تمت بحمد الله وعملت بنصيحتك
عرض للطباعة
- الفتيس هو هو نفس فتيس ال 7 راكب و فتيس السينك 2003 (السينك 1) و هو فتيس اربع سرعات استيبترونيك
- هنلاقي في القاعدة بتاعة الفتيس زرار كدة الزرار ده هو بتاع الاراضي المزحلقة علشان لما تدوس بنزين العجل ميفركش منك لما بتشغل الزرار ده العربية بتطلع على الثاني علشان ميبقاش في عزم كبير رايح ناحية العجل فيخليه يفرك و انت طالع و بالتالي هيسهل عملية الطلوع (ده بيستخدم في لو على مطلع و ارضية مزحلقة او مطينة او في الثلج)
- الفتيس نقلاته سلسة 1 2 3 4 r بس احيانا مش دايما لما تيجي تهدي و تنزل من نقلة اعلى لنقلة اقل تحس بنتشة خفيفة و دي في اعتقادي هتتحل بكل سهولة ان شاء الله لأنها مش مشكلة ميكانيكية لان الفتيس بينقل للاعلى بسهولة و بدون ما تحس + انها مش دائمة و مش مسببة اي مشكلة في اداء العربية ولا متعة القيادة
- الفتيس مش هيسيبك تغلط بمعنى انك مقلا لو جبتها على الاستيبترونيك و وانت واقف جبت ثالث علشان تطلع بالعربية هتلاقيه راح منزلك على الثاني و مش هيجيب 3 علشان مفيش عربية بتطلع على الثالث
سؤال: هي إزاي العربية استبترونيك وهي مافيهاش m فيها بس d وجنبيها +-... طب ازاي بتحول من الأوتوماتيك والمانيوال؟
أرجو الرد علشان أنا حاخلص فيها بكرة إنشاءالله
بارك الله فيكم بس بعد كل ده ممكن حد يسرد ايه هي عيوب اللوجان الأتوماتيك بالتفصيل للي مجربها و جزاكم خير
بتتجاب مانوال بانك تجيب الفتيس ناحية ال + وال - وتنقل عادي
مبروك ياباشا .. ولوسمحت سعرها كام
[quote=شارلي شابلن;3874274094]مبروك ياباشا .. ولوسمحت سعرها كام[/quotالله يبارك فيك يا باشا
العربية سعرها من محمد ذكي 79000
استاذ جبريل انا كاتب موضوع علي الرابط التالي اتمني اسمع راي حضرتك فيه لو تكرمت
http://www.nilemotors.net/Nile/285880-a.html
ممكن تقولنا عملت كام كيلو لحد دلوقتى واخبار نتشه الغيارات ايه بعد اذنك
انا عامل بالعربية 3000 كيلو و شوية لحد دلوقتي و النتشة بتاعة الغيارات قلت بشكل ملحوظ كل ما بمشي بالعربية اكثر و ناوي ان شاء الله اققلهم عليها في صيانة ال5000 و متوقع ان يبقى ليها سوفتوير جديد علشان ينهي النتشة دي
بس الملاحظ هو اني لو مثبت طريقة سواقتي سواء هادي او جري مبحسش بيها خالص لكن لو كنت بحرق على العربية و بجري و ثاني يوم سقت هادي بحس بيها شوية و بعدين تروح و ده نتيجة ان الفتيس اول نص ساعة بيتعرف على طريقة سواقتك علشان يظبط نقلاته عليها
بصراحه موضوع النتشه دى مجننانى على الاخر
شكرا للمجهود الرائع المبذول فى المنتدى و لكن عندى سؤال مهم
هلى حساسات السيارة اللوجان عندما يحدث فيها عطل هل العربية بتفصل تماما كما يحدث للميجان
حيث سمعت هذا الكلام من صديق ان حساس الشكمان فصل و السيارة توقفت تماما و اضطر لحملها على ونش للتوكيل فى القاهرة لاننا من طنطا
واسف على الاطالة و شكرا لكم
الف مبروك ربنا يديك خيرها ويكفيك شرها بس فى سؤال هو المانيوال الكاملة 2012 فيها نفس الاوبشن ونفس المميزات وتلافى الاخطاء السابقة وسعر الاوتوماتيك كام
