الموضوع: تفتيت وإذابة الدهون بالليزر

يعني الموضوع ده كويس و بيجيب نتيجة كويسة ؟

المشاركة الأصلية كتبت بواسطة aif

ياريت توضيح لو عندك تجربة او تعرف تفاصيل .... عشان محدش ينصب علينا

والله انا ليا تجربه مع واحده قريبتي ... عملت 6 جلسات من 8 والجلسه ب 600 جنيه !!! وكانت كل الجلسات لتخسيس منطقة الذراع ... و ولا الهوا ... كانها رمت فلوسها في الارض

ده طبعا غير الدعاية على كريمات ومش عارف ايه عشان يلهفو اكتر من الزبون

كان مركز في مدينة نصر بدون ذكر اسماء ... وشياكه وديكور واجهزه .. واللي كان بيعمل الجلسات طلع مش طبيب طلع صيدلي لكن صاحبت المركز طبيبة جلدية ( وشكلها هتطلع ممرضه مش دكتوره اصلا )

وايضا جربت الميزثيرابي ( وهو حقن موضعي لمواد معينة بتسيح الدهون ) هو ارخص كتير لكن برضو ماجابش نتيجه مرضيه

قد يكون المشكله في حالة قريبتي نفسها وليس في التكنيك بمعنى ان لازم اختيار الحل المناسب للحالة والحالة المناسبه للحل ودي مسؤولية الطبيب المعالج وليس المريض وبالتالي لو ماجابش نتيجة يبقى يا اما الطبيب فاشل يا اما نصاب .. وان كنت ممكن التمسله العذر لان النصيب وارادة الله قبل اي شيء

وفي رايي .. لو السمنه في الجسم كله يبقى احسن حل هو الرياضه ونظام غذائي + أدوية
ولو متركزه في مكان معين وعامله اعاقه بدنيه او نفسيه للمريض .. يبقى شفط الدهون .. وده اسمه تجميل مش تخسيس

اما بقى الوسائل الجديده من ليزر او ميزوثيرابي فلازم يكون فيه اختيار " مثالي " للحالات والا هيبقى تضييع وقت وفلوس عالفاضي

الابر الصينية .. الصراحه شفت ناس جربوها وجابت معاهم نتايج جيده

للعلم فيه فرق بين الليزر وال~ultrasound

انا حاليا بعمل جلسات Ultra Sound عند دكتور علاج طبيعي للتخلص من الدهون اللي في منطقة البطن. جسمي مظبوط جدا ووزني مثالي مع طولي ماعدا شوية دهون عاملة كرش رزل في منطقة البطن. الجلسة عبارة عن:
1- جهاز الـ Ultra Sound وبيعتمد في طريقة عمله على فكرة السونار ، يعني بيرسل موجات صوتية على مناطق تراكم الدهون لإذابتها والجلسة دي بتبقى 30 دقيقة.
2- جهاز تاني خارج منه 4 اسلاك في نهاية كل سلك دائرة قطرها حوالي 10 سم كده بتخرج ذبذبات قوية على البطن والغرض منها المساعدة على تصريف الدهون وتسهيل خروجها مع الدم ، والجلسة دي مدتها 30 دقيقة برضه. والملاحظ انه فعلا بيبقى فيه ليونة في الفضلات (مش اسهال) بقول ليونة وده نتيجة خروج الدهون المذابة من الجسم.
3- الدكتور بيخليني امشي على جهاز المشي الكهربائي لمده 30 دقيقة بسرعة 5 كم/س.
بقالي 8 جلسات حالياً والنتيجة مرضية إلى حد بعيد ، مشكلتي حاليا ان عندي القولون اساساً وده بيسبب انتفاخ بيظهر على البطن لكن مع ادوية القولون بقدر اتغلب عليه.
ان شاء الله هلبس تيشرتات بادي قريب.