عمر بوجيهات الانوس قد ايه؟

**nahla** · 02-06-2008 09:14 PM

المشاركة الأصلية كتبت بواسطة Sherif Khalifa

مش اوى كدة :)
بس يمكن التهيوئات بتلعب دور كبير
علشان انا بعانى من نفس المشكلة
الهس هس

يعني اخويا هوة اللي محتاج تغيير بوجيهات

مش العربية!

**moby** · 02-06-2008 09:26 PM

المشاركة الأصلية كتبت بواسطة MMamdouh

البوجيهات بتتغير كل 20 الف كيلو مش 10... راجع كتالوج السيارة

البوجيهات تعيش 20 الف بسهولة بشرط سلامة الرشاشات و حساس الاكسجين و ضبط الفجوة الصحيح قبل التركيب

MMamdouh

عزيزى
أنى أعرف أن المفروض البوجيهات تعيش 20000
ولكن بعد 10000 البوجيهات كفائتها بتقل..
ذى سير التقسيمة مكتوب فى الكتالوج كام..؟ وأحنا بنغيره على 40000
هذا هو المقصود..

**MMamdouh** · 02-06-2008 10:35 PM

المشاركة الأصلية كتبت بواسطة nahla

يعني اخويا هوة اللي محتاج تغيير بوجيهات

مش العربية!

لا... اخوكى كلامة صح

انا وصلت لفترة كنت بغير بوجيهات كل 5000 كيلو لانى كنت صغير و غاوى جرى و كدة و لازم العربية تبقى فايقة

دلوقتى بقى فيه اولويات تانية و بالتالى مينفعش اغير بوجيهات (او اى مستهلكات اخرى) على فترات قريبة اوى كدة لان الموضوع بقى مكلف

البوجيهات مع الاستعمال بتفقد جزء من كفائتها و مع طول الاستخدام بتقل الكفائة... طبعا احسن حاجة فى الدنيا انك تغيرى البوجيهات كل 100 كيلو بس اللى عندة فلوس ووقت و بيسابق كل يوم هو اللى يعمل كدة...اى انسان عاقل حيلتزم بالفترات الموصى بها فى كتالوج العربية

هى عربيتك اصلا عاملة كام الف؟؟... اصل ممكن لو هى معدية 50 الف تبقى عايزة نضافة بوابة و منافول مش بوجيهات و دول يفرقوا كتير لو العربية عاملة 50 الف او اكتر لان بيبقى فيه كمية رواسب و اوساخ وهمية بتخنق العربية

برضة فلتر الهوا و البنزين عليهم عامل كبير فى السحب و الاداء و لازم مراجعتهم مع البوجيهات

و فيه حاجة فى منتهى الاهمية محدش بياخد باله منها... احنا فى الصيييييف... يعنى الهوا بيتمدد... يعنى نسبة الاكسجين فى المتر المكعب من الهواء بتبقى اقل و دة كفيل ان اى عربية تبقى كلبة

MMamdouh

**MMamdouh** · 02-06-2008 10:40 PM

المشاركة الأصلية كتبت بواسطة moby

عزيزى
أنى أعرف أن المفروض البوجيهات تعيش 20000
ولكن بعد 10000 البوجيهات كفائتها بتقل..
ذى سير التقسيمة مكتوب فى الكتالوج كام..؟ وأحنا بنغيره على 40000
هذا هو المقصود..

فى الكتالوج مكتوب 90 الف كيلو اللى هما 60 الف ميل... بس خللى بالك ان فيه ناس كتير برة مصر كانت بتشتكى ان سير الكاتينة كان بيقطع على 50 الف ميل و ساعات اقل فا واضح ان الرقم اللى فى الكتالوج مبالغ فيه حبتين و طبعا محدش فينا يجرؤ انه يخاطر و يجرب الموضوع دة و يشوفة صح ولا غلط

هو عموما تغيير سير الكاتينة اجراء وقائى اكتر منة صيانة لتفادى مشاكل انقطاع السير لكن البوجيهات مش حتسبب خسائر لو باظت و طبعا مفيش اى ضرر لو غيرتها بدرى... انا كنت بغيرها كل 5000 كيلو :)

MMamdouh

**ENG\AHMED** · 03-06-2008 05:25 PM

المشاركة الأصلية كتبت بواسطة MMamdouh

فى الكتالوج مكتوب 90 الف كيلو اللى هما 60 الف ميل... بس خللى بالك ان فيه ناس كتير برة مصر كانت بتشتكى ان سير الكاتينة كان بيقطع على 50 الف ميل و ساعات اقل فا واضح ان الرقم اللى فى الكتالوج مبالغ فيه حبتين و طبعا محدش فينا يجرؤ انه يخاطر و يجرب الموضوع دة و يشوفة صح ولا غلط
MMamdouh

هى ال 90 الف بتاعة الكتالوج دى غريبة شوية دة حتى التوكبل بيقول 40 الف بس انا مرة عملت بية حوالى 60 او 70 الف ولما غيرتة كان سليم ممكن يكمل شوية كمان :):) بس العربية معظم مشيها طرق مفتوحة وسفر
وبعدين احنا بنحسب على عداد للكلم ومبنحسبش المسافة اللى العربية واقفة فيها دايرة ما دة استهلاك بردوا بس مش ظاهر فى العداد

