكرا للرد

:new:

اقتباس:

---

المشاركة الأصلية كتبت بواسطة heshammorsy

مساء الخير يا جماعه على فكره انا عايز اشكر مشرفى منتدنا الجميل و جميع الساده الاعضاء فعلا منتدى جميل . آراء ومعلومات قيمه من الأخوه الاعضاء شكرا لكم جميعا.
من فضلكم عايز اخد رايكم الكوبلن الشمال عندى بيطقطق ومش عارف اسيبه شويه ولا أغيره ولو حبيت أغيره أجيب التيوانى ولا الألمانى أحسن . أرجو الرد و شكرا

---

الكوبلن لو بيطقطق عند الملفات ممكن تسيبة شوية وعلى فكرة علشان ما تتعرضش لكدا تانى عند الملفات دوس دبرياش للحفاظ على الكوبلن....

اما بخصوصة النوعية طبعا الألمانى افضل بس عاوز اقولك حاجة انتا ممكن تجيب اللى موجود فى السوق ودا سعرة 75 جنية وشغال 100% ....

اما عن المصنعية مش زيادة عن 20 جنية ....

اقتباس:

---

المشاركة الأصلية كتبت بواسطة sakr1964

الكوبلن لو بيطقطق عند الملفات ممكن تسيبة شوية وعلى فكرة علشان ما تتعرضش لكدا تانى عند الملفات دوس دبرياش للحفاظ على الكوبلن....

اما بخصوصة النوعية طبعا الألمانى افضل بس عاوز اقولك حاجة انتا ممكن تجيب اللى موجود فى السوق ودا سعرة 75 جنية وشغال 100% ....

اما عن المصنعية مش زيادة عن 20 جنية ....

---

أولا شكرا لحضرتك . هو فعلا الكوبلن بيطقطق فى الملفات بس و بعدين الكوبلن الصينى سعره 65 و التيوانى 105 و الالمانى 160 جنيه عند واحد مضمون تماما أخلينى فى الالمانى ولا كتير ولا ايه. ارجو الافاده وشكرا