ايهما افضل و احسن

**magdysaif** · 16-02-2012 09:41 PM

السلام عليكم
انا اعمل بابوظبي و اريد شراء سياره مابين ثلاث موديلات و لا اعلم عن مدي رواجهم في السوق المصري و هم اوكتافيا رقم 3 و هي تسمي فناتازيا في مصر ا و سيراتو رقم 1 هاي لاين و رينو فلونس رقم 1 . اريد من خبراء المنتدي الرد بالتفصيل بخصوص قطع الغيار و اعادة البيع و قوة التوكيل في مصر من صيانه و الخ ... و شكرا لكم جمعيا

**Shazlovic** · 17-02-2012 01:49 PM

دي مقارنه حضرتك مختلفه تماما ...يعني السكودا عربيه محترمه بس كبيره و عائلبه اكتر من شبابيه غير ان سعرها مختلف تماما عن السيراتو ...حضرتك مين الهيركب العربيه ..شاب صغير و لا راجل كبير تفرق...السيراتو شبابيه و عربيه جميله بس عفشتها ناشفه و منتشره جدا و ده دليل علي نجاحها في السوق المصري ...الفلونس جميله برضه بس قطع غيارها غاليه اوي و مش منتشره في مصر اوي يعني !! احسنهم من وجهه نظري الفانتزيا طبعا بس سعرها مختلف لكنها افضلهم ...ممكن لو هتدفع في فانتزيا فكر في فيكترا و سيفيك و سعرهم قريب منها علي حسب الكماليات و لو السيراتو و الفلونس حط معاهم الكروز في المقارنه و ربنا يوفقك

**magdysaif** · 17-02-2012 01:58 PM

انا لست شاب و عندي عائله من 5 افراد و الفيكترا هنا في ابوظبي يوجد منها 1.8 هي الهوندا سيفيك و الكروز فقط مش 1.6 انا اعرف ان من الصعب المقارنه و لكن أختار اي واحده فيهم ؟ من حيث اسعار قطع الغيار و جودة التوكيل في مصر و اعادة البيع ؟ لاني ممكن أخليها معايا هنا سنتين و انزلها مصر هل من الممكن ان تفيدوني بسرعه من فضلكم ؟ و شكرا جزيلا للي رد و اللي لم يرد

**cameeron** · 17-02-2012 10:42 PM

المشاركة الأصلية كتبت بواسطة magdysaif

انا لست شاب و عندي عائله من 5 افراد و الفيكترا هنا في ابوظبي يوجد منها 1.8 هي الهوندا سيفيك و الكروز فقط مش 1.6 انا اعرف ان من الصعب المقارنه و لكن أختار اي واحده فيهم ؟ من حيث اسعار قطع الغيار و جودة التوكيل في مصر و اعادة البيع ؟ لاني ممكن أخليها معايا هنا سنتين و انزلها مصر هل من الممكن ان تفيدوني بسرعه من فضلكم ؟ و شكرا جزيلا للي رد و اللي لم يرد

على كلام حضرتك ده المنافسة محسومة لصالح الفانتازيا اتكل على الله فيها

**Land_Cruiser** · 17-02-2012 10:50 PM

الفانتازيا بالنسبه لمصر احسن اختيار من المجموعة اللى حضرتك قولتها بس يستحسن تعرف ايه نظامها عند حضرتك

**tarekmomo** · 17-02-2012 11:14 PM

الاسكودا افضلهم
طيب شوف كرولا الجديدة
مازدا 3

**magdysaif** · 20-02-2012 10:27 AM

الكرولا و المازدا ضيقين عليا حيث انني طويل شويه و ما عرفتيش اقعد فيهم . فصرفت نظر عنهم اما الاوكتافيا فهي كبيره شويه و نظامها رقم 3 : عجل مقاس 15 و 2 ايرباج و مفتاح ريموت و باركينج سينسور و راديو مع سي دي و abs,esp,eds , فتحة تكييف خلفيه و مركز معلومات في التابلوه

**Hegazio** · 20-02-2012 10:44 AM

ياريت اللي يدل الراجل يدله عن طريق معلومة دقيقة مش عامة أو تاريخية ..الدنيا بتتغير
يعني يقول فانوس السيراتو فالتوكيل ب 400 و الفلوينس ب 450 و الفانتازيا ب 1150 مثلا " مش متأكد .. بس تقريبا كده بدرجة كبيرة "
يقول ان قطع غيار الميكانيكا و الفلاتر بتاعة الفلوينس هي هي بتاعة الميجان و موجودة ببلاش في ش دمشق و الحرفيين

علي فكرة .. فكرة ان الأوربي قطع غياره غالية و الكوري رخيصة ده كلام قديم التنيـــن .. حد يعرف قطع غيار الالانترا الجديدة كام و الفورد كام؟!!!!

**mostafa53** · 20-02-2012 04:27 PM

السلام عليكم ورحمة الله وبركاته
هناك عدة مسائل يجب وضعها فى الحسبان. أولا: الفنتازيا 1800 ولهذا سيكون جمركها أعلى بكثير من الفلوينس والسيراتو ولكنها طبعا أفضل من كل النواحى الفنية. ثانيا: كم المدة التى تتوقع أن تظل السيارة معك فى الإمارات وعلى أساسها يجب أيضا تقييم توكيلات هذه السيارات هناك وتكاليف صيانتها. ثالثا: علاقة توكيل الإمارات بالتوكيل المصرى وهل سيستمر الضمان فى مصر. وهناك العديد من السيارات التى يمكن وضعها فى الإعتبار لتوسيع مجال الاختيار