**MMamdouh** · 04-06-2008 11:20 AM

المشاركة الأصلية كتبت بواسطة nahla

ده حضرتك دكتور دايو على كده

بلاش دكتور عشان ما اتغرش فى نفسى... تقدرى تقولى انا من الناس اللى خبرتها كبيرة فى الدايو :)

عربيتي عاملة 23الف و اخويا هاريها صيانة مشعارفة على ايه دي لسة زيرو تقريبا بس هوة بيغير لعربيته فلتر هوا و بوجيهات كل 10000كيلو بالتمام و الكمال بس تلاقي عربيته طلقة رغم انها موديل 2000 و ماشي بيها اكتر من 150الف كيلو و مدمن للمنظفات و المرشحات و سوائل تنضيف الدورات لدرجة حسسني ان انا مهملة و فعلا يا ممدوح الحر بيخللي اي عربية تتخنق بس بصراحة مش عارفة ليه

و من ناحية الفلوس متقلقش لأني رامية الجتة على بابا و هوة اللي بيدفع

خللى اخوكى يخف شوية من المنظفات و الاضافات دى لان مش كلها مفيدة لكن كلها غالية... دا غير ان بعض المنتجات كترها بياكل فى خراطيم دورة البنزين و البعض الاخر ممكن ياثر على حساس الشكمان

لو عايز العربية تجرى شوية خليه يركب فلتر سبور و بوجيهات 2 شمعة و يشيل علبة البيئة لو عربيتك فيها علبة بيئة... منظف الرشاشات كل 5000 كويس و يحط بتاع موبيل... ارخص من المنتجات الامريكانى و نفس الكفائة

سؤال مهم احب اسالة... هو م ين اللى لين الربية؟ انتى ولا اخوكى؟؟

بالنسبة لموضوع الصيف و الخنقة فا حشرحة ببساطة شديدة:

1- 22% من الهواء الجوى عبارة عن اكسجين
2- موتور اللانوس فى دورة كاملة للبساتم حيسحب 1500 سنتى متر مكعب هواء
3- الهواء بيتمدد بالحرارة

4- حنعتبر ان حجم الهواء تضاعف نتيجة ارتفاع الحرارة... يعنى ال 1500 سنتى متر مكعب اللى بيسحبهم الموتور حيبقوا 3000 سنتى متر مكعب

5- الموتور مش حيعرف يسحب غير 1500 سنتى متر مكعب... هو اخرة كدة

6- ال1500 سى سى هوا اللى سحبهم من الهوا السخن فيهم نص كمية الاكسجين اللى كان الموتور بيسحبها لما كان الهوا بارد

7- بما ان الاكسجين قل يبقى لازم نسبة البنزين تقل والا حيبقى فيه احتراق غير كامل للبنزين

8- ننتيجة قلة الاكسجين و بالتالى الوقود... بنتنخفض قدرة المحرك

نفس النظرية بتشتغل بالعكس فى الجو شديد البرودة

MMamdouh

**MMamdouh** · 04-06-2008 11:29 AM

المشاركة الأصلية كتبت بواسطة NoNaMe

هى ال 90 الف بتاعة الكتالوج دى غريبة شوية دة حتى التوكبل بيقول 40 الف بس انا مرة عملت بية حوالى 60 او 70 الف ولما غيرتة كان سليم ممكن يكمل شوية كمان :):) بس العربية معظم مشيها طرق مفتوحة وسفر
وبعدين احنا بنحسب على عداد للكلم ومبنحسبش المسافة اللى العربية واقفة فيها دايرة ما دة استهلاك بردوا بس مش ظاهر فى العداد

ما انا برضة استغربت لما لقيت الناس على دايوتك بتتكلم فى 60 الف ميل و كدة و كنت حقولهم انتوا بتالفوا ولا ايه... دا احنا فى الكتالوج بتاعنا مكتوب 40 الف كيلو فقط... بس قلت ابص فى الكتالوج احتياطى قبل ما اخش فى الناس شمال و فوجئت بان تغيير سير الكاتينة على 90 الف فعلا

وواضح ان بالفعل ال90 الف كتير اوى لان ناس كتير بتقطع السير قبل فترة ال90 الف كيلو... و فعلا مش الكيلومتر فقط هو المقياس لان ظروف التشغيل بتختلف و بتاثر على المكونات الاساسية بتاعت العربية

MMamdouh

الموضوع: عمر بوجيهات الانوس قد ايه؟

LinkBack

أدوات الموضوع

عرض

-

-

-

-

المواضيع المتشابهه

بوجيهات السيراتو 2008 وكمان بوجيهات البيكانتو ...رجاء المساعدة

بوجيهات NGK platinum وسلوك بوجيهات سبليت فاير

غيرت رشاشات وغيرت بوجيهات وسلوك بوجيهات وبرضة لسة بتأخر في الدوارة؟؟؟؟

بوجيهات الانوس يجب أن تكون بمقاومة ؟؟

مشكلة فى سلك بوجيهات الانوس

الكلمات الدلالية لهذا الموضوع

المفضلات

المفضلات

ضوابط المشاركة