تركيب فلتر simota للنوبيرا (فيديو تسارع)

من فترة وانا شغال في تعديل العربية ولسة التعديل ان شاء الله هيبقي أحسن
ركبت النهاردة فلتر سبور Simota
جبته ب 195 جنيه من شارع دمشق
طبعا انا حاطه في حوض الموتور لسة
انما انا هحطه تحت ورا الفوج بماسورة
بس الصراحة دورت كتير عالماسورة معرفتش .... سألت علي PVC قالولي صعب تتني وهتحتاج تتكوع .... طبعا ماينفعش
رحت دورت عند بتوع الخراطيم لقيت 2 بوصة بس شديد جدا وصعب أركبه وغير كدة مش حراري
الصراحة انا دخت ومعرفتش ... بس ان شاء الله هحاول معاها .. لأن الفرق هيبقي كبير جدا هتلاحظوا من الصورة انه مكانه غلط وبيجيب هوا سخن
ده الصورة
http://img163.imageshack.us/img163/936/jklcl.jpg
بالنسبة للصوت .... حسب الدوس علي البنزين
لو دايس بسيط وأوصل لغاية 3500 rpm ... ولا كأن عندي فلتر
دست في أي وقت .... كأن عندي موتور 4000 cc مش الصوت والجري
قبل تركيب الفلتر كنت حاسب التسارع كانت بتجيب بالظبط في 10.2 ثانية ببنزين 92
انا جربت بعد الفلتر ... بس محدش يشتم :) .... انا حاطت 80 :bump1:
جبتهم في 10.4 ثانية

انا بحسب بالمللي ثانية في windows movie maker بال frames
طبعا بيبقي في lag في ال youtube فمبين ان بعد الفلتر في 11 ثانية وقبل كان بتبان انها في 10 أو 10.5
انما الصح
قبل ب 92 كانت 10.2
بعد ب 80 وفلتر بقت 10.4
وانتظروا الفيديو بال 92
ده الفيديو
Nubira 1.5 DOHC with Simota ( 80 Octane ) acceleration in 10.4 s - YouTube
أتوقع هعرف أكسر حاجز ال 9 ثواني لو ظبطت مكان الفلتر وحطيت 92 وركبت بوجيهات وسلوك نضيف
ربنا يسهل بقي :)
نسيت أقول ان التسارع ده كان عالدائري في الزحمة وانا مش دايس الدواسة للأخر وكنت تحرك بين كام نقل كدة :)

على فكره انا حاطط الفلتر عندى فى نفس المكان ده ومش مأثر بحاجه

مبروك ياكبير الفلتر
الصراحة مخلى صوت المكنة وحش واعتقد لو غيرت مكانة لمكان ابرد هيديك اداء اعلى
ماشاء الله ربنا يباركلك ياجيو
عقبالى يارب بس بصراحة مقلق منة كل ما اجى هشترية خلاص حاجة توقفنى واغير رأيى

مبروك علي الفلتر ياباشا بس الطلعة مش مبالغ فيها شوية يعني كان ممكن تكون اهدي وبردوا هتجمع اسرع

ياعم يااااعم علي الفلاتر الرياضية ياعم :))))
الف الف مبارك علي الفلتر يا جيووووو
ربنا يباركلك فيها ويرزقك خيرها ويكفيك شرها
--------------------------------
يعني دورت علي المواسير وملاقيتهاش فعلا
طيب ومواسير الk&n ايه ظروفها ؟
وفيه انواع مطاط مقوي كده مش موجوده برده .؟

عقبال ما تركب التربو ان شاء الله :))

اقتباس:

---

المشاركة الأصلية كتبت بواسطة Eng.Geo

من فترة وانا شغال في تعديل العربية ولسة التعديل ان شاء الله هيبقي أحسن
ركبت النهاردة فلتر سبور Simota
جبته ب 195 جنيه من شارع دمشق

---

مبروك عليك يا معلم

اقتباس:

