السلام عليكم ورحمة الله وبركاته

كنت ناوى باذن الله مع صيانة الالف اعمل سمكرة ودهان للرفرف واركب سينسور الركن
علشان دهان اللى على الرفرف لاسف راح وخدش بقى مبين صاج العربية واخاف يحصل صدا
او بارومة مثلا من التراب او مطرة و كده او مياه اثناء غسيل العربية
المهم انا سألت و محتار مش عارف اعمها فين

مودرن اللى فى ابو رواش ولا الهايكستب
ولا اوتو ايجيبت ابو رواش ؟
حد جرب او عنده معلومة عن شغل السمكرة وكده وليه تجربة مع احد التوكيلات السابقة
ياريت يقوللى

بالنسبة للسينسور سالت عليه فى اوتو ايجيبت قاللى 4 حساسات وبتترش ب 450 جنيه
فايه رايكم حد ركب السينسور هناك يقوللى رايه ؟

التوكيل بيبقى فاتح السبت ولا اجازة وهل لازم احجز بميعاد سابق ؟ لانهم قالولى هتسيب العربية
يومين تقريبا

واسف لاطالة وتقبلو فائق احترامى