الموضوع: تجربتي مع المية الخضرا و زيت الفرامل من وطنية

بسم الله الرحمن الرحيم
السلام عليكم و رحمة الله و بركاته


هنقلكم تجربتي في المية الخضرا و زيت فرامل بتاعت وطنية

اغلبنا بيجيب مية خضرا بتاعت موبيل جيركن 4 لتر بــ 60 جنيه

او السعودي بــ 25 - 30 جنيه
او الاسباني بــ40 جنيه
او المصري و انا غالبا كنت بجيب المصري و ده سعره بيتراوح ما بين الــ 15-25

بشوف دلوقتي الاسعار لقيت الجيركن من موبيل بــ 68 جنيه
و الاسباني موجود بنفس السعر
و مفيش السعودي او المصري

قولت اجرب المية الخضرا بتاعت وطنية مش هخسر حاجة و هي مصري برده طبعا

الجيركن 4 لتر 30 جنيه
مفيش اي فرق يذكر لغاية دلوقتي و محافظ ع الحرارة عادي جدااا و طبعا هيبان اكتر في الصيف ان شاء الله

و ديه صورته






بالنسبة زيت الفرامل كنت مزنوق و الزيت ناقص و مش لاقي حد قريب عنده نوعية زي بيندكس او لوكهايد كلهم عندهم العلبة الصفرا
و انا بجيب المية الخضرا لقيت زيت الفرامل برده عندهم في وطنية
الأول قلقت لما شوفت العلبة الصفرا لأني مجربها و معنديش استعداد احط منها تاني اداء سئ و طبعا لا يقارن ببندكس او لوكهيد اساسا بس الاستيكر مختلف لكن ممكن يطلعوا من نفس الشركة و اختلاف استيكر و ده اللي شاكك فيه لحد دلوقتي
بس قولت اتوكل ع الله و اجرب و خلاص جت ع ديه هههههههه

لحد دلوقتي مفيش ملحوظات اداء الفرامل بسم الله ما شاء الله كويس

العلبة بـ 7 جنيه dot 4

و ديه شكل العلبة






انا قولت انقلكم تجربتي عشان لو حد عايز يجرب و مقلق منها


بالتوفيق ان شاء الله