المشاركة الأصلية كتبت بواسطة Kareem Fawzy
انا اخدت العربية من والدى عاملة 28 الف كيلو
العربية كانت شبه مش مستخدمة
مكنش فيها فوجات وبصراحة شوفت موضوع المهندس كفراوى بتاع تجربته فى تركيب الفوجات روحت اخدت بعضى ونزلت التوفيقية
لافيت شوية
اشتريت الفوجات بالضفيرة بتاعتها والمفتاح خارجى ب250 جنيه من السجان
وبعد كدة قررت وانا واقف انى اركب فيهم زينون اشتريت زينون HID من السجان بردو 8000k ب 315 جنيه بعد فصال كبييير والحمدلله بقالهم ست شهور شغالين معايا زى الفل لحد دلوقتى وضمانهم كان سنة على المديولين و6 شهور على اللمض
وبعد كدة العربية كانت محتاجة يتغيرلها التيل الامامى لانى كنت عملت 10 آلاف كيلو عليهم يعنى 39 الف بتيل الفابريكا ..!!! اشتريت تيل اسمه جولد من احمد ابراهيم فى التوفيقية ب 80 جنيه وبصراحة كويس جداً
يعيبه انه بيصفر صفارة شبه منعدمة فى الزحمة ودة اى تيل بيطلع منه الصفارة دى
روحت ركبت التيل ب20 جنيه مصنعية عند الميكانيكى بتاعى
وطلعت على كهربائى منه لله على اللى عمله فيا
باعنى للصنايعية اللى حواليه خلى سمكرى يفكلى الاكصدام واخد 30 جنيه
وخد هو مصنعية 80 جنيه على تركيب الفوجات والزينون وكانت مكنة السنتر معلقة تقريباً فحل البابين اللى قدام
وجاب سروجى يفكهملى ويقولى قال اية مبفكش انا فرش والسروجى اخد 20 جنيه
اشتغلونى صح يوميها بس انا كنت قرفان ومكنش فيا حيل اتخانق والله
وبعد كدة اخدت بعضى وروحت متعكنن وانا مش فرحان بالحاجات اللى ركبت
يتبع..،،