عاوزين نعمل قائمه باهم مواتير البى ام الشائع تسقيطها ومميزات كل منها واسعارها وتكاليف تركيبها من الالف للياء ياريت كل شخص سقط موتور يعطنا معلومات عنه ومميزاته وسعره
عرض للطباعة
عاوزين نعمل قائمه باهم مواتير البى ام الشائع تسقيطها ومميزات كل منها واسعارها وتكاليف تركيبها من الالف للياء ياريت كل شخص سقط موتور يعطنا معلومات عنه ومميزاته وسعره
أنا مسقط موتور 1800is الرياضى من حوالى 4 شهور لسيارتى e30 موديل 88
مواصفاته 140 حصان - 2 كامة - 16 صباب - 180 N·m
مميزاته : قوى جداً فى الإنطلاق وسريع فى التجميع بشكل مذهل
علاوة عن أنه خفيف الوزن مقارنة بالمواتير ال 6 سلندر .... وهذا الفرق فى الوزن مفيد جداً
فى المنحنيات الصعبة خاصة فى السرعات العالية حيث أن وزنه
لا يختلف إلا قليلاً عن وزن الموتور الأصلى للسيارة فبالتالى يحافظ على التوازن الأمامى والخلفى
المعروف عن سيارات ال BMW
بالنسبة لإستهلاك البنزين فهو رائع .... وقد لاتصدقونى إنه أوفر من الموتور القديم m40 1600cc إنجكشن
وبسؤال الفنى المختص قال لى أن الفرق يرجع التكنيك الأعلى وكذلك أن
الموتور الجديد به حساس خاص للبنزين
سعر الضريبة كأى موتور 1800cc
صوت الموتور فى وضع الإستعداد به رنة مميزة هادئة وفى التسارع كصوت سيارات السباق
إحتياجاته الأساسية :-
فلتر رياضى - كورونا سريعة- جكمان جيد - فرامل على الشعرة
ولا إجبار على تغيير العفشة ولا تغيير أو تعديل بالكردان ولا الجيريبوكس
عيوبه :- ماشاء الله حتى الآن لم أشتكى من شئ سوى إنه مغرى جداً للتسارع ويحتاج
لعقلانية فى القيادة
التكلفة 5000 جنية شاملة الآتى
الموتور كامل بالضفيرة والكونترول وطلمبة الباور وكومبريسور التكييف علاوة على الجكمان الجديد
وفلتر رياضى HKS .
أتمنى الإفادة للجميع
faroukzen : بجد بشكرك على الموضوع ده ! :) ياريت برضو نعمل نفس الموضوع بس للعفشة...انا هعملو علشان نستغيد برضوا ...
waleed_sat : شكرا ليك افادتنا كويس اوى...بس ايه رايك ال 1800is ولا ال 2000cc ؟
انا بسمع ان 1800is قطع غيارة هي المشكلة بس
ياريت تقولنا اية اخبارها معاك
نفسى أعرف مين بس اللى طلع الإشاعة دى !!!
يا إخوان الموتور منتشر جدأ ولو عاوز أى مسمار فيه موجود بإذن الله
وبالمناسبة أنا والعديد من الإصدقاء لى بالإسكندرية عندنا نفس الموتور
ولم يكن هناك أى شكوى من قطع الغيار
وبالمناسبة بيتعمل تعديل فى الموتور ده يرفعه 20 حصان زيادة عند
عقبرى ال BMW فى إسكندرية (محمد الليبى)
والسيارة بعد التعديل ده بتصل لمرحلة الجنون ..... يعنى مثلاً لو ماشى على سرعة 100
وعملت Kick Down تكاد السيارة إنها تمشى بالعرض
وهذه التعديلات تنفع أيضاً مع المواتير ال 2000cc فما فوق
الحقيقة لم أعمل هذه التعديلات فى سيارتى الخاصة حتى الآن ولكنى رأيتها فى 3 سيارات أصدقائى
لو محتاج تعرف أسماء المحركات الشائع تركيبها و التعديل إليها راجع موضوع بالرابط بالأسفل
