مصيبة في صيانة مجدي شاهين

**asalem1478** · 22-02-2012 03:42 PM

السادة الافاضل..

حصل معايا موقف في مركز خدمة مجدي شاهين.. من الاخر نصب و احتيال

عربيتي لانسر و بروح دايما اعمل صيانة عندهم.. و في يوم ظهر صوت صفارة متواصلة من الكاوتش، رحت كشفت قالولي دي الطنابير المامية سيئة و عايزة تتغير.. المهم غيرو الطنابير و التيل الامامي طبعا و اتلسعت 2300 جنيه زي الباشا.
بعدها بشهرين.. و مع كل فرمله الاقي التيل بيصفر .. رحتلهم و قلت انا سامع صوت بس ( مقولتش اني مغير التيل عندهم، عشان اشوف رد فعلهم ايه ) الباشا اللي هناك فك التيل الامامي ( اللي انا مركبه عندهم ) و قاللي يا باشا التيل عايز يتغير عشان نوعه وحش.. و وراني نوع تاني من التيل و قاللي دا الاصلي..!!!
قلتله ايه رأيك بقي اني كنت مغيره عندكم اصلا ؟؟؟؟ يعني التيل دا بتاعكو.. و حاولو يراضوني بأي شكل و عملوا صيانة مجانية ( اي كلام طبعا ) للعربية..
انا بس حبيت اعرف الناس بالموقف دا عشان من الاخر الناس دي بتحط قطع غيار مضروبة..
اللهم قد بلغت.. اللهم فاشهد.

**ahmedeihab** · 22-02-2012 03:45 PM

ربنا يباركلك فى نصيحت اخواتك اللى معاهم لانسر و بيعملوا الصيانه فى المكان ده
مع انى معرفهوش ولا معايا لانسر بس الله يباركلك ^_^

**asalem1478** · 22-02-2012 04:42 PM

و الله يا فندم دي اقل حاجة الواحد ممكن يعملها عشان ينبه الناس من المراكز اللي زي كده.. انا كان هاين عليا اعمل اعلان و الف بيه في الشوارع..

**mody1221** · 22-02-2012 10:59 PM

صباح النصب باشا مجدى شاهين مشهور من زمان بقطع الغيار المضروبة وعشان ماتبقاش لوحدك انا حواسيك ودة حصل معايا عند الافندى التانى المأمون طبعا
صوت خبط ف الناحية الشمال روحت البية ركب وقاللى دى المساعدين وبعد جدال قولتللة مساعدين العربية سليمة الحمد لله ركب العربية وقعد يجرى عالمطبات وعمال يهبد ويكسر فيها لحد ما الضغط ارتفع عندى المهم دخلها عند الصنايعى وجابلى ورقة قاللى حنغير الحاجات دى ومكتوب 1450 جنى
قولتللة الصوت حيروح قاللى فابريكة اعتمد يا عم الدكتور
طلعت اجرب والمفاجأة الصوت زى ماهو وطبعا كنت حاسبت ودفعت فاتورة زى الفل زيك بالظبط كدة دة غير انى روحت بعدها اغير زيت الفتيس حطولى 5 لتر وهيا بتاخد 9 ورجعت تانى وقعد يعتذر وبصراحة تعامل زبالة هناك ماعجبنيش نهائى .
المهم حضرتك التيل الاصلى لونة اخضر ومكتوب علية متسوبيشى
ونصيحة برضة للاخوة الاسكندرانية بلاش التوكيل دة كمان يالا اللهم بلغت

**asalem1478** · 23-02-2012 10:56 AM

انا جربت المأمون مرة واحدة بصراحة.. العربية زي ما دخلت زي ما طلعت..و كمان التعامل زي الزفت حسيت اني رايح اشحت منهم.. و كمان تيل الفرامل اللي ركبوه كان بيعمل صوت "تكة" مع الفرملة و ده اللي خلاني اتعامل بعد كده مع مجدي شاهين...
اسوأ حاجة في اللانسر موضوع التوكيل دا.. انها ملهاش توكيل متسوبيشي معتمد.. كلها مراكز خدمة و زي الزفت حرامية و نصابين..
علينا و على الاسطي بلية بقي.. اي ورشة تحت السلم اكيد هتكون اجدع

**asalem1478** · 28-02-2012 10:18 AM

متابعة...

**midobond** · 28-02-2012 02:59 PM

انا اللى محببنى فى اللانسر اصلا ان كل التعامل مع الوكيل يادوب لحد الضمان بعدها بقى العربية الكهربا بتاعتها سهلة و الميكانيكا كمان و الصنايعية اللى يعرفو يشتغلو فيها كتيييير انا ناوى على شارك 2012 ان شاء الله و هعمل معاها كده باذن الله يخلص الضمان من هنا اتعامل مع الصنايعية اللى انا عارفهم بقى ولا مراكز خدمة ولا بطيخ كلهم حرامية

**kimo-nubira** · 28-02-2012 03:09 PM

2300 جنيه تيل وطنابير وكمان مضروبه ؟؟ نصيحه اتعامل مع ميكانيكي كويس وهاتله انت قطع الغيار الاصليه وانت تستريح من العك ده كله ..

**asalem1478** · 29-02-2012 11:23 AM

انا اصلا عربيتي خليجي ملهاش ضمان.. كنت بروح لاناس دي على اعتبار ان قطع الغيار مضمونة و ناس بتفهم.. طلعوا نصابين علي كبير..
ربنا يديهم علي قد نيتهم .. و علي قد سرقتهم للناس