---

طبعا انا حاطه في حوض الموتور لسة
انما انا هحطه تحت ورا الفوج بماسورة

---

حاول تنجز فى الموضوع دة قبل الصيف والا العربية هتتحول الى بطة بلدى خصوصا مع التكييف

اقتباس:

---

بس الصراحة دورت كتير عالماسورة معرفتش .... سألت علي PVC قالولي صعب تتني وهتحتاج تتكوع .... طبعا ماينفعش

---

يا عم فكك من الناس دى ولا تكويع ولا غيرة... اصلا الPVC له اكواع بتتباع عادى خالص و انت هتحتاج بتاع 3 اكواع 45 عشان تعمل الماسورة... دى صورة الماسورة القديمة بتاعتى و معاها الاكواع

خللى بالك انك هتحتاج تفك الresonator عشان توسع مكان للفلتر ورا الاكصدام

http://i83.photobucket.com/albums/j3...GDSC0002_4.jpg

http://i83.photobucket.com/albums/j3...GDSC0006_4.jpg

http://i83.photobucket.com/albums/j3...GDSC0007_4.jpg

اقتباس:

---

ده الفيديو
Nubira 1.5 DOHC with Simota ( 80 Octane ) acceleration in 10.4 s - YouTube
أتوقع هعرف أكسر حاجز ال 9 ثواني لو ظبطت مكان الفلتر وحطيت 92 وركبت بوجيهات وسلوك نضيف

---

على فكرة انت اللى ضيعت وقت التنين فى الطلعة دى...

انت طلعت على RPM عالى جدا فا امركت 3 سنين على ما الكاوتش مسك فى الارض زى الناس... الطلعة المناسبة فى العربيات دى بتبقى بين 3500 الى 4000 RPM

و اخدت حوالى ربع ساعة عشان تنقل من التانى للتالت... لازم الفاصل الزمنى بين النقلة و التانية يبقى كسر من الثانية

MMamdouh

اقتباس:

---

المشاركة الأصلية كتبت بواسطة mohamedibrahem

على فكره انا حاطط الفلتر عندى فى نفس المكان ده ومش مأثر بحاجه

---

انت جربت الوضعين عشان تحكم على الفرق بينهم؟

MMamdouh

اقتباس:

---

المشاركة الأصلية كتبت بواسطة tarek_2005

م بس الطلعة مش مبالغ فيها شوية يعني كان ممكن تكون اهدي وبردوا هتجمع اسرع

---

الله ينور عليك

MMamdouh

اقتباس:

---

المشاركة الأصلية كتبت بواسطة tarek_2005

مبروك علي الفلتر ياباشا بس الطلعة مش مبالغ فيها شوية يعني كان ممكن تكون اهدي وبردوا هتجمع اسرع

---

+1
و مبروك علي الفلتر

اقتباس:

---

المشاركة الأصلية كتبت بواسطة mohamedibrahem

على فكره انا حاطط الفلتر عندى فى نفس المكان ده ومش مأثر بحاجه

---

جرب تحطه في حتة تانية وشوف الفرق

اقتباس:

---

المشاركة الأصلية كتبت بواسطة zocor742

مبروك ياكبير الفلتر
الصراحة مخلى صوت المكنة وحش واعتقد لو غيرت مكانة لمكان ابرد هيديك اداء اعلى
ماشاء الله ربنا يباركلك ياجيو
عقبالى يارب بس بصراحة مقلق منة كل ما اجى هشترية خلاص حاجة توقفنى واغير رأيى

---

الله يبارك فيك :)
انت لازم تجيبه
الفلتر مع موتورنا بيفرق بشكل بشع
حاول وشوف كدة لو ينفع

مبروك الفلتر
انا كمان عاوز اشترى واحد سبور
السبب الرئيسى اللى مخلينى عاوز اغيره ان علبه الفلتر الاصليه تعملها حوالى 2 كيلو : D هتفضى مكان كبير

