لخبراء الأوروبي ..
أرجو النصيحة .. أنهي أفضل عربية في العربيات ديه على العموم ؟
طبعا
ميجان III هاي لاين = 155,000
ستروين C4 هاي لاين = 166,000
أسترا هاي لاين = 177,000
جولف Basic ذ = 178,000
أودي Basic د = 185,000
أرجو الإفادة .. وشكرا
لخبراء الأوروبي ..
أرجو النصيحة .. أنهي أفضل عربية في العربيات ديه على العموم ؟
طبعا
ميجان III هاي لاين = 155,000
ستروين C4 هاي لاين = 166,000
أسترا هاي لاين = 177,000
جولف Basic ذ = 178,000
أودي Basic د = 185,000
أرجو الإفادة .. وشكرا
انا واحد من الناس بحب لما اركب عربيه تكون هاى لاين بناء على ذلك هختار واحده من ال 3
و راى الشخصى ستروين c4( مع التحفظ على التوكيل )اقتباس:
ميجان III هاي لاين = 155,000
ستروين C4 هاي لاين = 166,000
أسترا هاي لاين = 177,000
دول حسب ترتيبى لو هختاراقتباس:
أودي basic د = 185,000
جولف basic ذ = 178,000
أسترا هاي لاين = 177,000
أشكركم على الردود السريعة ديه ..
أتمنى ذكر سبب الإختيار أو التفضيل وشكرا
بص هو الألمانى لا يعلى عليه
بس فيه مشاكل فى الأودى..........هيا سعر إعادة البيع و التوكيل و قطع الغيار.
الجولف هتكون بيزك.......يبقى دى حاجة ترجعلك.....و لو فتيس dsg يبقى انت و نصيبك علشان فيه ناس كتير أشتكت منه.
الأسترا هاى لاين..........كويسة بس أعتقد الشكل هيتغير قريب ( مش متأكد) و التوكيل فيه ناس بتشتكى منه
الميجان هاى لاين كويسة.........و عيبها الوحيد سعر إعادة البيع.
الستروين عيبها التوكيل وقطع الغيار و سعر إعادة البيع برضه.
أنا أرشحلك الأسترا أو الميجان ( علشان هاى لاين الأتنين ) أو الجولف البيزك لو مش فارق معاك الكماليات و موضوع الفتيس ال dsg
حاول تاخد لفة فى قسم فولكس تشوف شكاوى الناس منه أيه...... و لو هتبعد عن الجولف
روح توكيل رينو جرب الميجان و شوف توكيل أوبل لو فيه تست درايف و قرر بناء على التست درايف.
سيتروين سى 4
بس توكيلها زبالة وقطع غيارها غالية
لو عاوز توكيل كويس يبقى ميجان 3 هاى لاين وهيا عربية ممتازة برضه وتوكيلها ممتاز جدا وقطع غيارها ارخص من كل قطع الغيار للسيارات التانية اللى فى المقارنة
طب و السيات ليون ؟
طب ما تشوف الجيتا ؟ ممكن تجيب جيتا 2010 هايلاين كسر زيرو بالسعر ده
السلام عليكم ورحمة الله وبركاته
نسيتوا البيجو 308 sw والأوكتافيا والإتنين أوروبى وفى نفس الفئة السعرية وفى رأييى أفضل من معظم ما ذكر من موديلات
أنا رأيي الأودي
انا كنت محتار بين الميجان هاي لاين و سترا هاي لاين و قررت اجيب الميجان هاي لاين عشان توكيل محترم و كماليات اكتر و كسعر ارخص ب20000
و استبعدت الجولف عشان خايف اجبها يطلع الفتيس فية مشاكل
و علي حد علمي مفيش أودي ب185000
أودي A3 basic ب200000
هى الاودى حضرتك متأكد من سعرها كده ؟ هى رخصت اوى كده ليه ؟ انا اعرف انها بـ 215 الف اول فئة
طبعا لو الاودى بالسعر ده تبقى الاودى الاختيار الاول اعلى واحدة فيهم كفئة و كماركة و فئة تانية غير كل دول اصلا
اسعار قطع الغيار مش هتبقى بعيدة عن بعد خالص ، يعنى ماشى السى فور قطع غيارها مش رخيصة بس بالمقارنة بأيه بعربيات تانية ، انما العربيات اللى حضرتك حاطتها اسعار قطع الغيار تقريبا كلها واحد مش هتلاقى فرق كبير و كلهم سعر اعادة بيع مش كويس برضه و ان كان احسنهم فى اعادة البيع الجولف .. بس طبعا الشائعات عن الفتيس dsg هتقلل من قيمتها جامد .. فأحسن متفكرش فى المواضيع ديه كثير لأن تقريبا كلهم واحد .. اهم حاجة اقتناعك بالعربية لأن لو العربية عجباك و مقتنع بيها من الاول مش هتفكر تبيع و هتعاملها كويس هتحتاج قطع الغيار الاساسية بس
انا لو برتب العربيات ديه هيبقى ترتيبى كده
1 - اودى اى ثرى ( لو بالثمن ده اللى هو 185 لو 215 هتبقى برة المقارنة بالنسبة لى )
2 - استرا هاى لاين
3 - ستروين سى فور هاى لاين
