الموضوع: رابطة مالكي الElantra من 2007 الى 2011

المشاركة الأصلية كتبت بواسطة نادر الزغبى

سلام عليكم بصراحه انا دلوقتى ممكن اقول ان فى فمصر موقع جامد بجد عن السيارات واعضائه ناس محترمه ومبيبخلوش عن بعض فى اى استشاره , وده كان من الأسباب اللى خلتنى اعرف هاشترى عربيه نوعها ايه و
الحمدلله اشتريت النترا 2008 اوتوماتيك وهنا بئا السؤال بتاعى ؟؟ انا لسه جايب العربيه وكنت عايز اعرف اعملها صيانه واغير الفلاتر والزيوت والسيور وخاصه ان هى عامله 164000 كيلو ومش عارف الراجل كان عاملها صيانه ولا لأ بس وانا بكشف عليها فى البنزينه بتاعه شل وانا بشتريها المهندس قالى الموتور حالته 70% وقالى العفشه حالتها 90% وانا لما ركبت العربيه النهرده وانا بسيب رجلى من على الفرامل بحس العربيه بتترعش رعشه خفيفه اكنها بردانه وسامع فيها صوت تزييقه صغيره من قدام يمين وبصراحه مرعوب يبقا العربيه فيها حاجه وبصراحه كده انا مش عارف اعمل ايه وعايز حد يساعدنى فى الموضوع ده ويقولى لو هاعمل الصيانه والكلام ده هيكلفنى كام والصنايعيه بياخدو كام علشان انا نيلا فى الحوار ده وشكرا

عليكم السلام

الف مبروك وربنا يباركلك فيها يارب
العربيه بقالها من 2008 يعني حتى لو السيور اتغيرت مره يبقى هتحتاج تغيرها تاني لأنها بتتغير تقريبا كل سنتين. وطبعا اقصد سير المجموعه والمفروض يشيكوا على السير الجنزير.
وممكن تغير الزيوت حاجه حاجه. يعني دلوقتي تغير زيت الموتور و المره الجايه تغير زيت الفتيس والمره الي بعدها مياة الريداتير. بدل ما تدفع مبلغ كبير مره واحده. وكل دي حاجات لو اتغيرت بتفرق جامد مع العربيه وبتبقى مرتاحه.
بالنسبه للتزييقه مش حاجه كبيره ان شاء الله. ممكن يكون مساعد ولا حاجه والحكايه بسيطه جدا.
وبالنسبه للمكان الي هتعمل فيه الصيانه. انا بروح للمهندس هاني. راجل بيفهم ماشاء الله و مصنعيات رخيصه. يعني مصنعية تغيير مساعدين تقريبا 50 جنيه.