اقتباس:

---

المشاركة الأصلية كتبت بواسطة tarek_2005

مبروك علي الفلتر ياباشا بس الطلعة مش مبالغ فيها شوية يعني كان ممكن تكون اهدي وبردوا هتجمع اسرع

---

الله يبارك فيك
عندك حق الطلعة كانت زيادة جدا
الفيديو ده انا شيلت منه حتة في الأول كانت طلعة ومعرفتش أكمل لأني أتزنقت وخدت غرزة وكنت علي 80 ومكملتش التسارع
فركنت علي جنب تاني بس كان في تراب في الحتة ده ... حتي تلاقي الدركسيون حود في أيدي حاجة بسيطة
انا هعمل فيديو تاني ببنزين 92 وهشوف مكان فاضي شوية

اقتباس:

---

المشاركة الأصلية كتبت بواسطة sonasteel

ياعم يااااعم علي الفلاتر الرياضية ياعم :))))
الف الف مبارك علي الفلتر يا جيووووو
ربنا يباركلك فيها ويرزقك خيرها ويكفيك شرها
--------------------------------
يعني دورت علي المواسير وملاقيتهاش فعلا
طيب ومواسير الk&n ايه ظروفها ؟
وفيه انواع مطاط مقوي كده مش موجوده برده .؟

عقبال ما تركب التربو ان شاء الله :))

---

الله يبارك فيك يا حسين :)
حبيبي حبيبي :)
لو في مواسير k&n كانت هتنفع
بس انا كنت في شارع دمشق ومكانش في والصراحة مكنتش هدفع 200 جنيه في مواسير عشان أوصله للمكان اللي انا عايزه
مش تطمني علي الفلتر بتاعك ؟ :)

اقتباس:

---

المشاركة الأصلية كتبت بواسطة mmamdouh

مبروك عليك يا معلم

الله يبارك فيك :)
حاول تنجز فى الموضوع دة قبل الصيف والا العربية هتتحول الى بطة بلدى خصوصا مع التكييف

يا عم فكك من الناس دى ولا تكويع ولا غيرة... اصلا الpvc له اكواع بتتباع عادى خالص و انت هتحتاج بتاع 3 اكواع 45 عشان تعمل الماسورة... دى صورة الماسورة القديمة بتاعتى و معاها الاكواع

خللى بالك انك هتحتاج تفك الresonator عشان توسع مكان للفلتر ورا الاكصدام

http://i83.photobucket.com/albums/j3...gdsc0002_4.jpg

http://i83.photobucket.com/albums/j3...gdsc0006_4.jpg

http://i83.photobucket.com/albums/j3...gdsc0007_4.jpg


الله ينور عليك بجد
انا أول مرة أعرف ان في تكويع 45 ومحدش من اللي سألته قالي
هو انا هحتاح أفك الأكصدام عشان أركبه ولا من الكارتيره من تحت ؟

على فكرة انت اللى ضيعت وقت التنين فى الطلعة دى...

انت طلعت على rpm عالى جدا فا امركت 3 سنين على ما الكاوتش مسك فى الارض زى الناس... الطلعة المناسبة فى العربيات دى بتبقى بين 3500 الى 4000 rpm

و اخدت حوالى ربع ساعة عشان تنقل من التانى للتالت... لازم الفاصل الزمنى بين النقلة و التانية يبقى كسر من الثانية

mmamdouh

---

تمام عندك حق
انا كتبت فوق في مشاركة اني كنت عالدائري جنب الرصيف وفي تراب ففركت جامد
هظبط واحد تاني في وقت فاضي

اقتباس:

---

المشاركة الأصلية كتبت بواسطة blazer

مبروك الفلتر
انا كمان عاوز اشترى واحد سبور
السبب الرئيسى اللى مخلينى عاوز اغيره ان علبه الفلتر الاصليه تعملها حوالى 2 كيلو : D هتفضى مكان كبير

