الموضوع: انا اعمل ايه يعنى دلوقتى....حد يدلنى اتصرف ازاى؟؟؟؟

ماشي يا سمسم بيه انا هاكشف على الحاجات دى وبمانسبه ماستر الدبرياج انا غيرته عشان كان بيهرب زيت والدبرياج مستواه مظبوط مش عالى ....
بمناسبه العفشه ممكن تكون صلايب الكبالن مثلا مش تمام ؟؟؟؟؟مش عارف

المشاركة الأصلية كتبت بواسطة mostwanted

أولا انا اسف على ردودى المتأخره دايما ..بس فعلا غصب عنى الشغل بقي ....
انا هارد على الاسئله بالترتيب بتاعها....
1-العربيه فى المطالع كويسهمعقوله جدا اعتقد يعنى لوسرعه بطيئه مثلا الغيار التانى بيشد من غير تأثير فى سحبه.
2-المشكله بتزيد وتخف من غير علاقه بالتحميل والوزن....
3-العربيه بتفتح وبتروح وبالعكس سحبها على السرعات العاليه محترم خصوصا بعد ال 120بقطع اى حد النهارده اقرب مثال باشد مع كيا كوب طالع منه بسهوله جدا وساحب لحد 155 تقريبا ....
4-العربيه بتكركر لو انا باطلع على السلانسيه بس انما لو تقلت رجلى على البنزين وانا طالع مش بتكركر...سعات وانا بادي الغيار التانى لو اديته على السلانسيه و مدستش بنزين بتكركر برده ....هيا مش كركره هيا رجرجه يعنى من يومين واحد صاحبي بيركنها وانا واقف جنب العربيه لاقيت الفرده اللى قدام بتتهز وتترج بعنف بصوره غريبه مش طبيعيه....
5-اخر شغل اتعمل فى العربيه كان من خمس شهور وكان الاتى:
*تغيير ديسك واسطوانه وبيليه فتيس .
*تغيير ماستر دبرياج فوق.
*تغير طقم بوجيه .
-المفروض ان كل القطع السالف زكرها هوندا اصلى يبانى من مجدى الدسوقى .
الشغل اللى قبله فى الموتور كان تغيير سير كاتينه من سنه تقريبا.
سؤال ممكن يكون نضافه الميكانيكى ليها عامل بس الموضوع اصله مش كيميا دا ديسك واسطوانه يعنى ....
ايه رأيك ؟...

السلام عليكم
بسم الله الرحمن الرحيم ........الإجابة الفولام ثم الفولام

بص يا باشا إنت بتتكلم على عربيتي أصلا مش عربيتك ....وو جبت الطقم اللي إنت جبته ....وصدقني.... اللي باقولك عليه ده هو اللي عندي بالضبط رجرجه وإنت طالع على الأولاني ولو زودت شوية بنزين الصوت حيروح .....وطبعا لو مشينا على الطريقة دي شوية حلوين ....الإسطوانة حتروح زي ماتقريبا راحت من عندي ....ونفس الموضوع في الطلعة وفي الغياار التاني صوت طقه ومش عارف في صلايب الكوبلن ولا في حاجه تانيه وحتجنن من الموضوع ده

تاني حاجة ولازم تعرفها ....مفيش حاجة اسمها علشان مجدي الدسوقي يبقى راجل ثقة ...الكلام ده كله كلام فارغ وملوش لازمة ....كلهم تجار وعايزين الحرق ....بص يا باشا أنا اشتريت من مجدي حاجات كتير جدا وتقريبا كان كسبان في كل حاجة مدهالي من 25 ج :50 أو 100 ج كمان
بس أنا حقولك على موقف خلاني أموت من الضحك على مجدي الدسوقي
الطانابر اشتريتها من عند مجدي ...وقعد يقولي دول الأصلي وهابعت اجيبهملك من بورسعيد وآخر حتتين ومعنديش غيرهم والكلام ده
بكم يا عم مجدي قال لي بـ 550 ..قلتله ماشي وجبت التيل ماركه nissin ههههه الأصلي بـ 260 ج على كلامه .....وركبت يا معلم .....وهو أسبوع ولقيت الفرامل كل مادوس دوسهه تراجراج ....الله هو في ايه ....روحت فكيت الطانابر وقلت اكشف عليهم ....هههههه لقيتهم مريجين ...طب ناخدهم مسحة يمكن يتعدلو شويه ....عملتهم وانا بركب لقت الراجل بيقولي غير التيل علشان وحش ...قلتله إزاي ده أنا جايبه من أسبوع ...قالي التيل فيه نحاس ....ووارهولي فعلا ....قلت حسبي الله ونعم الوكيل .....ادي مجدي الدسوقي يا عم .....وكلمته علشان اعرف منه سعر حاجة .....وبالمره قلت اقوله على التيل .....استغربت قوي من رده ......
لقيته بيقولي هو يا باشا احنا لاقينه ده أنا دايخ عليه ومش عارف اجيبه ..ههههههههه
بقوله ده مضروب يقولي دايخ عليه مش عارف اجيبه ....يا باجاحتك يا اخي
وبرضه توشكى نفس الموضوع .....جبت كوبلنين خارجي تايواني وقال لي حيعيشوا معاك شوية حلوين ...قعدت بيهم 10 أيام ...وانا راجع البيت كان في شوية رملة في الشارع فقولت ماتيجي ياض تعملك سناكاية على السريع كده .....وهو أول يمين في شمال وسمعت تك تك تك ....وشي جاب ألوان قلت يانهار اسود ده أنا لسه جايبهم .....مش معقولة من سناكاية واحدة يحصل الكلام ده ....ده أنا على رملة مش اسفلت .....ادي الجديد يا حبيبنا

واللهِ مافي اجدع من الإستراد .....بيجيب من الاخر وإن شاء الله حيبقى من بورسعيد مش من هنا
معلش طولت عليك بس هي دي قصتي مع الجديد ومع التجار الغالين علينا ههههههه

والله انا كل حاجه كنت باجيبها استيراد ...
الكبالن انا كنت جايبها استيراد من سنه وماشاء الله زى الفل مفيش مشكله ...
الفولام ده بقي اللى هوا الاسطوانه بتركب عليه صح ...
ده بتاكل برده وتخف ...يعنى ممكن يتمسح على المخرطه زى طنابير الفرامل كده ؟؟؟؟

انا خلاص قررت...هافك الفتيس بكره وابص.... على رأى واحد صاحبي قالى أسال العربيه وهيا تقولك ....مش هاينفع فعلا نقول الكلام كده من غير ـاكيد انا انشاء الله افك الفتيس بكره الاحد واقولكم الدنيا جوا فيها ايه ...
يارب تطلع بسيطه ....

المشاركة الأصلية كتبت بواسطة mostwanted

والله انا كل حاجه كنت باجيبها استيراد ...
الكبالن انا كنت جايبها استيراد من سنه وماشاء الله زى الفل مفيش مشكله ...
الفولام ده بقي اللى هوا الاسطوانه بتركب عليه صح ...
ده بتاكل برده وتخف ...يعنى ممكن يتمسح على المخرطه زى طنابير الفرامل كده ؟؟؟؟

اوعى تعمل كده ....ولا خرط ولا مسحة ولا الكلام ده ....ده اسمه شغل عك ....اللي باظ يترمي وييجي غيره اسمع الكلام ....ونصيحة اخيرة خليك في الإستراد ....طبعا مش في كل حاجة ...بس عامةً الإستراد يكسب ....نصيحة ...نصيحة ...نصيحة