نصيحة قليلة تمنع بلاوى كتيرة

**TAAS** · 19-02-2012 03:10 PM

افيدونى يا اهل المروءة والاحسان

معروض على فورد موستانج موديل 1988 سبور 5000 سى سى و 8 سلندر على سعر 15000 ج وحالة العربية كويسة وبصراحة انا محتار وعاوز حد ينصحنى لانها اول عربية اشتريها .

من ناحية الضريبة السنوية والصيانة وقطع الغيار هل اشتريها ولا هتعذبنى فابعد عنها

العربية شكلها حلو وسريعة بس اكيد حوت بنزين ولو حصل فيها عطل هلاقى صرفة ولو حبيت ابيعها هاخسر فيها كثير

ارجوكم النصيحة ولكم منى جزيل الشكر

**aYaBooY** · 19-02-2012 03:21 PM

هيا العربية ديه شكلها ايه اصلا
ديه وحيدة من نوعها في مصر تقريبا يعني ممكن الوكيل ميكونش عارف يجيبلك قطع غيار
ثانيا الموتور 5000 سي سي انت عارف ان موتور الشيروكي 4000 سي سي
و متخيل استهلاك موتور زي ده بيكون عامل ازاي
ثانيا السيارة امريكية الصنع مو 88 و ده معناه ان فيها كنترول بيونت بتكنلوجيا منقرضة و فيشة غريبة
و علشان تلاقي حد يعرف يصلح و يظبط ( لو فرضنا انك عرفت تجيب قطع غيار ) هايكون صعب جدا
و بعدين حضرتك اول مرة تجيب عربية متخيل علشان تركن عربية زي ديه محتاج مساحة قد ايه
و بعدين فكر ايه الي خلى تمنها عامل كدة و طبعا هاتلاقي فيها اوبشنز كتير جدا و رغم كدة تمنها مساوي لـ 127
انا شايف انك تبعد عن العربية

**abokoko** · 19-02-2012 03:31 PM

من وجهة نظرى العربيه عايزه واحد -- غاوى -- وهتبقي معاه حكاية
والموتور ممكن يتغير بموتور اخر من شركة فورد ولو موتور ديزل زى بتاع الربع نقل هيبقي ممتاز
وبالذات المواتير الجديده اللى نازله تربو
بس مش محتاجه واحد جديد على السيارات وعايز مجرد يركب عربيه - طبعا لا-

**egytamer** · 19-02-2012 11:45 PM

اعتقد لو كشفت علي العربية مش هتلاقي فيها اي شيء يمت للفورد الموستانج باي صلة عربية زي دي ونادرة في مصر اكيد متوفقلها قطع غيار بالعبيط.
ومتور 5000 سي سي وبنزين يبقي انتا المفروض تشتري بنزينة احسنلك.
نصيحة ابعد عن الشر وغنيلو.

**lad** · 20-02-2012 01:30 AM

لالالالالالالالالالالا بلاششششششششششش هتكلم نفسك لو جبتها

**MIDOCOOL23** · 20-02-2012 08:04 AM

لا منصحكش كذا فى حجااات فى المودلاااات المنتشره فى مصر تقعد شويا على متلاقيها انا كان عندىاربة سنتر الشنطه فى المونديو دايخ عليها فى كل الاستيراد ومش موجود فى التوكيل كمان ما بالك بحاجه مش موجود منها 2 فى مصر