ربنا يعوض عليك , ده أولا
ثانيا , من غير ماتزعل , إنت غلطان جدا , لأن في أكتر الأماكن أمنا في مصر الموضوع بتاعك ده كان بيحصل و طبعا من قبل الانفلات الامني اللي احنا فيه بكتير , فما بالك بدلوقتي , كويس إنك لقيت العربية أصلا
عرض للطباعة
ربنا يعوض عليك , ده أولا
ثانيا , من غير ماتزعل , إنت غلطان جدا , لأن في أكتر الأماكن أمنا في مصر الموضوع بتاعك ده كان بيحصل و طبعا من قبل الانفلات الامني اللي احنا فيه بكتير , فما بالك بدلوقتي , كويس إنك لقيت العربية أصلا
ربنا يعوض عليك
حاسس ان مصر بتضيييع من ساعة الثورة .... وعندي تشاؤم جبار مش عارف الحل ايه
يا باشا انا واحد صاحبي عربيته اتكسرت عشان خاطر علبة سجاير وولاعة من ام 5 جنيه ومش عارف كام جنيه فضية كانوا باينين في التابلوه ،
واالي كسر الزجاج خدهم ومشي ، شوفت وصلت لدرجة إيه ، وروحنا غيرنا الإزاز ب550 جنيه عسان خاطر علبة سجاير ب 6 جنيه ، ربنا يسترها علينا وعلى جميع المسلمين وعلى مصر كلها يا رب ويطلعنا من الأزمة دي على خير
قدر الله وما شاء فعل بس فعلا بلاش تحط اى حاجة مغرية للسرقة فى مكان ظاهر فى العربية
طبعا قدر الله وماشاء فعل والحمد لله على كل شئ
بس انا مغلط حضرتك خالص ماينفعش تسيب حاجه فى العربيه اليومين دول خالص ده فيه عربيات زجاجها اتكسر علشان 5 جنيه كانت على الطابلوه وواحد جارى عربيته اتكسر زجاجها علشان جاكيت بدله
كان الأفضل ان حضرتك تحط الحاجات دى فى شنطه العربيه علشان تبقى بعيده عن العين
بس مش نقدر كان وكان وكان لأن خلاص ده حصل والحمد لله وشكرا على تحذيرك وربنا يعوض عليك خير
يا جماعة الموضوع ده منتشر فوق ما تتخيلوا, حصل قدام سيتى سنتر مكرم عبيد, ديه اساسا موقف ميكروباص و زحمة جدا, الخلاصة:
1-النوع ده من السرقة بيعمله اى حد مبرشم او شحات مش لازم حرامى متخصص, بيعتمد ان الموضوع مياخدش ثوانى و لو اتزنق هيقوم جارى طيران.
2- متسيبش اى حاجة على الكنبة تغرى حتا لو شنطة فاضية لأن الموضوع بالنسبة ليهم مفهوش مخاطرة كبيرة هيكسر و يخطف و يجرى, فاى حاجة هتغريه انه يكسر (الحالة الوحيدة لما كنت حاطط ستائر قاتمة تماما يستحيل معاها النظر جوا العربية كان ممكن اسيب الأنا عاوزو فى بعض الظروف).
3- متحوطش حاجة فى الشنطة فى المكان الأنت بتركن فيه, عاوز تحط حاجة يبقى حطها قبل المكان الهتوصلو, يا كده يا تاخدها معاك و متكسلش.
4- متسيبش تليفونك قدامك على التابلوه هيتخطف منك فى ثانية و ممكن متلاحظ اساس, عشان ممكن تلاقى حد شغلك من اليمين ساعت الخطف.
5- متسيبش حاجة مهمة على الكرسى الجنبك و تسيب الشباك مفتوح او نص مفتوح.
6- متتكلمش فى التليفون على ودنك الشمال و انتا سايب الشباك مفتوح, هيتخطف منك فى ثانية, يا توديه على الأذن اليمين, يا تقفل الشباك بتاعك.
7- اساسا فى الأيام ديه متمشيش غير و لوك العربية مقفول, و لو فى حوار جنبك و اضريط تنزل, اتأكد انك قفلت الشبابيك و خدت المفتاح كمان من العربية.
8- اخر خبر وصلى فى سرقة السيارات ان حد يزنق عليك يخبط فيك او يجرحك, تنزل تتخانق هيثبتوك و يقلبوا العربية (حصلت فى عين شمس فى وقت ذروة و شارع حيوى).
معظم التحظيرات ديه بناء على مواقف شفتها بعينى او لأفراد اعرفهم, متستهرش خصوصا فى الأيام الأحنا فيها ديه.
و ربنا يستر
ربنا يعوض عليك
وانا قبل كدا اتكسر الزجاج علشان ½ كج جبنة بيضاء ورغفين عيش وكانوا في كيس شفاف يعني الي كسر كان شايفهم
لو كان طلبهم مني كنت ادتهمله
ربنا يعوض عليك بس ابقي خلي بالك في المرات اللي جايه
ربنا يعوض عليك يا بشمهندس ودي تعلمك وتعلمنا كلنا اننا منسبش اي حاجه تلفت النظر جو العربية حتي ولو الشنطة فاضيه او اي حاجه تغري السارق لسرقتها وربنا يسترها علينا جميعا