رابطة مالكي الElantra من 2007 الى 2011

**mahmoud_afifi** · 20-12-2013 06:47 PM

المشاركة الأصلية كتبت بواسطة د.رامي الصواف

هوا ايه فايدة ترصيص العجل........ و كمان ظبط الزوايا بيفرق في ايه.............انا بفكر اظبط زوايا بس علشان الكاوتش عندي قديم شويه و خايف يتبهدل في الترصيص خصوصا انا عندي جنوط 15

الترصيص بيتعمل لو عندك برجله وانت ماشي فوق 80
ظبط الزوايا بيتعمل عشان زوايا العجل ممكن تكون متغيره وبتسبب تآكل في مناطق معينه. بالذات في الكاوتش من الجناب.
الترصيص مفيش خوف منه ولا ظبط الزوايا بالعكس ظبط الزوايا المفروض يتعمل كل 6 شهور.
وكمان المساعدين لو مش مظبوطه بتعمل تآكل بمعدل غير الطبيعي للكاوتشات.

**waelragab2001** · 23-12-2013 05:39 PM

المشاركة الأصلية كتبت بواسطة د.رامي الصواف

عفيفي باشا . . . الاعضاء المحترمين انتوا عارفين اني لسه شاري العربيه اول انبارح و هي زي الفل و الحمد لله 2007 بي النهارده حسيت بحراره جامده جنب رجلي اليمين اللي فيها دواسه البنزين و ركنت العربيه وشغلت كشاف الموبايل لقيت جنب دواسه البنزين و في الكونسول في حاجه زي ماسوره الفريون و الماسوره دي معدن و سخنه جدا لدرجه اني مش قادر المسها وانا مش عارف الماسوره دي بتاعت ايه و الموضوع ده معكنني جدا لان فيه زي كنترول جنب الماسوره دي ارجوكوا افيدوني و النبي

د/رامي
دي غالبا الماسوره اللي بتكمل دوره المياه.. والماسوره دي هي اللي بتنقل المياه اللي خارجه من ناحيه الماتور قبل ما يتم تبريدها وعشان كده هي سخنه جدا".. ودي المسئوله عن السخن في جهاز التكييف..

انا معرفش الحقيقيه هي المفروض تبقي ظاهره قوي كده ولا لا.. بس لو مضايقاك قوي قوي يعني.. روح لحد بتاع تكييف نضيف يبص لك عليها..

ولو مش عارف تتعايش معاها.. لها حل بسيط وسريع ومش مكلف ان بتاع التكييف يلغي الجزء ده من دوره المياه بس ده هيلغي معاه التكييف السخن..

انا حصل معايا كده.. قربه المياه كانت علي طول بتفضي ودوخنا لغايه ما عرفنا ان التسريب كان من الماسوره دي وكان جوه الصالون عند الكنبه الخلفيه.. وفعلا لغي السخن اللي داخل للصالون ومخدتش 5 دقائق وخد 20-30 جنيه..

**mohamedgo1** · 25-12-2013 04:07 PM

يا ترى حد ممكن يفدنى ازاى احمى عربيتى من السرقه وفى جهاز بيركب للعربيه فعلا ل النترا 2008

**mohamedgo1** · 30-12-2013 02:32 PM

ممكن حد يعرف سعر اكصدام امامى واكصدام خلفى والصدر الامامى وكبوت وفوانيس امامى وخلفى النترا 2008
ياريت الى عنده الاسعار دى يقولى وممكن اجيبها منين اكون شاكر جداا لحضراتكم
عشان انا لسه معرفش اى حاجه عنها

**mahmoud_afifi** · 30-12-2013 03:34 PM

المشاركة الأصلية كتبت بواسطة mohamedgo1

يا ترى حد ممكن يفدنى ازاى احمى عربيتى من السرقه وفى جهاز بيركب للعربيه فعلا ل النترا 2008

1- كلبش دركسيون
2- انذار spy 2 way أو اي انذار فيه خاصية انك تضيف ريلاي فصل البنزين
3- وده اختياري مش اجباري.. انك تحط فيلم على الزجاج ضد الكسر. بعض الاماكن بتعمل ال4 شبابيك ب800 جنيه وده ارخص سعر

المشاركة الأصلية كتبت بواسطة mohamedgo1

ممكن حد يعرف سعر اكصدام امامى واكصدام خلفى والصدر الامامى وكبوت وفوانيس امامى وخلفى النترا 2008
ياريت الى عنده الاسعار دى يقولى وممكن اجيبها منين اكون شاكر جداا لحضراتكم
عشان انا لسه معرفش اى حاجه عنها

لا والله. الاسعار اللي كانت موجوده على المنتدى قديمه بقالها سنتين على الاقل.

**mahmoud_afifi** · 01-01-2014 04:22 PM

المشاركة الأصلية كتبت بواسطة hamada6050

السلام علليكم اخوانى
عايز اعرف كام حاجة كده
هل فى اخلتاف فى الالتنرا من 2008 الى 2011
انا ناوى اجيب عربية بس محتار
بوما اوتو - النترا اوتو - m11 زيرو ؟
ومعلش موديل النترا 2007 - 2008 اوتو عامل كام مش شرط يكون فبريكا برة

اختلافات بسيطه جدا مش جوهريه.

بالنسبه للشكل.
موديل 2010 و 2011 مابقاش في مقياس حراره واستخدموا لمبة عشان لو العربيه سخنت.
العداد بتاع السرعه الاضاءه بتاعته اتغيرت بداية من 2010 ( بعض الموديلات بالعداد القديم).
موديل 2011 بقت تنزل بإشارات في المرايه والحليه اللي في الشنطه فيها جزء نيكل. و في فئات بتنزل بbody kit.

الاداء.
الباور في 2007-2009 خفيف ومن 2010 بقى اتقل شوية رغم انه كهربا برضه
الموتور في موديل 2011 مختلف وبيركبله بوجيهات غير السنوات اللي قبله.

ده كل الاختلافات اللي في بالي دلوقتي.

بالنسبه للاختيارات اللي قدامك انا شايف انسبهم الالنترا. محترمه و ممتعه جدا في سواقتها. وقطع غيار متوفره. انجح هيونداي اتعملت في رائيي

بالنسبه للاسعار مش هقدر افيدك لأن كل واحد بقى يحط سعر على مزاجه بما ان الزيرو بقى غالي

**azwoz65** · 04-01-2014 07:51 PM

أذا كان الريموت به 3 زرار
يوجد بالريموت زرار علية صورة جرس
اضغط على هذا الزرار يرجع الصوت
اما اذا كان الريموت زرارين فقط
أضغط على الزرار الخاص بالفتح ضغطة طويلة لمدة 15 ثانية تقريباً
وبالتوفيق ان شاء الله