---

الله يبارك فيك :)
غيره بسرعه ... ده أزمة
ولو مازدش التسارع عشان الفلتر حلو
أهو زاد عشان قللت الوزن :)

لا ازعل منك كدا .. دي طلعة يا راجل !! :angry26::036:
المرة الجاية بنزين 92 و ظبط مقاس الكاوتش و جرب .. بس اعمل حسابك الزمن بين النقلة و التانية يقل على قد ما تقدر عشان بتفرق كتير
و اطلع بين 3500 و 4000 وبعد كدا زود :2003126104835_wrc:

مبروك على الفلتر يا جو انا فلترى سيموتا بس المقاس الاصغر بس انا شلته علشان بيخلص على البنزين بدرى بس الفلتر دة اداءة بيبان على السرعات العاليه اكتر وكمان بنزين 80 طب الحمد لله انها طلعت اصلا وحققت الزمن دة دة انا كل شهر افولها 95 علشان المكنه تروق دماغها وتعمل احلى شغل

اقتباس:

---

المشاركة الأصلية كتبت بواسطة Eng.Geo

[color="blue"]


الله يبارك فيك يا حسين :)
حبيبي حبيبي :)
لو في مواسير k&n كانت هتنفع
بس انا كنت في شارع دمشق ومكانش في والصراحة مكنتش هدفع 200 جنيه في مواسير عشان أوصله للمكان اللي انا عايزه
مش تطمني علي الفلتر بتاعك ؟ :)

---

زي الفل ماشاء الله تبارك الله
بس شكلي مش هاعرف الم نفسي وافضل شغال حرق :))
لغايةما حسيت ان البنزين بيخلص فعلا هههههههههههههههههه
فقررت الم نفسي شويه واحرق علي الهادي ونزلت الصبح وقلت للعربية
خلااااااص وقت الحرق انتهي اخرك 3000 يا .....@#$#$%@# ولو زودتي هاركنك علي جنب
طلعت علي اول الشارع يابني لقيته زحمة .... واخر الشارع فااااااااااااضي وكل واحد ماسكلي حته وماشي فيها براحته
انت لو مكاني تعمل ايييه !!!!! :7_6_5v[1]:
ان شاء الله انا هاسأل علي المواسير الK&N في TPS ولو سعرها مقعول اقولك قبل ما تركب الPVC
لو حنينة اعتقد هاتبقي اشيك
انا مش عايز احطها واروح بيها التوكيل يلاقوا المواسير بالتكويع هههههههههه
يتلككوا بأي حاجة :))

اقتباس:

---

المشاركة الأصلية كتبت بواسطة osama.m

لا ازعل منك كدا .. دي طلعة يا راجل !! :angry26::036:
المرة الجاية بنزين 92 و ظبط مقاس الكاوتش و جرب .. بس اعمل حسابك الزمن بين النقلة و التانية يقل على قد ما تقدر عشان بتفرق كتير
و اطلع بين 3500 و 4000 وبعد كدا زود :2003126104835_wrc:

---

كان في تراب كتير الصراحة وانت شايف كنت في زحمة فا فلتت مني وجت كدة
بس عملت فيديوهين وظبطهم وهرفعهم وشوف يا معلم :)

اقتباس:

---

المشاركة الأصلية كتبت بواسطة lanos2004

مبروك على الفلتر يا جو انا فلترى سيموتا بس المقاس الاصغر بس انا شلته علشان بيخلص على البنزين بدرى بس الفلتر دة اداءة بيبان على السرعات العاليه اكتر وكمان بنزين 80 طب الحمد لله انها طلعت اصلا وحققت الزمن دة دة انا كل شهر افولها 95 علشان المكنه تروق دماغها وتعمل احلى شغل

---

الله يبارك فيك :)
انا مش جايب الصيني
انا جايبه تايلاندي تقريبا أو اندونيسي ... مش فاكر الصراحة
انا بحب أجرب 80 كل فترة
مش 95 كل فترة :)
بس هي ب 80 وشغالة حلاوة يعني الحمد لله

