الموضوع: تقرير اللوجان الاوتوماتيك 2012

المشاركة الأصلية كتبت بواسطة mohamedghaly

ممكن تقولنا عملت كام كيلو لحد دلوقتى واخبار نتشه الغيارات ايه بعد اذنك

انا عامل بالعربية 3000 كيلو و شوية لحد دلوقتي و النتشة بتاعة الغيارات قلت بشكل ملحوظ كل ما بمشي بالعربية اكثر و ناوي ان شاء الله اققلهم عليها في صيانة ال5000 و متوقع ان يبقى ليها سوفتوير جديد علشان ينهي النتشة دي

بس الملاحظ هو اني لو مثبت طريقة سواقتي سواء هادي او جري مبحسش بيها خالص لكن لو كنت بحرق على العربية و بجري و ثاني يوم سقت هادي بحس بيها شوية و بعدين تروح و ده نتيجة ان الفتيس اول نص ساعة بيتعرف على طريقة سواقتك علشان يظبط نقلاته عليها

المشاركة الأصلية كتبت بواسطة mohamedghaly

بصراحه موضوع النتشه دى مجننانى على الاخر

يا باشا النتشة دي ان شاء الله حلها يبقى بسيط لأنها في اعتقادي مش حاجة ميكانيكية لأني مبحسش بيها وانا على الاستيبترونيك و بالتالي لو كانت حاجة ميكانيكية كانت تظهر في الاستيبترونيك و على الاوتوماتيك العادي فهي ان شاء الله تبقى حاجة بسيطة زي سوفتوير مثلا او حاجة و تتحل

المشاركة الأصلية كتبت بواسطة amir salah

شكرا للمجهود الرائع المبذول فى المنتدى و لكن عندى سؤال مهم
هلى حساسات السيارة اللوجان عندما يحدث فيها عطل هل العربية بتفصل تماما كما يحدث للميجان
حيث سمعت هذا الكلام من صديق ان حساس الشكمان فصل و السيارة توقفت تماما و اضطر لحملها على ونش للتوكيل فى القاهرة لاننا من طنطا
واسف على الاطالة و شكرا لكم

بص يا باشا متسمعش كلام غير من مالك للعربية دي الميجان اما كويل بيفصل بتفضل شغالة بس بيبقى عزمها و سحبها في الضياع فمش منطقي ان حساس شكمان يفصل يوقف العربية
و عموما اللوجان زيها زي اي عربية حديثة بنفس عدد الحساسات و كل حاجة فالي يسري على الفيرنا و اللانوس يسري على اللوجان

المشاركة الأصلية كتبت بواسطة tamergalal

الف مبروك ربنا يديك خيرها ويكفيك شرها بس فى سؤال هو المانيوال الكاملة 2012 فيها نفس الاوبشن ونفس المميزات وتلافى الاخطاء السابقة وسعر الاوتوماتيك كام

الله يبارك في حضرتك يا فندم ربنا يكرمك
المانيوال الكاملة نفس الاوبشنز و كل حاجة فيما عدا الموتور اللي فيها اللي هي ال90 حصان 8 صباب و سعرها 72000 و الاوتوماتيك ب79000

هي سعرها 79000 و الزيادة دي نتيجة انها لسة الدفعة الجديدة موصلتش و الناس هوزاها فطلب كثير و عرض قليل