وعليكم السلام ورحمة الله وبركاتة
محدش مسح ردوود ولا حاجة
بس من كام يوم كان فى صيانة فى قاعدة بيانات المنتدى
وكل المشاركات اللى اتعملت فى الوقت دة اتمسحت
عرض للطباعة
شكرا كريم عالتوضيح
انا معايا النترا 2011 استلمتها في يوليو 2010
العربية طبعا انا مقتنع بيها جدا الحمد لله...وبسبب نعومتها مخلياني حاسس ان كل العربيات التانية اللي بركبها غيرها كلها جرارات زراعية
انا غيرت الاربع كاوتشات وجبتهم ميشلان....الصراحة فارقين جدا وحسسوني بثبات اكتر في العربية ...سعرهم 2400 جنيه
البوابات بتاعت التكييف باظت معايا ومش عارف ايه السبب ووديتها لواحد في القاهره قالي لازم تغير البوابات وشغلهالي على وضع واحد مؤقتا
بس اللي مقلقني اني عشان اغير بوابات التكييف لازم يفك الطابلوه كله...وحاسس انه لو اتفك مش هايرجع زي الاول
انا نفضت للاسف في الصيانات لاني ساكن بعيد عن القاهره...وللاسف في وكلاء ولكنهم يا اما نصابين يا اما مش بيفهموا واخر صيانة ليها كانت ال 10000 وانا حاليا عامل 65000 كيلو
عاوز اعرف ايه الحاجت الضرورية جدا اني اغيرها دلوقتي وايه اللي ممكن استنى عليه
ربنا يبارك لحضرتك فيها ان شاء الله
بص بالنسبة لفك الطابلوه لو الراجل بيفهم وشغله نضيف الدنيا هترجع زى الاول ما تقلقش
بخصوص الصيانات
الحاجات اللى لازم تكون كنت غيرتها
بوجيهات *
سير مجموعة*
فلتر هواء*
فلتر تكييف
فلتر بنزين*
زيت فتيس*
تيل فرامل
الحاجات اللى عليها علامة النجمه دى * لازم تغيرها فى اسرع وقت
اما التيل غيره لو حاسس انه خلص علشان متبوظش الطنبوره
بالتوفيق واى استفسار انا تحت امرك
تسلم يا كيمو ربنا يخليك لينا يارب
طب الحاجات دي يا استاذ كريم تعملها كام كده لو كانت الاصلية
ممكن الاقي البوجيهات الاصلية وسير المجموعة عند ابراهيم البنا يا كيمو واجيبه موبيس ولا ماركة تانية
صباحكم فل يا شباب انا مسافر دلوقتى اتفرج على حته الانترا 2007 كامله من غير فتحة سقف ومن غير جنط
بس ربنا يجعلها من نصيبى
ويسعدنى اكون الانتراوى زيكم ادعولى
على فكره انا اول مره ادخل المنتدى من يومين حقيقى انا مبسوط جدا ان فيه منتدى بالاحترام ده والناس اللى زى العسل اللى فيه
ربنا يديم المعروف
هعرفكو الجديد لما ارجع ان شاء الله