اقتباس:

---

المشاركة الأصلية كتبت بواسطة SonaSteel

زي الفل ماشاء الله تبارك الله
بس شكلي مش هاعرف الم نفسي وافضل شغال حرق :))
لغايةما حسيت ان البنزين بيخلص فعلا هههههههههههههههههه
فقررت الم نفسي شويه واحرق علي الهادي ونزلت الصبح وقلت للعربية
خلااااااص وقت الحرق انتهي اخرك 3000 يا .....@#$#$%@# ولو زودتي هاركنك علي جنب
طلعت علي اول الشارع يابني لقيته زحمة .... واخر الشارع فااااااااااااضي وكل واحد ماسكلي حته وماشي فيها براحته
انت لو مكاني تعمل ايييه !!!!! :7_6_5v[1]:
ان شاء الله انا هاسأل علي المواسير الK&N في TPS ولو سعرها مقعول اقولك قبل ما تركب الPVC
لو حنينة اعتقد هاتبقي اشيك
انا مش عايز احطها واروح بيها التوكيل يلاقوا المواسير بالتكويع هههههههههه
يتلككوا بأي حاجة :))

---

ربنا يباركلك فيه :)
لو مشيت هادي هيبقي الأستهلاك فل
انا أساسا عصبي وهتلاقيني حاشر نفسي في حتة ويوسعوا بالزوق أحسن :tiger:
التوكيل هيفتح وتلاقي المهندس عمال يدور ويدعبس ويجيبها يمين وشمال وبعدين هيحتار وييجي يقولك يا باشمهندس حسين .... انا مش لاقي الحنفية هههههههههههههههههه

عملت فيديوهين كدة عالماشي
التانك فيه نصه 80 ونصه 92
واحد سبت فيه دبرياج علي 4000 ونقلت بسرعة وعملت تسارع في 10.3 ثانية
Nubira 97' 1.5 DOHC acceleration in 10.3s - YouTube
والتاني مخلتش العربية تفرك خالص وطلعت طلعة عادية جدا كأنها أوتو وأقل كمان وعملته في 10.8 ثانية
Nubira 97' 1.5 DOHC acceleration in 10.8s - YouTube

انا لسة ماجيبتش المواسير عشان مش فاضي الصراحة

لازالت يدك بطيئة في الفترة بين النقلتين ورجلك تقيله علي الدبرياج المفروض ان سرعة ايدك علي الفتيس ورجلك علي الدبرياج يكونوا اسرع من كده عشر مرات انتا بتحسب وقت يعني الجزء من الثانيه له حساب

شوف انته تلزق الكاميرا على الدركسيون بدبيل فيس ومتركز ش فى الكاميرا خالص لانك لما بتشغل بيها بالك بتضيع وقت من التركيز فى النقل واكيد النتيجه هتكون مختلفه

اقتباس:

---

المشاركة الأصلية كتبت بواسطة tarek_2005

لازالت يدك بطيئة في الفترة بين النقلتين ورجلك تقيله علي الدبرياج المفروض ان سرعة ايدك علي الفتيس ورجلك علي الدبرياج يكونوا اسرع من كده عشر مرات انتا بتحسب وقت يعني الجزء من الثانيه له حساب

---

انا مش عارف هي ليه شكلها بطئ كدة
ده ممكن تكون المرة ال 100 اللي بعمل فيها تسارع لعربية
بس فعلا انا ملاحظ اني بقيت بطئ شوية
انا عامل بالأوبترا في 9.3 ثانية
هشوف وأظبط تاني
مش عارف الصراحة كدة العيب مني في ايه بالظبط :)
يمكن عشان بقالي 4 أيام مانمتش ؟:bump1:

اقتباس:

---

المشاركة الأصلية كتبت بواسطة lanos2004

شوف انته تلزق الكاميرا على الدركسيون بدبيل فيس ومتركز ش فى الكاميرا خالص لانك لما بتشغل بيها بالك بتضيع وقت من التركيز فى النقل واكيد النتيجه هتكون مختلفه

