أوماتر مثال لقمة الأدب

**yoko** · 18-02-2012 04:53 PM

النهارده كنت في أوماترا بسبب مشكله في الفرامل كانوا المفروض إتصلحت قبل كده
ودتلوهم العربيه مدير الصيانة -م. شريف صلاح - بيقولي يا تبيتها يا تمشي بيها من غير فرامل قلتله أنا محتاج العربيه مينفعش أبيتها وأكيد مش هينفع أمشي من غير فرامل والغلط من عندكم إنكم مصلحتوهاش من الأول
بيرد يقولي ل دي مشكلتك إنت إتصرف
قلت: حسبي الله ونعم الوكيل (بفوض أمري لربنا عشان مش عارف أهبب إيه في المشكلة دي)
تخيلوا يعمل إيه يزعق ويطردني بره مكتبه

إيه رأيكم في التوكيل المحترم ده؟

**yoko** · 18-02-2012 05:24 PM

لأ ما انا بعرف أخد حقي العربيه دخلتلهم
وهيأجرولي عربيه على حسابهم
بس الفكره في إسلوب التعامل ولازم تشتكي للإدارة في الدقي ويترد عليك وتلاقي ناس جوه التوكيل بتكلم الإدارة تقولهم كلام عكس الحقايق ولو مبتعرفش تاخد حقك هيتضحك عليك
لكن برده كل ده مقدور عليه لكن تتطرد من مكتب جوه التوكيل دي بصراحة .............

**shaddadfalcon1** · 18-02-2012 05:58 PM

ايه الهبل ده ؟ المفروض البني ادم ده شغال وبياخد فلوس عشان يخدمك انت واللي معاهم عربيات فيات اللي هما في الأخر بيصرفو عليه وعلي امثاله

حسبي الله ونعم الوكيل

**maryano** · 18-02-2012 06:08 PM

لا بصراحة حاجة مسخرة و عدم احترام دة لو رحت لمكانيكي في الشارع مش حيزاعق و يطردك دة المفروض شغله مش جاي بيلعب يعني !!!!!!

**Mohab.Nabil** · 18-02-2012 08:02 PM

اوماترا فعلا بتموت مصر بالطريقة الغريبة فى التعامل ديه

لو شركة محترمة اظن ان شكوى للى اكبر منه كفيلة انه ياخد عقاب كبير جدا و يا ريت لو حد كان حاضر يا يوكو يكون معاك عشان برضه ميقولوش انك بتزود فى اللى حصل او كده

ربنا معاك و الله و ان شاء الله التوكيل يتغير قريب