بص يا باشا واضح من صيغة الموضوع ان حضرتك مستقتل (الي هوا عايز تحول عربيتك ) لفيلم فاست ان فريوس ب 5 جنية
ودة مينفعش ومفيش حاجة اسمها يدوي .. في حاجات ينفع تتعمل يدوي دة لو انتا انسان موهوب يدوي مثلا مصمم ديكور او ليك في التعديلات وكنت شغال في محل قبل كدة وفاهم الدنيا ماشية ازاي
وفي نوع تاني تنزل تشتري الحاجة بأرخص الاسعار من اماكن ممتازة من غير اشتغلات
يعني مثلا كان في عضو هنا عمل عربيتو تيوتا كرولا موديل 98 كانت سودة
عملها من جوة بالكامل (ابانوص )
لما حاول يعملها في المحلات النضيفة سمع من 1500 - 2000 جنية
هوا نزل اشتري رول كامل ستيكر لون الابانوص بسعر 85 جنية
وراح لمحل جاب ولد صناعي ودفعلو مصنعية 100 جنية
والعربية بقت من جوة تحفة وفخمة والحوار كلفو 185 جنية
عمتا هقولك علي بداية ممتازة
حضرتك تروح تفيم العربية كلها dark .. ورا والاربع ابواب وتغسل العربية كار كير
وتجيب سبراي للكاوتش وتحط ستيكر من ورا شكلو حلو (مش فلح )
وتعمل العربية من جوة ابانوص
الموضوع مش هيكلفك 400 جنية والعربية هتتحول
وان شاء الله لما ربنا يكرمك بفلوس
انزل ركب كاسيت كينود USB فلاشة ب 550 جنية + 4 سماعات سوني اصلي ب 400 جنية + صب وجي ام
وتبقي عملت احلي ساوند سيستم في العربية
والخطوة الي بعديها ركب زينون في العربية
حضرتك بقي لو بدور علي تراويش ارخص من كدة يبقي منصحكش لأنك راكب عربية ب 50 الف جنية + فا طبيعي تبقي التراويش بتاعتها ب الارقام دي
المفضلات