هل الغاء التكيف الساخن يزيد من كفاءة التكيف البارد ( الثلاجة) ؟

**medohai510** · 18-02-2012 01:51 PM

السلام عليكم،،،
لازم نعرف أولاً هل كل الهواء الدخل للسيارة عند تشغيل التكيف البارد أو الدفاية الساخن بيعدي علي السربنتيبة ألي موجودة تحت الطابلوة أم لا؟
لو كل الهواء الداخل بيعدي علي السربنتينة الداخلية هذه. أذن عند ألغائها بالتأكيد كفائة التكيف هتزيد، أما أذا كان لا يمر بها في حالة التكيف البارد فسوف لا تتأثر كفائة التكيف بألغائها.
فلو حد يعرف الرد برجاء التوضيح لكي نستفيد كلنا. والكليو والميجان متشابهين في نظام التكيف والتسخين كمان.

**Amr_Moh** · 18-02-2012 04:51 PM

بشكل عام .. وجود السربنتنة الساخنة في حيز الصالون
دة بالضرورة حيرفع الحراره داخل الصالون

فيزيد الحمل على الثلاجة .... لاكن الدورتين ملهمش دعوة ببعض

**shawkylotfy** · 18-02-2012 05:41 PM

المشاركة الأصلية كتبت بواسطة medohai510

السلام عليكم،،،
لازم نعرف أولاً هل كل الهواء الدخل للسيارة عند تشغيل التكيف البارد أو الدفاية الساخن بيعدي علي السربنتيبة ألي موجودة تحت الطابلوة أم لا؟
لو كل الهواء الداخل بيعدي علي السربنتينة الداخلية هذه. أذن عند ألغائها بالتأكيد كفائة التكيف هتزيد، أما أذا كان لا يمر بها في حالة التكيف البارد فسوف لا تتأثر كفائة التكيف بألغائها.
فلو حد يعرف الرد برجاء التوضيح لكي نستفيد كلنا. والكليو والميجان متشابهين في نظام التكيف والتسخين كمان.

دة الثلاجة و السربنتينة بتاعت السخن موجدين جوة علبة واحدة اتفرجوا على الصورة دة تابلوة ميجان مفكوك والسهم يشير الى العلبة الى موجود فيها الثلاجة + سربتينة السخن ودة اعتقد سبب ان الميجان تكيفها مش قد كدة يعنى جيد بس مش ممتاز زى اليابانى او الكورى ....

طبعا الفتحتيين الى فى السدر دول واحدة للبارد والتانية بتاعة السخن

**medohai510** · 19-02-2012 09:41 PM

طالما سربنتينة التسخين وثلاجة التكيف في مكان واحد أو حتي قريبين من بعض أكيد لما نلغي التسخين من هذه المنطقة سوف يؤدي الي زيادة كفاءة التبريد.
لكن محتاجين أراء وأفكار أخري لتأكيد المعلومة أو نفيها

**Hegazio** · 20-02-2012 12:22 PM

فعلا كلام الناس مظبوط و " مش مظبوط "
الدورتين منفصلين عن بعض تماما و مالهمش دخول مباشر علي بعض ...
لكن فالنهاية .. داخل الكويل قريب "لازق" في داخل الفرن .. و بيأثر عليه بدرجة ملحوظة بالذات فالسيارات الأوربية عشان التدفئه فيها فعلا مهمة و افضل من الكوري و الياباني
الغائه فعلا بيزيد من كفائة التبريد .. لكن بصراحه .. انا ماستغناش عن التدفئة .. احيانا باركب العربية بعد الفجر و درجة الحرارة 4 و مشواري ساعتين .. اكون نشفت ياعم!!!!

**sanhory** · 20-02-2012 01:20 PM

انا لا افتي في الرينو ولكن تجربتي في الهوندا في ال 3 عربيات اللي ركبتهم بعمل كده و بتفرق جدا
ابسط حاجة و هي واصلة لو فصلت الكباس و مشغل مروحة بس بتحس بالهوا دافي شوية (طبعا دا لو العربية سخنة و دايرة)
لكن بعد ما بفصلها بلاقي الهوا طالع بحرارة الجو العادي و فعلا لما الكباس بيشتغل البرودة بتبقي احسن بفرق ملاحظ

و دا بيرجع لان دورة المية بتاعت الموتور المولعة دي بتبقي معدية في مواسير جوا الطابلوه دا غير بقي الصدا اللي ممكن تعمله و ساعات بيكون فيها تسريب بسيط و ماية الرادياتير تقص و احنا نلف حوالين نفسنا مش عرفين منين

فا اللي مش بيستعمل الدفاية يستحسن يفصل القصة دي

**Hegazio** · 20-02-2012 01:22 PM

المشاركة الأصلية كتبت بواسطة shawkylotfy

ممكن يتلغى فى الصيف ويتركب تانى فى الشتاء هى عملية مش مكلفة ومش مجهدة لكن بصراحة الصيف فى مصر فى الزحمة الواحد بجد بيموت

مممممممم.....افكر
بس عموما تكييف الفلونس فيه بصمة نيسانية احسن شوية من تكييف الميجان اللي كانت معايا قبلها

**sanhory** · 20-02-2012 01:33 PM

المشاركة الأصلية كتبت بواسطة shawkylotfy

مشكور على مشاركتك نفس القصة فى الرينو الميجان الثلاجة وسربنتينة السخن فى علبة واحدة فوق بعد :) مش عارف الى صنعها دة دماغة اية

اعتقد ان اي عربية لازم تبقى كده لان نفس المروحة هي اللي بتشتغل في الحالتين

الموضوع: هل الغاء التكيف الساخن يزيد من كفاءة التكيف البارد ( الثلاجة) ؟

LinkBack

أدوات الموضوع

عرض

-

-

-

-

-

المواضيع المتشابهه

ركبت مروحة امام سربنتينة التكيف برده العربية بتسخن مع التكيف

عايزيين نلغي التكيف الساخن .... ايه رأيكم

تقوية الارضي وعزل ماوسير التكيف و تغيير مروحة التكيف

حرارة الميجان 2 مع التكيف تعلى ومن غير التكيف ثابتة على النص

ظبط التاكيهات على البارد ولا على الساخن ؟

الكلمات الدلالية لهذا الموضوع

المفضلات

المفضلات

ضوابط المشاركة