الموضوع: قشقاى اتوماتيك .. مين قال عايز ؟

اهلا بيك يا فندم فى قسم نيسان .. وشاكرين تقديركم الغالى لقسم نيسان
و بحييكم على تعاونكم معانا .. وعلى الخصم اللى عاملينه لاعضاء نايل موتورز .. بس اكيد عاوزين نعرف السعر اللى عليه الخصم .. لان مفيش حاجة بتستخبى اكيد وانت عارف

بخصوص الكماليات لو هى هى عربية الوكيل .. يبقا نفس الكماليات .. اللى شرحناها فى تقاريرنا القديمة عن السيارة

وده لينك قديم للقاشقاى المانيول .. اول ما نزلت مصر .. عملنها عنها تقرير
http://www.nilemotors.net/Nile/21974...post3873498284

وده اقتباس من لينك الموضوع اللى حطيته فيه الكماليات بتاعت العربية المانيول ..
والاتوماتيك زاد عليها الروف راك وعازل الكابوت والزجاج الملون

المشاركة الأصلية كتبت بواسطة Ahmed.TV

المواصفات للكماليات والامكانيات للسيارة

برجاء القراءة بعناية وتركيز

- الماتور = 1600 سى سى مانيول وهو ماتور التيدا
- الطارة = مالتى فنكشن للصوت الكاسيت عالى وواطى فقط , وزرار الرد البلوتوث على الموبيل تم الغائه واصبح وظيفته بنفس شكل السماعة يقفل ويفتح الكاسيت
- الكاسيت = cd changer 6 cd زى كاسيت التيدا العريض
- السعر =الى الان 160 الف واحتمال يزيد
- التكيف = اتوماتيك dual zone زى تكيف المورانو ,نظامه بتظبط كل ناحية على الدرجة اللى انت تفضلها
- الكاوتش = جنوط سبور 17
- السقف = سقف بانوراما , فتحة سقف زجاج بسقف العربية كله , بس مقفولة وزجاحها زجاج مقوى جداا , والسقف القماش اللى تحت منها بيتفتح ويتقفل اتوماتيك بالكهرباء
- مصابيح السيارة = head lamps-headlevelizer نظامه لو العربية مالت للامام بيميل معاك والعكس
- المرايات الجانبية = التعديل فيها بالكهرباء
- الابواب = تحتوى على خاصية سمارت كى , اللى هو الفتح بالبصمة
- تحريك الدريكسيون = بيطلع وينزل فوق وتحت , وبيتعدل كمان لقدام وللخلف
- ارتفاع العربية =20سم من على الارض
- الفرامل الخلفية = ديسكات
- درج الطابلوه = يوجد بيه مكان لتبريد المثلجات ,درجة تلاجة
- سمعات الكاسيت = 6 سمعات 4 فى الابواب , و2 فى الطابلوه
- العفشة = العفشة الامامية ماكفرسون والخلفية مالتى لينك
- مانع السرقة = ايموبليزر , مانع للسرقة السيارة
- الفرامل = تحتوى على abs,brake assist,ebd
- حساسات مطر = نظام لو فى مطر بتشتغل لوحدها اتوماتيك
- فوجات = تحتوى على فوج لايت
- زينون = بيها زينون فى المصابيح الانارة
- حزام الامان الخلفى = 3 piont يعنى حزام واحد بيتفرع منه 3 اتجاهات الى 3 اشخاص ويعمل بنظام الشد المسبق
- النواكل = يوجد نواكل فى الطابلوه على فتحات التكيف وعلى اوكر الباب وعلى مقابض الباب وعلى طرف الهاند بريك , وايضا على الكنسول الخلفى
- اضاءة اتوماتيك = auto light يعنى اضاءة الفوانيس بتشتغل اتوماتيك اول ما بتدخل فى مكان مظلم
- الكنبة = مقسمة الى تلت وتلتين
- باور السيارة = باور كهرباء , ولايوجد فيه خاصية esp اللى هى الثبات الاليكترونى
- كنسول = يوجد مخدع خلفى بحامل اكواب وايضا كنسول امامى ومتحرك ويوجد بيه حامل اكواب وبفتحة يو اس بى
- الزجاج الخلفى = ضد الشبورة حراري
- بخاخ فوانيس = وذلك لمسح وغسيل الفوانيس الامامية
- نظام امان غلق الشباك = بحيث لو حس انه هيقفل على حاجة يرجع يفتح بسرعة
- شاشة LCD كبيرة لكمبيوتر السيارة لعرض بيانات عن السيارة في وسط العدادات واضحة حوافها نيكل كروم
- مخرج 12 فولت = لتشغيل شاحن سيارة
- الكرسي الامامية = قابل للتعلية والتعديل ، وكذلك مسند الرأس
- كاسيت السيارة = صوت الكاسيت بيعلى مع السرعات وممكن تلغى الخاصية دى

----------------
الكماليات اللى فاتت مواصفات القاشقاى المانيول
اما القاشقاى الاتوماتيك ..
هى هى نفس المواصفات اللى فاتت .. وزاد عليها الروف راك .. والفاميه الخلفى
وعازل الكابوت .. فقط

فيديو لاظهار
تفاصيل العربية على الواقع



YouTube - ‫ظ†ظٹط³ط§ظ† ظ‚ط§ط´ظ‚ط§ظ‰‬‎


فيديو اخر يبرز تفاصيل داخلية اكثر للسيارة
واستخدامات كمبيوتر الرحلات


YouTube - ‫ظ†ظٹط³ط§ظ† ظ‚ط§ط´ظ‚ط§ظ‰ 2‬‎

ده غير التقارير اللى فى الفهرس عن السيارة .. فى فهرس القسم المثبت
عشان اللى حابب يتفرج على العربية .. ويعرف رائى ملاك العربية او رائى الاعضاء فى التيست دريف بتعها .. لكن بصراحة كانت اراء اللى ساقوا العربية عن المانيول منها .. مش الاتوماتيك
اما الاتوماتيك .. قريب حنعمل تيست دريف مع احد وكلائها عشان اللى حابب يقتنع على ارض الواقع بالفتيس الcvt اللى ان شاء الله حيكون اختراع .. لان نيسان من الشركات الرائدة فى صناعة السيارات والمواتير والجيربوكس

تحية وتقدير مرة اخرى لشركة الاحمدى واهلا بيكم معانا ..
وتقبلوا تحياتى الخاصة
احمد مصطفى
منسق القسم