رابطة مالكي الElantra من 2007 الى 2011

**bellcronary** · 06-11-2013 11:10 PM

السلام عليكم .....انا اشتريت النترا مانيوال كامله توكيل 2011 من حوالى 5 شهور و كانت عامله 17000 ك دلوئتى العداد عامل معايا 25000 أدرجو الافاده منكم فى نقطتين:
1- بعد ما مشيت حوالى 3000 ك يعنى العداد كان عامل 20000 بدات أسمع صوت زى صفاره لما بشيل رجلى من على الدبرياج خدتها و رحت لمركز صيانة أوتو ماجد اللى فى أخر جسر السويس بعد الكشف قالى هتحتاج طقم دبرياج بتكلفه تقريبيه 1600 ج بصراحه ماكنش معايا وئتها فلوس المهم فضلت ماشى بها كده لغايه تقريبا ما بئى العداد 22000 و بعدها لائيت الصوت بدأ يروح و يجى لغاية ما أختفى تماما و مشيت حوالى 3000 ك و لم يظهر حتى الان.... هل فى حد عنده تفسير لده و هل ده صح ولا غلط مع العلم بأن العربيه سحبها كويس جدا و مفيش أى مشاكل فى غيار الفتيس ....تنصحونى بايه
2- لمبة طفايه السجاير من يوم ما اشتريت العربيه و هى ما بتنورش حد عنده فكره ازاى أحل الموضوع ده هل دى لمبه و لا فيوز و لو لمبه أغيرها ازاى انا بصراحه مش عايز صنيعى يحط ايده فيها و لكم جززززززيل الشكر

**د.رامي الصواف** · 07-11-2013 01:05 PM

محتاج رد من حد فيكوا ضروري يا شباب قصادي النترا 2007 ماشيه 125000 كيلو فابريكه بره وجوه بها جنوط اسبور الاصلي بتاعت التوكيل وكاسيت سوني سي دي الاصلي . . . العربيه كشفت عليها عند ميكانيكي معرفه قاللي العربيه كويسه بس صاحبتها طالبه 79000 جنيه
ياترى السعر مناسب و العربيه كويسه . . . . يعني اتكل على الله ولا ايه

**mahmoud_afifi** · 07-11-2013 03:11 PM

المشاركة الأصلية كتبت بواسطة bellcronary

السلام عليكم .....انا اشتريت النترا مانيوال كامله توكيل 2011 من حوالى 5 شهور و كانت عامله 17000 ك دلوئتى العداد عامل معايا 25000 أدرجو الافاده منكم فى نقطتين:
1- بعد ما مشيت حوالى 3000 ك يعنى العداد كان عامل 20000 بدات أسمع صوت زى صفاره لما بشيل رجلى من على الدبرياج خدتها و رحت لمركز صيانة أوتو ماجد اللى فى أخر جسر السويس بعد الكشف قالى هتحتاج طقم دبرياج بتكلفه تقريبيه 1600 ج بصراحه ماكنش معايا وئتها فلوس المهم فضلت ماشى بها كده لغايه تقريبا ما بئى العداد 22000 و بعدها لائيت الصوت بدأ يروح و يجى لغاية ما أختفى تماما و مشيت حوالى 3000 ك و لم يظهر حتى الان.... هل فى حد عنده تفسير لده و هل ده صح ولا غلط مع العلم بأن العربيه سحبها كويس جدا و مفيش أى مشاكل فى غيار الفتيس ....تنصحونى بايه
2- لمبة طفايه السجاير من يوم ما اشتريت العربيه و هى ما بتنورش حد عنده فكره ازاى أحل الموضوع ده هل دى لمبه و لا فيوز و لو لمبه أغيرها ازاى انا بصراحه مش عايز صنيعى يحط ايده فيها و لكم جززززززيل الشكر

عليكم السلام ورحمة الله

اولا الف مبروك وربنا يباركلك فيها.
بالنسبه لنقطه 1- مش هقدر افيدك لأن مش معايا مانيوال.ياريت حضرتك تعمل موضوع منفصل عشان الي معاهم مانيوال يفيدوا حضرتك.

النقطه 2 الخاصه بنور طفاية السجاير. في الحقيقه معظم الفئات مافيهاش النور اساسا. الفئه الهاي لاين هي بس الي فيها النور ده. بعض مراكز الخدمه المعتمده بتعمل الحكايه دي. بس نصيحه لما الضمان يخلص اعمل كل الي نفسك فيه. وممكن تركب انوار في العواكس الحمرا في البابيين الاماميين.