4 - رينو ميجان هاى لاين
5 - فولكس جولف بيز لاين
و بالتوفيق ان شاء الله
أولا بس عشان محدش يزعل مني أنا مش بدافع عن التوكيل ولا ليَّ أي مصلحة :)
حضرتك أنا شاري عربيتي من 9 شهور و عملت صيانة والتوكيل ممتاز
دخلت الورشة في المعاد واستلمت عربيتي في المعاد و استراحة كويسة
و مشفتش أي حد وأنا هناك مشتكي إن مفيش قطع غير زي ماالناس بتقول أو حتى ماشي زعلان
و أنا هاحكي حاجة حصلت معايا أنا شخصيا ,
بعد مااشتريت عربيتي من قسم المستعمل في التوكيل ,كان مفتاح اللوك بتاع العجل مش موجود
ولما كلمتهم والله بعته جابولي طقم من فرنسا على حسابهم وإستلمته بعد أسبوعين مع إن كان ممكن يستهبلوا
و يا ريت لو حد حصلت معاه حاجة مش كويسة في التوكيل يقول
توكيل الميجان فعلا ممتاز بس بنسبة لقطع الغيار ,هي مش ارخص ولا حاجة على الاقل مش ارخص من ال c4 وعلى فكرة احنا عندنا في البيت الإتنين واللي حابب ممكن اصورله فواتير الصيانة وهو يحكم
بنسبة للسيتروين قطع غيارها موجودة في كل حتة وفيه أكتر من مركز خدمة محترمين للي مش عاوز التوكيل
أنا رأيي المتواضع
لو حضرتك بتقارن بين الميجان اللي بـ 155 وسيتروين اللي بـ 166
يبقى الميجان
أو بتقارن بين ال ميجان اللي بـ 145 و سيتروين بـ 148
يبقى السيتروين
مع العلم إن السيتروين بها 6 ايرباج و ESP ودول مش موجودين في ال ميجان الهاي لاين حتى
و السيتروين فرنساوي 100% مش زي الميجان
وبنسبة ل قطع الغيار , لاحظ إن صيانة السيتروين كل 15000 مش 10000 زي باقي العربية
الجولف و الليون فيهم DSG و والدي كان معاه عربية جيتا بتاعت الشركة وكانت فيها مشاكل بس دي موديل 2010 (ممكن يكوني تداركم اخطائهم عشان مافتيش )
الاسترا الجديدة مع واحد صاحبي , هي شيك قوي بصراحة بس مش كويسة ك value for money (و ده رأيي المتواضع ) يعني هتلاقيه اللي إنت عاوزه منها في الميجان و وبذات ال c4 كمان أكتر :)
الاودي بيتهيألي السعر ده غلط
astra 0-100 13 sec (6-speed steptronic)
golf 0-100 10.5 sec(7-speed DSG)
c4 0-100 12.5 sec(4-speed steptronic)
megan 0-100(4-speed steptronic ?? (أظن هتبقى في حدود ال 12.5 برده , فيه رقم اللي هو 10.5 على contact cars بس ده للمانيوال )
leon 0-100 11.7 sec(7-speed DSG
بس برده لل أمانة الفرنساوي عامةً مش عربيات ممتعة في الجري عشان الفتيس الاربع سرعات يعني عربيات تجمع معاك حلو قوي من بعد 60-80, يعني مش بتاعت acceleration من السبات
و يا ريت أكون قدرت أساعد :)
الميجان 2007 وال c4 2009
الإتنين بنحط فيهم 92
الاتنين اوتوماتيك و استهلاكهم واحد تقريبا (ال 50 لتر بيعملوا من 480-580 كم على حسب طريقة السواقة والطريق جوه ولا بره البلد و على حسب عدد اللي راكبين و الsport mode شغال ولا لأ )
بنسبة للعزل السيتروين أحسن بـفرق بسيط
مقارنه جايه في وقتها لاني بفكر اشتري عربيه منهم الايام دي
انا عملت تست درايف للاسترا....عربيه جميلهمن جوه و من بره و عفشتها جميله ما تحسسكش بالمطبات مميزاتها ... تصميمها الداخلي شيك و الخارجي يليق اكثر علي اسره صغيره او شخص فوق ال 30 سنه...الشنطه مش ضيقه و يمكن اكبر من بعض السيدان....جنط اصلي ....4 ايرباجز.... زرار مخصوص للتراكشن كنترول ....فرامل يد كهربا ....حساس لقياس لزوجه زيت المحرك...فوانيس شبوره اماميه و خلفيه .....القاعده اللي ورا مش ضيقه...تكييفها كويس جدا ...فيها كروز كنترول ...خاماتها الداخليه كويسه ...انا شفت جدول صيانتها ...قطع غيارها يا جماعه مش غاليه.....ارخص عربيه في السوق ألماني 100%
العيوب.... مفيهاش بلوتوث حتي في التربو...مفيش حساسات ركن ...او حساسات مطر (..الكسل بقي) ....مفيهاش زينون...توكيلها الناس مختلفه عليه...فيه ناس بيقولوا هايل و فيه ناس بيقولوا ضايع...بس الظاهر ان جوده الخدمه بتختلف من مركز خدمه للتاني....