يا باشا النتشة دي ان شاء الله حلها يبقى بسيط لأنها في اعتقادي مش حاجة ميكانيكية لأني مبحسش بيها وانا على الاستيبترونيك و بالتالي لو كانت حاجة ميكانيكية كانت تظهر في الاستيبترونيك و على الاوتوماتيك العادي فهي ان شاء الله تبقى حاجة بسيطة زي سوفتوير مثلا او حاجة و تتحل
بص يا باشا متسمعش كلام غير من مالك للعربية دي الميجان اما كويل بيفصل بتفضل شغالة بس بيبقى عزمها و سحبها في الضياع فمش منطقي ان حساس شكمان يفصل يوقف العربية
و عموما اللوجان زيها زي اي عربية حديثة بنفس عدد الحساسات و كل حاجة فالي يسري على الفيرنا و اللانوس يسري على اللوجان
الله يبارك في حضرتك يا فندم ربنا يكرمك
المانيوال الكاملة نفس الاوبشنز و كل حاجة فيما عدا الموتور اللي فيها اللي هي ال90 حصان 8 صباب و سعرها 72000 و الاوتوماتيك ب79000
ربنا يباركلك فيها انا بس عايز اعرف سعرها كام لانى روحت معرض الطارق و سعرها رفع ل 80500
هل الزيادة دى فى كل المعارض و شكرا
هي سعرها 79000 و الزيادة دي نتيجة انها لسة الدفعة الجديدة موصلتش و الناس هوزاها فطلب كثير و عرض قليل
انا روحت المعرض وهستلم العربية بعد اسبوعين باركولى
يا أستاذ جبريل يا ريييت حضرتك تقولي رأيك هييه في اللوجان بعد استخدام الفترة اللي فاتت و المشاكل اللي قابلتك (ان شاء الله مايكونش حصل حاجة :) عشان انا نازل أحجز لوجان و لسة متردد بينها و بين فرنا أوتوماتيك. أرجو الافاة و شكرا
في حد ممكن يفيدني يا أخوة ربنا يكرمكم عشان نازل أحجز كمان كام يوم
الحمد لله العربية لحد دلوقتي زي الفل و ما شاء الله عليها ادائها بيتحسن كل يوم عن اللي قبله
المشاكل اللي مقابلاني السخونة بتاعة التابلوه و ان شاء الله اركبلها العازل و تتحل ان شاء الله
النتشة الخفيفة دي و بتقل كل يوم عن الثاني و بردو هقلهم عليها في الصيانة
الفيرنا كفاية عليها كدة و اتوكل على الله في اللوجان ان شاء الله
شكرا جدا يا أستاذ جبريل :)
يا راجل ده انت حببتني في العربية وخلتيني عايز ابيع الفيرنا بتاعتي عشان اشتريها .
تقرير هايل
تسلم ايدك :)
يا أستاذ جبريل انا قرأت عن حدوث بعض المشاكل في لوجان و سانديرو. انا نزلت اليوم عشان أحجز سانديرو أوتوماتيك عشان هي هي زي اللوجان بالضبط بس الكلام ده خوفني بصراحة. ممكن تفيدني ؟؟ و ده الرابط اللي فيه المشاكل على صفحة رينو: بصراحه رينو لوجان... | Facebook
في حد يقدر يفيدني في الموضوع ده من مالكي لوجان أو سانديرو أوتوماتيك ؟؟
هى العربية تقفيل مغربى ولا رومانى وخلاص انا قررت انى اشترى الاتوماتيك لان حضرتك حببتنى فيها ربنا يكرمك ويزيدك .
سؤال جبريل باشا ...
صوت الكلاكس عندك زي القديم؟ أصل بحس صوت كلاكس اللوجان الأقدم من ٢٠١٢ عالي وبيرن لاكن فى الأوتو ٢٠١٢ مختلف وأوطى, فهل هما غيرو نوعية الكلاكس ولا أنا ممكن عندي فرده مش شغالة؟؟؟؟؟
أنا بس يا جماعه عايز أعرف موضوع النتشه في الفتيس الاتوماتيك ده بيحصل مع كل الناس ولا ديه مشكلة فرديه؟ و يا ترا لقو حل ليها ولا لسه؟
تمام, تسلم يا أستاذ جبريل. ولو إن صوت الكلاكس القديم عاجبني أكتر وبيسد مع الأجرة والنقل ههههههه.