**mahmoud_afifi** · 07-11-2013 03:15 PM

المشاركة الأصلية كتبت بواسطة د.رامي الصواف

محتاج رد من حد فيكوا ضروري يا شباب قصادي النترا 2007 ماشيه 125000 كيلو فابريكه بره وجوه بها جنوط اسبور الاصلي بتاعت التوكيل وكاسيت سوني سي دي الاصلي . . . العربيه كشفت عليها عند ميكانيكي معرفه قاللي العربيه كويسه بس صاحبتها طالبه 79000 جنيه
ياترى السعر مناسب و العربيه كويسه . . . . يعني اتكل على الله ولا ايه

والله يا باشا موضوع التسعير انا مابحبش اتدخل فيه عشان مابخسش حق الحاجه ولا اقول سعر يكون اعلى من سعرها.
بس هل العربيه اعلى فئه ولا ايه ؟ يعني فيها التكييف اوتوماتيك (تاتش) ؟ abs وairbag ؟
عشان الاعضاء يقدروا يسعروها

**mahmoud_afifi** · 07-11-2013 10:10 PM

المشاركة الأصلية كتبت بواسطة د.رامي الصواف

شكرا على الاستجابه . . . . لا العربيه جنوط سبور اصلي و كاسيت سوني سي دي اصلي كبير وتكييف بكره و مافيهاش اير باج

للعلم الكاسيت بتاع العربيه مش سوني يعني ده مش الاصلي بتاع العربيه. بس مش مشكله لأن الاصلي مش قد كده.

انا مش عارف هي انهي فئه كده بس حاول تقلل من السعر شوية عشان لو هتغير كاوتشات او بطاريه لأن ميعاد تغييرها المفروض عدى او لو هتعمل صيانة ال120 الف.
وان شاء الله حد من الاخوه يفيدك في التسعير مظبوط في اسرع وقت

**m.hamdi** · 10-11-2013 08:49 AM

انا معابا عربية اللنترا 2009 كاملة مانيوال

بقالي 4 سنين محطتش فيها مسمار غير في توكيل و بعدها قلت يلا العب شوية كده

ظبط فيها شوية حجات بس فرقت جامد بصراحة

1_ اول حاجة عملتها غيرت الكلاكس بتاع العربية بكلاكس ميكسو فرنساوي و و صلت الكلاكس
بالانزار يعني لما تفتخ او تقفل العربية تجي كلاكسين ب150 جنبة

2- عملت فرش جلد تفصيل زي الفبريكة بصراحة و كلفني 1000 جنية

3- عملت فوجات في العربية و ركبت فيهم زينون الفوجات ب230 جنبة و الزينون ب350 صيني طبعا عليه ضمان 6 شهور
الغريبة في الموضوع ان الفوجات في العربية بجد غيرت شكل العربية و اضائتها ممتازة خاصتا بالزنون مش مخلبناي محتاج للواطي غير قليل

4- ركبت في لمبة الطابلوة ليدات بيضاء علشان مع الزنون تحت فب الفوج

5- ركبت في النور الواطي لمبتين اوزرام ميجا وابت 55 وات و دول لما بفتحهم مع الفوجات زينون بيدو لون كده حلو اوي ابيض كريمي زي الي في باسات و في نفس الوقت مبعميش الناس الطقم جايبو ب 150 جنية

6- ركبت طقم زينون من السعودية بوش اللماني في النور العالي و دة تقريبا مبستعملوش غير في السفر او حتت البايظة خالص ( دالي هدية من ابن خالتي )

7- غيرت لمبة النمر الي ورا في الشنطة بلمبتين بيض

8- فامية خفيف 01 في البابين الي ورا و القزاز الخلفي منظر فقط بي 60 جنية

ده كل حاجة عملتها

مش محتاج غير اني اجنط و مش عارف اجنط اية بس بفكر اجيب جنطها الاصلي من الغطاطي

و عاوز اجيب كاسيت دوبل يركب مكان الكاسيت الفرجي الي عنجي يفضل يكون جي في دي علشان اركب الكاميرا

و نفسي بقي اغير الكونسول علشان معنديش مسند

و ده كل حاجة :)

**د.رامي الصواف** · 10-11-2013 11:54 AM

النهارده الحمد لله امتلكت النترا 2007. . . . العربيه زي الفابريكه مع انه ماشيه 123000
بس صاحبتها كانت محافظا عليها اوي. . . بس الباور بتاع الدركسيون غريب شويه عليا و انا سايب الدركسيون على السريع العربيه ماشيه في خط مستقيم انما لمل بلف بحسس انها عايزا ظبط زوايا
بس بصراحه انا كان معايا ياريس 2006 فيها فرامل abs + airbag
والالنتلرا مافيهاش بس بصراحه الانترا تكسب من حيث الفخامه و الوسع والثبات على الارض بس لسه ماجربتهاش في الجري