الموضوع: ساعدونى فى Belkin Router

المشاركة الأصلية كتبت بواسطة sherif Anton

انا برضه عندي راوتر وايرلس Netgear ... بصراحة رائع جدا وامكانياته كويسه جدا ... ممكن تخلي فيه مراقبة على الاطفال من خلاله و تعمل جدول مواعيد النت تفتح وتقفل اتوماتيك طبقا للجدول الاسبوعي وتقدر تقفل مواقع معينة وتسمح بمواقع معينة فقط ... بصراحة رائع

كل الامكانيات دي موجوده في ال3 كوم..
وهو معايا من سنة و اكتر شوية كمان.. زي الفل.. و نادرا ما بيحتاج يتعمل ليه ريست..
لو خرف كده بتبقي استهبال م الشركة نفسها.. مش من الراوتر..
بس ماعرفش الموجود منه دلوقتي في منه مضروب ولا لأ..
انا كنت شاريه من سنة و شوية ب 410

المشاركة الأصلية كتبت بواسطة kingaya

مبروك الراوتر ده راوتر جامد جدا ماشاء الله -
انا كان عندى نفس المشكله كنت جايب وايرلس راوتر PHILIPS وانا مشترك فى لينك دوت نت واول مكلمتهم عشان اشغله مكنوش مصدقين ان شركة فيليبس بتعمل رواتر من الاساس فضلت اكلم فيهم اسبوعين اشرحلهم الرواتر بيشتغل ازاى وطريقه تشغيله لحد ما اقتنعو انه ممكن يشتغل والاخر قالولى تعالى الشركه نجرب رحتلهم برده معرفوش يشغلوه لما زهقت منهم قلتلهم هاتو كل الحاجات اللى بتدخلوها على اى راوتر وانا حتصرف قالولى ملهاش لازمة لانه مستحيل يشتغل قلتلهم ملكوش دعوة بس , خدت منهم كل الداتا بتاعتهم ورحت مول الكمبيوتر فى الخليفة المأمون لشركة اسمها العربيه فى الدور الثانى فضل الراوتر عندهم اسبوع ورحت خدتو منهم شغال وزى الفل وعرفونى ازاى شغلوه وطلع الموضوع بسيط قوى بس المشكله ان الشركات متعودين على انواع معينة ميعرفوش يشلغو اى حاجة غيرها وقاللى ان اى رواتر يشتغل على اى شركة بس اهم حاجة تدخل الداتا بتاعة الشركة على الراوتر مظبوط --- انتا حاول شويه مع الشركه بتاعتك ومتشتريش راوتر تانى لان الانواع الوابرلس اللى فى مصر سيئه جدا فى الاشارة بتاعة الوايرلس خصوصا لو موصل على النتورك اكتر من جهازين وان شاء الله حيشتغل

معقوله بصراحه انا مستخسره اشترى من هنا ويطلع مضروب
النوع اللى اشتريته كل الناس بره بتشكر فيه هو امريكى الصنع مش عارفه اعمل بيه ايه يعنى ااقلبه حصا له ولا حتى ينفع

طيب ممكن عنوان الشركه دى بالظبط وانا هروح لهم بكره واجرب يمكن تظبط معايا

المشاركة الأصلية كتبت بواسطة hero

اشتري من compume او Radishack او حتي مول النخيلي مدينة الشبكات...
علشان دول هايدولك فاتورة ضريبية وطبعا دي هاتثبت حقك في الضمان (بيبقي بحد ادني سنة)..
حتي لو هاتدفعي 50 جنية زيادة يبقي احسن ما تشتري وتروحي تتلاقية مغشوش ولا بايظ وماتعرفيش لا تاخدي حق ولا باطل...

انا في رأي افضل رواتر:
Linksys
NetComm
D-Link
Belkin
3 com
Netgear


وربنا يوفقك في الشبكة....ما تنسيش تعملي Network Key علشان ما حدش من الجيران يلقطها ويدخل عليها ....

يا هيرو الف شكر بس بقولك البلكن مش بيشتغل هنا وباقى الانواع انا معرفهاش
بس الاغلبيه رشحوا linksys
هدور عليه فى المول اللى قلت عليه

المشاركة الأصلية كتبت بواسطة Ahmad Allawy

كل الامكانيات دي موجوده في ال3 كوم..
وهو معايا من سنة و اكتر شوية كمان.. زي الفل.. و نادرا ما بيحتاج يتعمل ليه ريست..
لو خرف كده بتبقي استهبال م الشركة نفسها.. مش من الراوتر..
بس ماعرفش الموجود منه دلوقتي في منه مضروب ولا لأ..
انا كنت شاريه من سنة و شوية ب 410

يا احمد انا كنت هشترى النوع ده بس خوفونى قالوا لى فيه تقليد كثير ومحدش يعرف يفرق كمان ضمان 6 شهور تقريبا
الف شكر لردك