هو مفيش حل ومفيش مشكلة أصلا على حسب مناقشة تمت بيني وبين صديق معاه سيات إبيزا أوتوماتيك سبع نقلات, نفس الكلام إللى سمعته منه هو هو إللى بسمعه من الناس (وحط تحت "بسمعه من الناس" دي كذا خط. لأني محستهوش عن نفسي, أو بمعنى أصح أنا محستش إن الفتيس فيه مشكلة أو حاجة مش طبيعية لأني أول مرة أسوق أوتوماتيك فمكنتش متعود على حاجة ولاقيت حاجة مختلفة.
نفس الكلام عن نتشة الفتيس وبطئ الطلعة الأولى موجود في السيات على حسب كلام صاحبها وطبعا قبلها كان سايق سوزوكي sx4 أوتو, فكان متعود على سواقة الياباني فى الأوتوماتيك, ولما سأل في التوكيل بتاعه كان الرد "حضرتك كنت راكب إيه قبلها" وطبعا إتضح إن دي طبيعة معظم إن لم يكن كل الفتيسات الأوتو الأوروبي, ومفيش مشكلة خالص. المشكلة إنك لو من النوع إللى بيكز قوي مع التفاصيل دي أو لو من النوع إللى لما بيتعود على حاجة مبيحبش إنها تتغير أو يعود نفسه على غيرها ممكن تتضايق. أما لو مكنتش متعود على سواقة عربية أوتوماتيك قبل كده أو متفهم لفكرة إن كل عربية وكل صناعة ولها فروق (مش عيوب) ومستعد تتعود مع الإختلاف, مش هتحس بمشكلة خالص إن شاء الله.
ده رأيي والله أعلم.
:-) شكرا علي الرد و جزاكم الله عنا كل خير
اولا ربنا يباركلك فى العربيه ويحفظها انا قريت ال 16 صفحه كاملين :))
عندى سؤالين لحضرتك :
1) ايه سخونه التابلوه ده .. و ايه سبب المشكله من وجهه نظرك .
2) هل فى فعلا لوجان 2013 ؟ لانى لما سالت فى المصريه للسيارات قالى دى موديل 2013 .. فهل فعلا الكلام ده سليم ؟
منتظر رد حضرتك :) والف الف مبروك على العربيه
يا باشا ربنا يكرمك
سخونة التابلوه دي بتبقى حاجة نسبية من واحد للثاني ده مبدئيا
الحاجة الثانية هي انك بتحس ان الكونسول اللي في النص فيه سخونة كدة من تحت على خفيف و من ناحية الرجلين من على اليمين جاية سخونة و ده بسبب ان مواسير التكييف السخن مارة من الحتة دي فبتحسسك بالسخونة و هي غير مؤثرة على الاداء بتاع العربية بالمرة
بالنسبة للوجان 2013 ففعلا انا لسة صاحبي مستلمله لوجان 2013 و مرخصهالو كمان بس نصيحة اشتري من اي حتة ثانية غير المصرية
جبريل باشا، أنا بحاول أحصر موضوع السخونيه ده من مده لآن هو الحاجة الوحيده إللي شاغله تفكيري وعايز أظبطها، هي مش مديقاني قوي بس لو ليها حل سهل وفعال وبأقل لعب في العربية يبقى ليه لأ، أنا أكتر حاجة بتدايقني الحر.
دلوقت أنا تقريبا توصلت للآتي:
- فيه حراره بسيطة جايه من الأرضيه في المنتصف بطول العربيه، ودي مصدرها الشكمان. أنا شايف إنها مش مستاهله شغل ولو حبيت لما العربيه تقدم معايا شويه ممكن أركب عازل تحت الموكيت وأعتقد هيقضي على الموضوع ده.
- مفيش حراره جايه من صدر العربية نفسه، من الموتور يعني.
- كل الشغل في الحته بتاعت التابلوه وراء الكاسيت والأزرار، يعني الماسورتين إياهم وسربنتينة السخن نفسها. أنا كنت ناوي على موضوع إلغاء السخن، بس الت،كيل في إسكندرية معطل الموضوع وأنا برضه إن جيت للحق مش عايز ألعب في العربيه قوي كده، وبصراحه كمان شايف أداء التكيف ممتاز ومرضي جدا من غير موضوع إلغاء السخن ده. ففكرت ليه محاولش أفك الفبره الفضي في التابلوه وأحط عازل يفصل بين مصدر السخونيه وظهر الفبره، ومش عارف هل هو ده إللي حضرتك تقصده ولا إنت قصدك حاجة تانيه وهل هتعمل ده بنفسك ولا التوكيل هيعمله؟؟؟؟
طولت عليك جدا بس أنا لوحليت سخونة التابلوه دي هرتاح جدا!!!