http://www.nilemotors.net/Nile/194894-316-91-97-a.html
و توجه للصفحه رقم 10 و هتجد رد بأسمى فيه كل أنواع المحركات اللى نزلت بال e36 وكل المحركات المتواجده بالموضوع بالنسبة لل 4 سليندر و ال 6 سليندرهى المرحكات الشائع استخدمها مع بيانات كل محرك و رد أخر لى هتجد فيه تسارع هذه المحركات و سرعتها القصوى مع وجود صوره لتوضح شكل كل محرك :)
هايل ياجماعة ماشاء الله معلومات وافادة رائعة ربنا يباركلكم
sheko_2000eg : شكرا يا باشا على الرد
waleed_sat : انا كنت امبارح فى الحرفيين و فعلا قالولى هناك ان ال 1800is قطع غياره نادره شوية
موتور 2000cc بحاجتة سألت علية فى الحرفيين عند العمدة بـ 5500 جنية
ياجدعان العمدة دا تقريبا ملوش كلام ثابت
انا كنت عندة وقالي الموتور الاسود دا ب 6500 مع ان صاحبي كان سائل علية وقالة 3500
بس صاحبي قالي انة بيحب الفصال الكتير اوي
TheBuccaneer : انا اللى روحتله العمدة و بعدين احمد ميدو...و سالت واحد عند احمد ميدو الموتور لو طلع مش كويس هارجعهولك, قاللى مفيش مشكلة بس مفيش حاجة رجعتلهم ابل كده خالص علشان المواتير كلها اللى عنده كويسة
طيب ترشحولى مين احسن واحد اجيب من عنده؟
واحد صاحبى يعرف زهير كويس...هل اتعامل معه ؟ هاجيب عفشة 6 سلندر و موتور 20
احمد مبيشبعش تظبط ياعم :)
بس معرفش بصراحة لية اسعارة مع كل واحد بشكل
يعني انا كنت مع صاحبي وبسالة عالموتور وصاحبي دا واخد نفس لموتور من فترة صغيرة وواقف معايا فا قالي ال1800 98 ب5000 وال2000 الاسود الفانوس 6500
انا اتخضيت بصراحة لان بسمع عالمنتدي هنا اسعار وناس بتتكلم في 3500 و4000
وكنت عايز اسالة علي 1800 is بس قلت ملهاش لزمة احسن يقولي 7000 ولا حاجة
شوف يا باشا
بالنسبة للتفاصيل الفنية الدقيقة لموضوع التعديلات مش حقدر أفيدك بالقدر الكافى
إنما اللى أقدر أقوله لك أن التعديل بيكون فى تغيير ic فى الكونترول وبينزل عليه سوفت وير
بيخلى تفصيلة الموتور سريعة وبيزود كمية البزين والكهرباء اللازمة للحريق عند السرعات العالية
مع بعض تعديلات فى الموتور مثل تغيير الرشاشات وشغل خراطة ... ومش كل المواتير
تعديلاتها زى التانية
بالنسبة للتكلفة فى حدود ألف جنيه
وليس لها تأثير على عمر الموتور لأن كل شئ مدروس وبدقة خاصة أن اللى بيعمل
التعديل ده مهندس ميكانيكا وقضى نصف عمره فى توكيل bmw بمدينه فاليتا عاصمة مالطا
وعموماً أنا رايح بكره عنده وسأفهم منه التفاصيل بشكل أكبر
بجد انظف شخص وجدت عنده بلوكات محركات هو كمال نصار قد يكون السعر عنده مرتفعقليلا بنسبة 500 - 1000 جنيه عن غيره لكن بالأمانه بلوكات المحركات عنده نظيفه. عندك أيضا محمد رحمه فى شارع المرسيدس المحل إسمه "الرحمه" و عندك زهير فيه هناك واحد إسمه "بلال" قصير القامه و الثانى إسمه "عبد الحميد" طويل القامه و ضخم الجثه كده بيقول كلام و حوارات المهم اسمع منه من هنا و فوت من هنا...
