محتاج مساعدة اهل الخبرة الافاضل في تركيب طقم صوت

**mnelmasry** · 22-02-2012 03:11 PM

السلام عليكم ورحمة الله وبركاته
معلش اعذروني لو هطول عليكم-اخوكم محتاج مساعدة فنية في تركيب طقم صوت.
اناعربيتي نوبيرا 2008 وراكب فيها سي دي كينوود بتاعها-وناوي اشتري سماعات سوني 300w مدورة وكذلك للابواب-وعندي جي ام بيونير ياباني من بتاع زماااان مكتوب علية 35w*4 -4ch وكمان عندي زيرو باور سيمفوني-(كانوا في عربيتي القديمة)وعندي cd changer-jvc جديد كنت جايبة معاية من برة ولم يستعمل حتي الان-فارجو افادتي بطريقة توصيلهم وتركيبهم-مع ملاحظة اني علي قدي شوية في موضوع التركيب دة بس برضة عندي فكرة معقولة- وياريت توضيح في حالة التوصيل باسلاك عادية (اسلاك سماعات) او rc . وهل ال rc ليها مواصفات والا مجرد اختلاف الاطوال واية احسن الانواع والاسعار كام تقريبا(عندي كام واحدة قدام مش عارف يمكن استخدامهم ام لا)-اعتذر مرة اخري عن الاطالة- واعتقد انة موضوع التركيب الكامل دة ممكن يفيد ناس كتير غيري.والشكر الجزيل لكل من سيهتم بافادتي.السلام عليكم ورحمة الله وبركاته.

**mnelmasry** · 23-02-2012 12:01 PM

34 مشاهدة ومفيش ولا رد-هو انا طالب حاجة صعبة اوي كدة؟
فين وحوش المنتدي

**mody_mt2007** · 23-02-2012 12:52 PM

بص يا بوب انا من رائى تروح لواحد علشان يركبهملك علشان متبوظش حاجة لأنك بتقول انك مش بتعرف توصل و انا بكرة موجود فى المريوطية لو قريبة منك ممكن تقابلنى اوصلك الحاجة و اهو يبقى اتعرفنا

**mnelmasry** · 23-02-2012 02:02 PM

طبعا يحصلي الشرف بمعرفة حضرتك- بس انا سكن في القاهرة الجديدة-ياريت لو امكن رقم تليفونك وانا اتصل بيك اسالك علي التوصيلة لو امكن -وبردة اتشرف بمعرفتك-وانا شاكر جدا علي اهتمامك بالرد.

**mody_mt2007** · 23-02-2012 04:13 PM

01280074702 و تحت امرك فى اى وقت يا بوب

**mnelmasry** · 25-02-2012 11:18 AM

اية يا شباب مفيش ولا واحد عايز يخدم- مفيش حد عارف ولا مكسلين؟- انا عارف ان فية وحوش في قسم الصوتيات-ارجو الرد والافادة لتعم الفائدة-ولكم الشكر مقدما.

**bisoolover** · 26-02-2012 01:17 PM

الجى ام هيتركب طبعا معروف ان اى حاجة كهربااء فى العربية هتبقى كهربااء وارضى الجى ام هتاخدلو كهربااء من البطاارية مبااشر بسلك 6 مللى معتمد مشعر والارضى من اى مسماار فى جسم العربية وسلك كهربااء مش اققل من 4 مللى هتلاقى فيه مسماار فى الجى ام جمب بتوع الكهربااء والارضى بتاع الريموت وده علشاان اول ماتشغل الكاسيت الجى ام يشتغل هتوصله بمخرج من الفيشة الىفى الكااسيت وده تجيبه 2 مللى والسلك اللى بيتوصل فى الكاسيت هتلاقيه مكتووب عليه ريموت من عند الفيشة تمام تمام كده الجى ام اشتغل طبعا توصيل السماعات المدورة عهيبقى على الجى ام والجى ام اللى معاك 4 تشانل انت مش محتاج الا 2 بس للسماعاتيين
بس لعلمك الجى ام ضعييف اوى لو نصحتى تجييب جى ام سونى 350 وات 2 تشانل احسنلك من الجى ام ده لان السماعات اللى معاك دى 70 ار ام اس يعنى الباااور اللى هيروحلهم مش قد كده عمتا التوصيل هتلاقى مسمامير فى الجى ام موجب وسالب كده تشانل وهتوصل عليه سماعة نفس الكلام مع الموجب والسالب الى جمبهم
وطبعا فيه وصلة ار سى لو انت عايز حاجة ننضضيفة هتجييييب ار سى من راديو شاااك ب75 جنيه اسمها ار سى جولد بليتد وكده يبقى لاجى ام والسماعات اشتغلو ياكبييييييير ومبرووك السماعات وجبتها بكام بقى :d

**mnelmasry** · 27-02-2012 01:10 PM

المشاركة الأصلية كتبت بواسطة bisoolover

الجى ام هيتركب طبعا معروف ان اى حاجة كهربااء فى العربية هتبقى كهربااء وارضى الجى ام هتاخدلو كهربااء من البطاارية مبااشر بسلك 6 مللى معتمد مشعر والارضى من اى مسماار فى جسم العربية وسلك كهربااء مش اققل من 4 مللى هتلاقى فيه مسماار فى الجى ام جمب بتوع الكهربااء والارضى بتاع الريموت وده علشاان اول ماتشغل الكاسيت الجى ام يشتغل هتوصله بمخرج من الفيشة الىفى الكااسيت وده تجيبه 2 مللى والسلك اللى بيتوصل فى الكاسيت هتلاقيه مكتووب عليه ريموت من عند الفيشة تمام تمام كده الجى ام اشتغل طبعا توصيل السماعات المدورة عهيبقى على الجى ام والجى ام اللى معاك 4 تشانل انت مش محتاج الا 2 بس للسماعاتيين
بس لعلمك الجى ام ضعييف اوى لو نصحتى تجييب جى ام سونى 350 وات 2 تشانل احسنلك من الجى ام ده لان السماعات اللى معاك دى 70 ار ام اس يعنى الباااور اللى هيروحلهم مش قد كده عمتا التوصيل هتلاقى مسمامير فى الجى ام موجب وسالب كده تشانل وهتوصل عليه سماعة نفس الكلام مع الموجب والسالب الى جمبهم
وطبعا فيه وصلة ار سى لو انت عايز حاجة ننضضيفة هتجييييب ار سى من راديو شاااك ب75 جنيه اسمها ار سى جولد بليتد وكده يبقى لاجى ام والسماعات اشتغلو ياكبييييييير ومبرووك السماعات وجبتها بكام بقى :d

اولا اشكرك علي الرد شكرا جزيلا.
انا جبت السماعات ب250 جنية وكنت سالت عليهم في التوكيل لقيتهم ب 285
بالنسبة للجي ام انا متفق معاك انة صغير بس انا عندي جي ام jvc 600 w وال rms بتاعة 4*65 w متهيالي دة ينفع؟ وكنت عايز اعرف من حضرتك طريقة توصيل الزيرو باور لان عندي واحد سيمفوني وانا عارف انة هياخد الخارج بتاع الكاسيت ويطلع منة علي الجي ام-لكن اللي انا مش عارفة في الزيرو باور اي من الاطراف الخلفية ال in وانهي ال out