---

انا فعلا تركيزي قليل جدا بقالي فترة
مش من الكاميرا
بس من قلة النوم وكذا حاجة شاغلاني
أفوق وهظبط فيديو تاني
انا رديت علي رسالتك بس ماعرفتش أنت عملت ايه ؟

الف الف مبروك الفلتر يا معلم

ماشاء الله ربنا يباركلك فيه

بس خلي بالك << الفلتر كدة واخد هوا سخن وش ! انت اكنك معملتش حاجة يا معلم ! ومش هتعرف تستفيد منه

بالعكس << ده ممكن يكون الاداء عندك من غيره او باستخدام ال Replacement يكون افضل من كدة !

الفلتر الرياضي لو واخد هوا سخن مش هتستفيد ! ده انا عندي بفكر كمان اغير مكان الفلتر بس مافيش وقت

اقتباس:

---

المشاركة الأصلية كتبت بواسطة Eng.Geo

عملت فيديوهين كدة عالماشي
التانك فيه نصه 80 ونصه 92
واحد سبت فيه دبرياج علي 4000 ونقلت بسرعة وعملت تسارع في 10.3 ثانية
Nubira 97' 1.5 DOHC acceleration in 10.3s - YouTube
والتاني مخلتش العربية تفرك خالص وطلعت طلعة عادية جدا كأنها أوتو وأقل كمان وعملته في 10.8 ثانية
Nubira 97' 1.5 DOHC acceleration in 10.8s - YouTube

انا لسة ماجيبتش المواسير عشان مش فاضي الصراحة

---

يا كبييير الطلعة عندك عايزة تتظبط يا معلم

شوف الفيديو الاول العربية فضلت بتاع ثانية ونص على سرعة 40 ! !

حاول تركز في النقل وماتشغلش دماغك بالكاميرا ! حاول تشوفلها اي حتة تثبتها فيها ان شااء الله تجيب استيك وتخلي الكاميرا معمولة بالاستيك ده عند مسند الراس بحيث تبقى متوجهة نحية العداد

هو عداد العربية عامل كام كيلو يا جيو !!
هو الرقم كبير زي اللي عندي كدا لية ؟

اقتباس:

---

المشاركة الأصلية كتبت بواسطة ahmod

الف الف مبروك الفلتر يا معلم

ماشاء الله ربنا يباركلك فيه

بس خلي بالك << الفلتر كدة واخد هوا سخن وش ! انت اكنك معملتش حاجة يا معلم ! ومش هتعرف تستفيد منه

بالعكس << ده ممكن يكون الاداء عندك من غيره او باستخدام ال replacement يكون افضل من كدة !

الفلتر الرياضي لو واخد هوا سخن مش هتستفيد ! ده انا عندي بفكر كمان اغير مكان الفلتر بس مافيش وقت



يا كبييير الطلعة عندك عايزة تتظبط يا معلم

شوف الفيديو الاول العربية فضلت بتاع ثانية ونص على سرعة 40 ! !

حاول تركز في النقل وماتشغلش دماغك بالكاميرا ! حاول تشوفلها اي حتة تثبتها فيها ان شااء الله تجيب استيك وتخلي الكاميرا معمولة بالاستيك ده عند مسند الراس بحيث تبقى متوجهة نحية العداد

---

الله يبارك فيك يا باشا :)
انا خلاص هنقله بس أفضي عشان فعلا مشغول جدا
ايه حوار الأستيك ده !
انا كدة كدة بسوق وباكل وبعمل حجات كتير مع بعض
مش التصوير اللي عاملي مشاكل
المشكلة اني بقالي كتير مانمتش
قربت أقفل أسبوع أهوه
فعلا تركيزي قليل جدا

اقتباس:

---

المشاركة الأصلية كتبت بواسطة osama.m

هو عداد العربية عامل كام كيلو يا جيو !!
هو الرقم كبير زي اللي عندي كدا لية ؟

---

العربية انا واخدها 60.000 كم
عداد الحرارة كان بايظ
رحت لواحد فكيته وظبطته ومشيت
فجأة لقيت في رقم 2 نط في العداد عالشمال
واضح وهو بيظبطه لطش رقم
حاليا هي عاملة 67.000
عايز أظبط العداد تاني
وكدة كدة عداد الحرارة بقي ساعات يخرف

اقتباس:

---

المشاركة الأصلية كتبت بواسطة Eng.Geo

هو انا هحتاح أفك الأكصدام عشان أركبه ولا من الكارتيره من تحت ؟

---

من الكارتيرة من تحت

MMamdouh

العربية أتخبطت

اقتباس:

---

المشاركة الأصلية كتبت بواسطة eng.geo

العربية أتخبطت

---

لا اله الا الله ......... لا حول ولا قوة الا بالله
ده اللي كنت خايف منه ........ علشان كده منزلتش موضوع بالفلتر ..... عارف اللي فيها
جربت كتير قبل كده
ايه اللي حصل طمنا يا جيو
انا كلمتك ....... تليفونك مقفول ........ لعله خيرا !!!

اقتباس:

---

المشاركة الأصلية كتبت بواسطة eng.geo

العربية أتخبطت

---

انت كويس طيب ؟؟
خير في اية حصل

يارب تكون بخير دة اهم شىء

اقتباس:

---

المشاركة الأصلية كتبت بواسطة eng.geo

العربية أتخبطت

---

لا حول ولا قوة الا بالله

فداك الحديد المهم تكون بخير

فداك اي شيئ
وقدر الله وما شاء فعل
يارب تكون بخير

لا اله الا الله
قدر الله وما شاء فعل
يارب تكون بسيطه وحضرتك بخير

الحمد لله الخبطة بسيطة
العربية كانت مركونة في باركينج الكلية وخرجت لقيتها مخبوطة
https://fbcdn-sphotos-a.akamaihd.net...28735872_n.jpg

الخبطة فيها طينة وخربشة
واشح انها عربية عالية ودخلت بالرفرف والكاوتش
كان في stripe ووقع
مع اني مابحبوش وكنت هشيله قريب الا انه شال من الخبطة كتير
الحمد لله علي كل حاجة

اقتباس:

---

المشاركة الأصلية كتبت بواسطة sonasteel

لا اله الا الله ......... لا حول ولا قوة الا بالله
ده اللي كنت خايف منه ........ علشان كده منزلتش موضوع بالفلتر ..... عارف اللي فيها
جربت كتير قبل كده
ايه اللي حصل طمنا يا جيو
انا كلمتك ....... تليفونك مقفول ........ لعله خيرا !!!

---

الحمد لله
شكرا يا حسين
انت عارف موبايلي سعات بيخرف :)

اقتباس:

---

المشاركة الأصلية كتبت بواسطة osama.m

انت كويس طيب ؟؟
خير في اية حصل

---

الحمد لله

اقتباس:

---

المشاركة الأصلية كتبت بواسطة lanos2004

يارب تكون بخير دة اهم شىء

---

الحمد لله

اقتباس:

---

المشاركة الأصلية كتبت بواسطة ahmod

لا حول ولا قوة الا بالله

فداك الحديد المهم تكون بخير

---

الحمد لله مفييش حاجة ده كانت مركونة

اقتباس:

---

المشاركة الأصلية كتبت بواسطة tarek_2005

فداك اي شيئ
وقدر الله وما شاء فعل
يارب تكون بخير

---

انا كويس الحمد لله
شكرا

اقتباس:

---

المشاركة الأصلية كتبت بواسطة msobhy

لا اله الا الله
قدر الله وما شاء فعل
يارب تكون بسيطه وحضرتك بخير

---

بسيطة الحمد لله