الموضوع: زيت فتيس الاوبترا

المشاركة الأصلية كتبت بواسطة mostafa_mohame

سؤال يا أستاذ حسام هو أنا معايا اوبترا 2007 مانيوال عاملة 123000 كم وأنا كل ما اروح للميكانيكي قولوا غيرلي الزيت بتاع الفتيس يقولي مش بيتغير وأنا حاسس إنه لازم يتغير قولي إيه الحل ؟!

لأ اكيد بيتغير واعتقد انت كدا متأخر كتير , ممكن تغيره فى بنزينه تكون تثق فيها

ولو انت فى القاهره ممكن تكلم فالفولين يجيبولك الزيت لحد البيت ويغيرهولك ببلاش , اللتر ب 75 العربيه هاتاخد لتر وشويه يعنى هاتجيب علبتين ب 150

المشاركة الأصلية كتبت بواسطة mostafa_mohame

ربنا يخليك لينا يا حسام باشا المشكلة أنا ساكن في اسكندرية وإنت كده حضرتك إيه أحسن نوع زيت فتيس اغيره ومع العلم أنا مانوال وتغيره ده بيحتاج واحد ميكانيكي شاطر ولا عادي مش فيلم الموضوع ؟!

ومعلش سؤال تاني أنا عارف أنا رخم أنا برده مغيرتش زيت الباور وحاسس إنه ساعة الدركسيون بيتقال معايا ؟! اغيره ولا لا ؟! و لو اغيره اغيره ل نوع إيه ؟!

وتعبك معايا كتير والله !! :)

اولا مفيش تعب ولا حاجه تحت أمرك

بالنسبه لطريقة التغيير كان فى موضوع من فتره عنه اقراه اكيد هايفيدك

http://www.nilemotors.net/Nile/261194-a.html

اللى مكتوب فى الكتالوج ان نوع زيت الفتيس المانيوال 75W-90 والكميه 1.8 لتر بس فى الموضوع دا بيقولوا ان الكميه اكتر والله اعلم

زيت الباور المفروض يتغير برضه ودا هاتغيره بزيت فتيس اوتوماتيك ( زيت الاوتوماتيك هو هو زيت الباور ) النوع DEXRON® II D أو DEXRON® III أو JWS 3309 أو FLUID III G الكمية 1.1 لتر

المشاركة الأصلية كتبت بواسطة medo2004358

حسام باشا ياريت تقولي زيت الباور للاوبترا اوتوماتيك بيتغير ولا لأ و احسن نوع أية

ايوه ممكن يتغير بس انت عامل كام كيلو ؟ وحاسس باى تغيير فى الباور ؟ مستوى الزيت مظبوط ولا ناقص ؟

انا كنت باشيك عليه وانا باغير زيت الفتيس لقيته ناقص حاجه بسيطه , زودته بنفس نوع زيت الفتيس كنت جايب فالفولين MaxLife ATF الاحمر