والله أنا كنت عند أوتو ميشو إمبارح .. وقالي إن هي بالحجز ونازلة الأسبوع الجاي وده حيبقى سعرها .. ممكن يكون هو مطلغبي بقى .. بس أنا أكدت عليه السؤال .. وأكدلي السعر !!
كونتاكت كاتبين 215 فعلا .. وأنا مع حضرتك لو هيه ب 215 .. حخرجها برة طبعا :)
أصل أسعار الأودي مبالغ فيها أوي في مصر
متشكر لجميع المشاركين بآرائهم .. ربنا يبارك فيكم جميعا :)
أنا رؤيتي الشخصية كالآتي .. وطبعا مستني آرائكوا لسه ..
التلاتة إللي أقرب ليا .. لأن فعلا وارد إن الأودي يكون تسعيرها غلط ..
الميجان و ال c4 والأسترا ... شوفتهم كلهم في المعارض
مشكلتي مع الميجان .. تصميم الطابلوه مش داخل دماغي أوي .. بس سعر حلو :)
ال c4 تصميم داخلي رائع .. عربية داخلة دماغي جدا .. إضاءة تحفة .. تقفيل ممتاز .. يمكن نفس جودة الأودي .. وكمان أشيك ... بس توكيل ضياااع على حد علمي .. وأنا مجرب يعني إيه توكيل ضياع مع عربية حلوة .. أوماترا مع جراند بونتو :(
الأسترا .. تصميم داخلي وخارجي جرئ مع جودة من وجهة نظري في الخانات أقل نسبيا عن الستروين .. وطبعا ألماني شاغل بالي :) ... بس مأساة منصور على حد علمي ..
كل واحدة فيها حاجة واقفة في زوري :))
لو جد أكدلي إن حاجة من الحاجات إللي مزعلاني في كل عربية مش موجودة حتوكل على الله علطول إن شاء الله :)
يا باشا انزل توكيل سيتروين عزالعرب وتوكيل اوبل منصور وشوف الدنيا هناك على الطبيعة واطلب اسعار قطع الغيار واطلب تيست درايف للعربية.
انا معايا اوبل وبقولك ابعد عن منصور
وناس كتير بتقول ان عز العرب اتغير وفيه تغيير حقيقى فى التوكيل والصراحة السى4 عربية حلوة كتييير بس هى مش فيه نسخة بتنزل بموتور تربو 155 حصان وفتيس اوتو 6 سرعات؟؟؟؟
خد جولة كده فى قسم اوبل وانت تعرف ان منصور فى الضيااااااع
صحيح بمناسبة المقارنة بين ال c4 و الأسترا ..
لما ببص على الموديل القديم من الإتنين بحس إن الأسترا ماسكة نافسة أكتر في معظم الحالات عن ال c4 .. يعني حاسس الأسترا بتاعة بهدلة أكتر
إيه رأيكوا في النقطة ديه ؟؟
الاسترا اكيد بتمسك نفسها شوية في اعادة البيع والماني برضه وموتور قوي.
انا كنت مقىتنع جدا بالميجان بس لما شوفت ال هيونداى i30 2012 عجبتنى جدا وتقريبا هتنزل فى ٦ الجاى ممكن بردو تبص عليها والكلام عليها برة انها حاجة وهميه وبص على الريفيو دى
Hyundai i30 roadtest (english subtitled) - YouTube
حاجتين ..
أولا .. مش عارف بستحرم ادفع فلوس في عربية كوري .. وإن كانت كويسة . في حين عندي حاجات اوروبي بنفس السعر .. هي وجهات نظر طبعا ..
ثانيا .. أظن العربية ديه 2013 مش 2012 يعني لسه قدامها لآخر السنة على الأقل .. هيه لسه مش موجودة على الويب سايت بتاع هيونداي أصلا !
طيب الله ينور ..
طيب يا أ/ دمصري .. أظن إنت كان معاك فيات قبل كده صح ؟؟
لو فعلا كلامي صح .. إيه مستوى منصور مقارنة بأوماترا ؟ عشان أقدر أقيم مدى السوء لأني اتعاملت مع أوماترا كتير
استاذ ايه يا باشا انا اسمى محمد ٢٧ سنة
بص هو انا عكس ناس كتيير اتعاملوا مع اوماترا مشفتش منهم حاجة وحشة، يمكن عشان التعامل كان مع الناس اللى فوق هناك ولما كان بيحصل حاجة كانت على طول ببتغير ليا.
ومنصور الصراحة اسوأ لانه شبع من المبيعات ومش بيفرق معاه العميل
يا راجل خالد ايمن معانا فى اوبل لما دخل جوه ورش منصور العامرية، العربيات الزيرو كانت بتكون عاملة حوادث وهو بيصلحها ويبيعها كا جديدة وخالد نفسه عربيته اكتشف بعد كده انها كانت مخبوطة :)