مفيش كلام بعد كلامك يا صحبي
يا ريت تنورنا علي الجروب يا عمرو
Log In | Facebook
اومال سعرال25 الابيض بكام دلوقتي والاسمر ال 25 السينجل فانوس
انا متشكر لك يااستاذ waleed_sat
وياريت تعرفنا سيارتك كانت كربراتير ولا انجكشن ولو كان كربراتير هل التعديل مافهوش اى عيوب معاك وكنت عاوز اعرف الموتور ده بينزل منهبفتيس اتوماتك ولا لا
ايه رأيكوا في ال e21 اي سنه من 79 الي 83 و ايه حسن ماتور يركبلها من غير ما يتعبها ,,,,,, انا جديد جدا في ال بي ام بس بحب ال e21 جدا جدا
من باب الفضول بس..واعذروا صاحبكم الجاهل
موتور ال e60 الجديد (من 2006) ده يعمل كام؟ :)
موتور الe39 الدابل فانوس عامل كام ؟؟
E39 فئة 520, 523 , 525, 530 و لا 540
http://upload.wikimedia.org/wikipedi...K_N52B30_2.jpg
هذا هو المحرك و معروف كوديا ب N52B25 و هو بسعة 2497 سى سى قدرة 218 حصان @ 6500 أر بى إم و عزم 250 نيوتن @ 2750 - 4750 أر بى إم - هذا فى حالة إنه معه E60 525i
أو
N52B25 و هو بسعة 2497 سى سى قدرة 174 حصان @ 5800 أر بى إم و عزم 230 نيوتن @ 3500 - 5000 أر بى إم - هذا فى حالة إنه معه E60 523i
سعره أنا ليس لدى خلفيه قويه لكن اعتقد إنه من 10,000 - 15,000 جنيه سعر محرك فقط استيراد و عالعموم أنا هسأل لك على سعره بالضبط
ماهو افضل موتور بى ام بسعه 1600 سىسى وكم يبلغ تسارعه وسعره فى حدود كام وفى منه اتوماتيك ولا مفيش
السلام عليكم...
أولا توضيح بسيط بى إم دبليو لا تشترط أن يكون محرك السياره يتطابق مع موديل السياره, بمعنى إنه على سبيل المثال ال E46 316 2004 مثلا بها محرك سعة 1796 سى سى و أيضا الفئه الخامسه E39 523i يوجد بها محرك سعة 2494 سى سى
أفضل محرك بسعة تقريبا تصل إلى 1600 سى سى (1596 سى سى بالضبط) هو ال M43B16 و هذا المحرك بسعة 1596 سى سى - 101/102 حصان @ 5500 أر بى إم - عزم 150 نيوتن @ 3900 أر بى إم - تسارع من 0 - 100 كم/ساعه فى 12.7 ثانيه - سرعه قصوى 195 كم/ساعه
M43BXX
http://images.bimmers.no/files/w6b70hh6sam7w97h01vm.jpg
يوجد منه طبعا اتوماتيك و لا يوجد محرك بى إم دبليو لا يوجد به اتوماتيك سوى محركات الفئات الرياضيه كال M3 - M5 - M6 إلخ... و طبعا ليس بكل السنوات سنوات و موديلات محدده فقط التى نزل بها فتيس مانيوال لهذه الفئات الرياضيه ثم اتبعت منذ عام 2000 بأنواع أخرى من أنواع الفتيس دون الخوض فى تفاصيل هذه الموديلات و الفئات من السيارات
سعر المحرك + العدادات + الكنترولات + الفتيس المانيوال فى حدود 4000 - 4500 جنيه
تسارع الموتور 1800 is كام
يعني موتور ال e60 بتاع ال 525i بيدي 218 حصان اما موتور ال e39 ال 525 بيدي 190 حصان و بتاع ال 523 بيدي 170 حصان ؟ انا فاهم صح كدة ؟
محرك ال 318iS فيه منه 3 فئات
الأول ال M42B18 1989 - 1991 سعة 1796 سى سى - 134 حصان @ 6000 أر بى إم - عزم 172 نيوتن @ 4600 أر بى إم
الثانى ال M42B18 1992 - 1996 سعة 17962 سى سى - 138 حصان @ 6000 أر بى إم - عزم 175 نيوتن @ 4500 أر بى إم
الأخير ال M44B19 1997 - 2001 سعة 1896 سى سى - 138 حصان @ 6000 أر بى إم - عزم 180 نيوتن @ 4300 أر بى إم "و صمم لتغلب على الوزن الزائد لموديل ال E36 عن موديل ال E30"
تسارع كل من ال M42B18 1992 - 1996 و ال M44B19 من 0 - 100 كم/ساعه فى 10.2 ثانيه و سرعه قصوى 213 كم/ساعه
فيما يتعلق بإن ال E39 523 محركها 170 حصان فهذا صحيح
فيما يتعلق بإن ال E39 525 محركها 192 حصان فهذا صحيح
فيما يتعلق بإن ال E60 525 محركها 218 حصان فهذا ليس فى كل الأعوام لكن بداية من عام 2005 تقريبا أو 2006 و كذلك الحال بالنسبه لمحرك ال E60 523 إنه قدرة 174 حصان بداية من نفس الأعوام
قبل ذلك كان بال E60 525i و ال E60 523i نفس المحرك الموجود بال E39 525i و E39 523i عام 2004