الموضوع: بخصوص لا هيونداي بعد اليوم..

في ايه يا جماعه..؟؟
انا كنت فاكر ان الموضوع يهم مالكي هيونداي اكتر من اي حد تاني..
بس واضح انه مش كده..

موديل العربية: فرنا - جيتز - ميتركس
مكان وجود سعاتك.. المحافظة يعني: الاسكندريه
مركز الصيانة اللي بتروحله: غبور السلطان حسين

تعليقك او نوع المشاكل اللي بتقابلك..
هل عدم توافر قطع غيار؟ محتجناش قطع غيار الحمد لله غير حاجات بسيطه اوي و كانت كلها موجوده
تأخير؟ ساعات مش دايما، بس بيبقي تأخير بسيط
عدم اهتمام بتقفيل الشغل؟ لا
وساخة عربية؟؟ لا
تخبيط العربية؟؟ لا
سرقة او صياع حاجات منها؟؟ لا
مشاكل تانية؟؟ ساعات مش بيعملوا كل حاجه اقولها، و لازم قبل مستلم اراجع عشان اشوف ايه اتعمل و ايه لأ.


بصراحه مش شايف التوكيل بالسوء الفظيع اللي الناس بتحكي عليه ده! يمكن عشان انا في الاسكندريه، و تقريبا كل الشكاوي في القاهره.

موديل العربية..ماتريكس
مكان وجود سعاتك.. المحافظة يعني..القاهرة
مركز الصيانة اللي بتروحله:قليوب


لسه لحد دلوقتى متعاملتش معاهم غير مره واحده فى صيانة الالف و الحمدلله فى المره ديه المعامله كانت كويسه و العربيه قعدت ساعتين منهم نص ساعه استراحة غداء

المشكله يا حماده كلها فى الاتى:
تأخير العربيه جدا و بتكون الصيانه بسيطه
الاهمال من الصنايعيه
مش بعملو كل الشكاوى اللى بقول عليها العميل
فى مهندسين بتهتم و فى مهندسين مكبرين دماغهم
عندهم ناس مش بتفهم كويس طبعا مش كلهم

كلام جميل جدا لحد دلوقتي في امور بدأت تتضح..
الا وهي ان التوكيلات اللي برة القاهرة افضل من القاهرة..
روح اعمل صياناتك في اليكس بقي يا حسام.. :) :) :)

وانت يا عم مهدي مستني و متربص انت.. ماشي.. ربنا يسهل و تجيب حاجة بقي و تخلصنا.. :) :) :) وجعت دماغي يا اخي.. :)


لسة عايزين ردود اكتر و تقييم عملي عشان نقدر نحدد مكان المشكلة مع غبور ف ايه بالظبط..

المشاركة الأصلية كتبت بواسطة Nile_Storm

السلام عليكم
منور يا مستر اوبل :)
مع انك بتحسسني اني اللي عندهم فيرنا عندهم مرض مثلا و بتكشف عليهم
بس عامه الاستطلاع اهه
تعليقك او نوع المشاكل اللي بتقابلك..
هل عدم توافر قطع غيار؟ لا طبعا
تأخير؟ بس هما بيتاخرو بس مواعدهم ممظبوطه يعني لو قالك الساعه 1 تخلص 1 و كده بس ممكن يكون الشغل بسيط و ميستاهلش كل ده
عدم اهتمام بتقفيل الشغل؟ لا
وساخة عربية؟؟ لا
تخبيط العربية؟؟ لا
سرقة او صياع حاجات منها؟؟ لا بجد دي عندهم امانه جدا مره عامل ادامي و الله و الله لقي نظاره شمس قيمه جدا واقعه تحت الكرسي دخل مكتب الاستقبال بنفسه يدور علي صاحبها مع ان محدش شافه وهو بياخدها ...غيري :)
مشاكل تانية؟؟ لا يكمن الزحمه بس مع التزامهم بالمواعيد مفيش مشكله

يا باشا الله ينور عليك..
مش كده والله بس انا شايف اصلي حسام ابن خالي حسام حمدي اللي انا رادد عليه ده.. واللي انت اكيد تعرفه.. شايف الويل في غبور.. ومسابش فرع للصيانة مراحوش..
وفي كل مكان خناقة.. و العربية بتدخل بعيب تطلع ب2..
المواعيد ماشي تمام.. بس انت برضه مقولتش انت بتروح انهي مركز صيانة..
و مشاكل التوكيل بقي انا مش اللي هاقولكم عليها..
الامثلة اللي انا كاتبها دي من واقع شكاوي الناس في المنتدي هنا..
مش حايبها معايا من بيتنا ولا من جريدة صفرا.. :) :) :)
وانا عن نفسي عشان خاطر الواد الغلبان اللي مش عارف يشوق من رجله ده..
نفسي يكون غبور انضف توكييل في مصر..
يا جدعان ابوه في السعودية كلمه و قاله شوف بيعه للعربية بالمشاكل اللي فيها دي كلها..
لك انت وحدك ان تتخيل..!!!!!

ولا انا غلطان يا حسام؟؟