الموضوع: يسيئوا و يعتقدوا أنهم احسنوا

ربنا يجزيك خير عن الموضوع المهم ده واللي فعلاً كلنا لازم ناخد بالنا منه
أنا هاحكي الموقف ده حصل معايا أنا شخصيا وفعلاً بندم أشد الندم لأني كنت غبي ومعذرتش اللي جاي ورايا ، شاب عنده حوالي 19 سنة وجاي بسرعة جنونية حوالي 140 عالدائري عند المعادي وانا معايا اولادي وماشي بسرعة 100 وفوجئت انه بيضرب كلاكسات ونور بهستريا انا خايف اسرع عن كده وجنبي عربيات نقل ومعايا اطفال وعربيات نقل زنقانا وهو شايف انا كان ممكن اعافر وأعديه بس استفزني بالزينون والكلاكسات الفظيعة ، المهم بعد ماعدينا ، الولد ده بصراحة أداني درس بمنتهى الأدب والزوق ،هدي جنبي وقالي أنا أسف بس انا مريض سكر ومش بقدر أتحكم في نفسي وعايز اروح ( أعزكم الله) الحمام ، بجد انا ساعتها كنت غبي ، مش لازم يكون راجل عنده 60 سنة عشان يكون عنده مشاكل صحية ، انا أسف إني نقلت التجربة دي ، بس حبيت اكمل وجهة نظر الأخ الفاضل صاحب الموضوع وان احنا فعلاً لازم نلتمس العذر لأن أحنا مش عارفين الناس عنده إيه وممكن يكون إيه اللي بيخليه يجري أوي كده

المشاركة الأصلية كتبت بواسطة houseiny

ربنا يجزيك خير عن الموضوع المهم ده واللي فعلاً كلنا لازم ناخد بالنا منه
أنا هاحكي الموقف ده حصل معايا أنا شخصيا وفعلاً بندم أشد الندم لأني كنت غبي ومعذرتش اللي جاي ورايا ، شاب عنده حوالي 19 سنة وجاي بسرعة جنونية حوالي 140 عالدائري عند المعادي وانا معايا اولادي وماشي بسرعة 100 وفوجئت انه بيضرب كلاكسات ونور بهستريا انا خايف اسرع عن كده وجنبي عربيات نقل ومعايا اطفال وعربيات نقل زنقانا وهو شايف انا كان ممكن اعافر وأعديه بس استفزني بالزينون والكلاكسات الفظيعة ، المهم بعد ماعدينا ، الولد ده بصراحة أداني درس بمنتهى الأدب والزوق ،هدي جنبي وقالي أنا أسف بس انا مريض سكر ومش بقدر أتحكم في نفسي وعايز اروح ( أعزكم الله) الحمام ، بجد انا ساعتها كنت غبي ، مش لازم يكون راجل عنده 60 سنة عشان يكون عنده مشاكل صحية ، انا أسف إني نقلت التجربة دي ، بس حبيت اكمل وجهة نظر الأخ الفاضل صاحب الموضوع وان احنا فعلاً لازم نلتمس العذر لأن أحنا مش عارفين الناس عنده إيه وممكن يكون إيه اللي بيخليه يجري أوي كده

قليل من هم مثلك الذين يشعرون بالذنب
جزاك الله خير...و حضرتك وضحت الصورة اكثر مني

المشاركة الأصلية كتبت بواسطة samyyousef

قليل من هم مثلك الذين يشعرون بالذنب
جزاك الله خير...و حضرتك وضحت الصورة اكثر مني

وجزاكم وربنا يجعلها في ميزان حسناتك ويكون هي دي زي ما ربنا قال في كتابه (إن إريد إلا الإصلاح مااستطعت) لعل ان ممكن ناس تنقذ ناس بسبب نصيحتك دي

السبب الوحيد لكل ده هو ان مفيش تعليم لسلوكيات القياده و ادابها او حتى قوانينها
يعنى مثلا انا كل يوم ببقى على طريق السويس عشان الجامعه بتعتى فى الشروق و الاقى واحده ست ماسكه الشمال و حالفه ما تسيبه و تتلذذ بانها تمشى جنب مقطوره سواقها محترم السرعه القانونيه (حاله نادره جدا جدا جدا على فكره) و توقف الطريق وراها و خد بقا بعد كده تلاقى الطريق وقف لحد الرحاب رغم انها قرب مدينتى و تزمر و تقلب نور ولا هى هنا او راجل كبير تلاقيه ماشى فىنص الطريق تزمرله تلاقيه بيشوحلك و هو لسان حاله يقولك هى الدنيا طارت ولا ايه و دا غريب بحس ان اللى عنده ذوق و ادب بعيدا عن السواقه قليل جدا
كان اللى اللى بيجرى دا لازم يكون شاب طائش مش واحد مراته حامل او بنى ادم معاه حاله او ليه واحد فى مصيبه و عاوز يلحقه او حتى عربيه اسعاف تلاقى الناس بتناحه مصره متفتحلوش السكه و دى شفتها فعلا مع سواق تاكسى

المشاركة الأصلية كتبت بواسطة cryptonx

ماهو ده يا جماعة ال butterfly effect برده ...

بمعنى .. انت في عباس العقاد مثلا هديت 10 ثواني تشوف اليافطة بتاعة تامر حسني حبيب قلبك !
ال 10 ثواني دي وقفت 5 وراك مثلا .. ال 5 الي وراك دول كان وراهم 10 ال 10 وراهم 100

في بقى واحد وقف 5 دقائق كامل في طريق النصر ... علشان حضرتك وقفت 10 ثواني !

حضرتك بتنزلي ولادك ادام النادي ... لازم طبعا قدام البااااااااب بالظبط علشان الولاد ميتعبوش ( وهما داخلين يلعبوا رياضة اصلا) .. طبعا حضرتك لو تكرمتي و ضرتبي الانتظار ده في حد ذاته معجزة ! تقفي بقى تزعقي لاحمد و محمد و هبة ! و خد السانداوتش ... و خد المضرب ! دقيقيتين موقفة الشارع الي مركون فيه يمين و شمال و بقى حارة واحدة .. حضرتك طبعا بتقولي ... دول دقيقتين يعني ! هي الدنيا طارت !

النتيجة ان في واحد في اخر الشارع بقاله 15 دقيقة متحركش بسبب الدقيقيتين بتوع حضرتك !

ربنا يهدينا !

الله على المشاركة دى
نفس اللى فى دماغى من قديم الازل بس مش عارف اقوله

الحارة الشمال للتجاوز و اللي يمشي فيها بدلع من غير ما يوسغ لغيره يستاهل ضرب الــــــــــــــ