أستفسار بخصوص بطارية الــ بومـــة
السلام عليكم ورحمة الله ,,
بعد التحية للأعضاء الكرام .. البطارية عندي باظت ومحتاج أشتري بطارية جديدة
الســؤال :: معروف ان بطارية الـ لانســر الــ بومـة 55 أمبير " أو هكذا أعتقد :shine[1]: " المهم انا مركب هالوجين للفوانيس الامامي وماركب كيت أوت " كتاوت " للعالى والواطي , فكنت بفكر أعلي الامبير بتاع البطارية شوية واجيب " بطارية جافة 70 أمبير " علشان يدي كهربا مستريح للنور وفى نفس الوقت يعوض الفرق بين شحن الدينامو واستهلاك النور مع الكاسيت طبعا , وده طبعا للحفاظ على البطارية :)
مش عارف ده صح ولا غلط ,, فياريت اللي عنده معلومة ما يبخلش علينا بيها لأن اعتقد كتير أوي هيستفيدوا بالموضوع ده
ملاحظات :: * الفرق بين البطارية الــ 55 أمبير والــ 70 أمبير حوالى 30 او 40 جنيه
* البطارية القديمة اللى باظت كانت 55 أمبير والاضاءة ثابتة مش بترعش ولا حاجة
أخيــرا = أرجو نوع محترم لبطارية جافة لأني لاحظت ان الناس مختلفين اووووووووووووي فى موضوع النوع ده أكتر من أختلافهم على موضوع الدستور الاول ولا الرئاسة :)
العربية لانسر موديل 2008 - بومة - 1300 - اوتوماتيك
وطبعا الكاسيت شغال على طول ومعاه سماعتين 500 وات
ولكــم جزيـــل الشكـــر ,,
