الموضوع: خطأ شائع وبسيط ولكن قد يكلفك حياتك

المشاركة الأصلية كتبت بواسطة axel

حضرتك تأمرِ

بالنسبة الصرة اللي بتتفك ديه ورا العجلة و ديه بتتفك في حالة ان البلي تم استهلاكه و محتاج يتغير يعني ملهاش دعوة ببتاع الكاوتش نهائي بتاع الكاوتش شغلهه خارجي فقط

بالنسبة الدق و الكبس فيه ميكانيكي بيكبر دماغه و يجي يركب البلي تلاقيه مسك المطرقة و شغال دق طبعا ده غلط ع الاجزاء
المفروض يكبسها لو عنده امكانيه او يروح عند خراط يكبسها و ديه الافضل لأنها بتحافظ ع الاجزاء

بالنسبة الجزء التاني

فيه عربيات لما العجلة تتفك بيفك مسامير من العجلة 4 مسامير حجمهم كبيير
و فيه عربيات بيبقي طالع من الجزء اللي ورا العجلة ( الطنبورة مفرد طنابير اللي بيركب عليها التيل و يمسك فيها لما تدوسي فرامل ) فبيبقي طالع من الطنبورة ديه 4 او 5 مسامير و لما العجلة بتتفك بيفك صواميل بس
في الحالة التانية بتاعت المسامير اللي طالعة من الطنبورة بتبقي عرضة انها تتعوج او تفوت من ورا الطنبورة
لو اتوعجت الصامولة بتمسك في المسمار و بيبقي مستحيل انها تتفك ممكن بشوية زيت فرامل يتحطوا عليها تفك لكن لو متفكتش فيه كذا حل بيتعملوا بالترتيب
ياما الراجل بيحاول يكسر المسمار و العجلة راكبة لو متكسرتش و المسمار مفوت يعني بيلف كله من جوة
بتروحي لبتاع شكمانات يفورها ( بمعني بستخدم اللحام عشان يسيح الصامولة و ديه بياخد عليها 5 جنيه كحد اقصي ) و بترجعي لميكانيكي تاني يفك التيل و الطنبورة و يركب مسمار جديد بداله بس كده

اللي تخلي بالك منه ان الراجل يربط المسامير او الصواميل كويس و العربية مرفوعة و تتأكدي ان العجلة طبعت متكونش معووجة و هي راكبة بمعني طالعة من عند مسمار و داخلة من عند مسمار و بعد ما يربط كويس ينزل و تتأكدي انها راكبة صح هو يأكد بس ع المسامير لما ينزل العربية لكن يأكد بايديه ميتكش ع المسامير برجله لأن ساعات بتؤدي غير ان المسمار يتعوج ان المسمار يفوت

ارجو ان يكون الشرح واضح :)

اخر جزئية دي هي اللي فيها الخلاصة بصراحة لان اللي فوق صعب عليا شوية افهمه بس اهم حاجة اني اعرف ازاي اتحاشى المشكلة اصلا باني اطبق النصيحة الاخيرة دي و اخلي بالي و هوا بيركب العجلة و بيربط المسامير

جزاك الله خير و الشرح زي الفل تسلم ايدك