ارجو من خبراء بروتون الدخول للمساعدة

**batoot556** · 21-02-2012 07:07 PM

السلام عليكم \
معلش بقالى فترة كبيرة متغيب عن المنتدى لظروف معينة ولكن انا معايا بروتون برسونا 2010 عاملة 13000 ك بس والحمد للة مكانش عندى اى مشاكل لغاية معملت حادثة من شهر فى جانب العربية اليمين فرحت التوكيل الصحراوى وغيرولى بابين يمين وامساعدين امام والجانت الشمال لانى طلعت حتة كدة على الرصيف المهم استلمت والحمد لله العربية رجعت تمام ومشيت بيها عادى بس بقالى 4 ايام بسمع صوت زى احتكاك فبر او بلاستيك فى بعض من جنبى الشمال عند القايم الفبر اللى جانبى وكمان من المكان اللى عند الفيوزات كدة نفس الصوت بصراحة هو صوت مش جامد بس مسموع ورخم اوى وظهر فاجئة فلو حد يعرف اعمل اية يا ريت يفيدنى لانى متضايق جدا لان الصوت معايا طول ما انا سايق من تحت الدريكسون الشمال ومن عند القايم اللى جنب الباب مع العلم انى لما استلمت العربية مكانش فيها الصوت دة
شكرا

**sabregas2010** · 21-02-2012 09:11 PM

ممكن ترجع للتوكيل تانى يمكن يقدر يعالج الصوت ده وعموما الحمد لله انك انت بخير

**Raul_7** · 21-02-2012 09:34 PM

المشاركة الأصلية كتبت بواسطة sabregas2010

ممكن ترجع للتوكيل تانى يمكن يقدر يعالج الصوت ده وعموما الحمد لله انك انت بخير

أنا بأقول كده برده, أو تطلع على مركز عصام صفا, أيهما اقرب.

**batoot556** · 21-02-2012 09:36 PM

انا كدة كدة رايح عصام صغا فى صيانة ال 15000 ك بس مش عارف استحمل الصوت دة لغاية مكمل ال 15000 ولا اية رأيكم

**batoot556** · 21-02-2012 10:23 PM

اية يا شباب محدش عندة اى اقتراحات عقبال مروح ولا اية

**saint2011** · 22-02-2012 12:43 AM

أرجع التوكيل وقولهم وهو المفروض هناك ضمان على الأصلاح ولا ايه

**mido_soliman** · 22-02-2012 02:40 AM

لو صوت خرفشة بتسمعة من ناحية الباب اليمين بس لو ركزت معاة حتلاقية جاى من تحت التابلوة ناحية علبة الفيوزات
يبقى !!!!!!!!!!!!!!!!

تدفع كاااااااااااااااااااااااا اااااام ؟؟؟؟؟؟؟

**batoot556** · 28-02-2012 10:14 AM

المشاركة الأصلية كتبت بواسطة mido_soliman

لو صوت خرفشة بتسمعة من ناحية الباب اليمين بس لو ركزت معاة حتلاقية جاى من تحت التابلوة ناحية علبة الفيوزات
يبقى !!!!!!!!!!!!!!!!

تدفع كاااااااااااااااااااااااا اااااام ؟؟؟؟؟؟؟

هو دة فعلا جاى من الباب اللى جنبى كدة فى القايم زى خرفشة وفعلا تحت الفيوزانت ويا باشا اللى انت عايزة بس الحقنى

**mido_soliman** · 28-02-2012 01:35 PM

دة خرطوم التكييف يباشا الافيز بتاعة هوة اللى بيعمل كدة الموضوع ممكن مياخدش تلات ثوانى منهم او ممكن انت نفسك تفتح الكبوت وتعملة
عموما لو روحتلهم قلهم خرطوم التكييف بيحك فى حاجة جوة ياريت يتعدل ويتربط علية كويس
كان الصوت دة عندى واتعمل علية كونسلتوا قبل كدة وروحت مرتين وفى الاخر
الفنى اللى جوة فى الورشة هوة فى اللى طلعة فى تلات دقايق بالظبط
قلهم حتى بامارة الجين الزرقا اللى كان فيها نفس الصوت والمهندس محمد عبد الهادى كان مهتم يعرف منين

**batoot556** · 28-02-2012 02:45 PM

المشاركة الأصلية كتبت بواسطة mido_soliman

دة خرطوم التكييف يباشا الافيز بتاعة هوة اللى بيعمل كدة الموضوع ممكن مياخدش تلات ثوانى منهم او ممكن انت نفسك تفتح الكبوت وتعملة
عموما لو روحتلهم قلهم خرطوم التكييف بيحك فى حاجة جوة ياريت يتعدل ويتربط علية كويس
كان الصوت دة عندى واتعمل علية كونسلتوا قبل كدة وروحت مرتين وفى الاخر
الفنى اللى جوة فى الورشة هوة فى اللى طلعة فى تلات دقايق بالظبط
قلهم حتى بامارة الجين الزرقا اللى كان فيها نفس الصوت والمهندس محمد عبد الهادى كان مهتم يعرف منين

يا باشا ربنا يخليك انا حروح لعصام وصفا او حخلى واحد صاحبى عندة ورشة فى الحرفيين يعملها

الموضوع: ارجو من خبراء بروتون الدخول للمساعدة

LinkBack

أدوات الموضوع

عرض

ارجو من خبراء بروتون الدخول للمساعدة - انشر الموضوع فى :

-

-

-

-

-

-

-

المواضيع المتشابهه

الرجاء الدخول للمساعدة (خاص الاوبترا)

امامى ميجان 2008 مغيرة ربع خلفى ارجو الدخول للمساعدة الله يبارك لكم

الى كل خبراء ال بي ام ارجو الدخول و المساعدة

الي خبراء بروتون وخصوصا الساجا ارجو سرعة الرد

نداء الى خبراء السوزوكى سويفت ارجو الدخول للاهمية

الكلمات الدلالية لهذا الموضوع

المفضلات

المفضلات

ضوابط المشاركة