شوفت بعينى محدش قالى
الموضوع زاد عن حده قووووووووى
الواحد حاسس ان العملية ماشية بالدور
وحاسس ان الدور هيجى عليه عاجلاً أو آجلاً
ياااااااارب استرها معانا
واسترها على مصر وشعب مصر
فيه ناس كتير لحد دلوقتى بتشكك فى الإنفلات الأمنى
وبيتصورا ان العملية فيها مبالغات من الإعلام ومن النظام !!!!
وتلاقيهم بيشككوا فى الناس اللى بتكتب مواضيع زى ديه
ويقولك دول اعضاء جداد بينشروا الفزع لتحقيق اهداف سياسية ما
ومش مصدقين اللى بيحصل فى الشعب المصر الغلبان
جارى شغال سواق .... اشترى عربية شيفورلية الدبابة
زيرو موديل 2011 أو 2010 بالقسط وبييشتغل عليها
وبيسترزق منها

يوم الثلاثاء الماضى 14-2-2012
فى تمام الساعه الثامنة مساءاً
(خد بالك الوقت مش متأخر بعد صلاة العشاء بساعه) والدنيا ماشية والطريق عليه عربيات كتير.... كان راجع على طريق الإسماعيلية الزراعى ومتجه الى طنطا
عدى جنبه عربية دايو نيوبيرا ومشى قدامى شوية
وبعدين فوجئ بيه بتتوقف بالعرض فى منتصف الطريق وبينزل منها ناس برشاشات
هوه شاف المنظر قال بس خلاص
طلع على الترابى وعدى بالعافية بجوار النيوبيرا وقرص على العربية وداس على الآخر فى محاولة للفرار بسيارته وشقى عمره وسط طلقات متتالية من الرشاشات فى محاولة لإصابة كاوتش السيارة ....

شوفت بعينى محدش قالى ...
صندوق السيارة مصاب بالعديد من طلقات الرصاص وبعض الرصاصات اخترقت كابينة السائق
كرسى السائق مصاب بطلقة استقرت فى الكرسى نفسه على بعد مليمترات من ظهر السائق ... انا شوفت الثقب فى كرسى السائق استعجبت وقولت سبحان الله... سبحان من نجاك !!!
الكاوتش بتاع السيارة الأمامى اصيب بشظية من الرصاصات وريح ولكنه طبعا طااااااااااااار ولم يتوقف
بيقولى كان فيه عربية نص نقل وراه اكيد اتثبتت وإتاخدت
واضح انهم بيصطادوا العربيات الجديدة
كان فيه موضوع هنا من شهور لأخونا جوست
عربية الشغل بتاعه نص نقل تيوتا 4*4 اتسرقت بنفس الطريقة على نفس الطريق !!!

ديه شوية صور لبعض اثار الرصاص فى الصندوق الخلفى





ياااااااااارب رحمتك
ربنا يسترها معانا ويعديها على خير
وينتقم من اللى كان السبب

وينتقم من مسببى الخراب والدمار فى مصر
حسبى الله ونعم الوكيل