أبسط من البساطة
العربية تتغسل في بنزينة علشان تنزل اي طين او تراب فيها (من تحت)
وتنزل تحت العربية تدول على أماكن اللحامات
هتلاقي أماكن اللحامات واضحة مهما إتعمل فيها ... ولو لحام واترش عليه بوهية
هتلاقي البوهية (انا بتكلم على بطن العربية من تحت ) واضحة وجديدة
.
او
تفك فيبر القوايم..وتشوف بنفسك
هتلاقي الزنب مش مستقيمة تماما
واي عربية اتفكت قبل كده.. مش هتلاقيها على وضعها تاني
هتلاقي فيها فروقات في التابلوه او فرش السقف او او او
واي عربية تشك فيها(لو مجرد شك ) إبعد عنها علشان تكون مستريح نفسيا على الاقل
.
غير كده
العربية الي فيها لحامات .. هتبان
بس اللحامات دي بتكون في أماكن مستخبية .. وفتش عنها
انا مش قادر اوصلك الفكرة
بس الــ تيت بيبان عليها صدقني