انا ماليش فى الاوروبى خالص معلوماتى فيه شبه منعدمة و عجبنى شكل ال408 خصوصا انى كنت ناوى على لانسر شارك 2012 هاى لاين يعنى نفس الفئة السعرية تقريبا ممكن اعرف عيوب ال408 و هى الافضل ولا لانسر؟
انا ماليش فى الاوروبى خالص معلوماتى فيه شبه منعدمة و عجبنى شكل ال408 خصوصا انى كنت ناوى على لانسر شارك 2012 هاى لاين يعنى نفس الفئة السعرية تقريبا ممكن اعرف عيوب ال408 و هى الافضل ولا لانسر؟
يعنى المقارنة تكون برضه من ناحية الكماليات و الثبات و الفتيس فى البيجو اوتو عادى ولا اوتو و خاصية النقل اليدوى؟؟؟
و قطع الغياااار اصل الاوروبى ده قطع غياره مصيبة
الانسر طبعا افضل- ال408 دى صينى مش فرنساوي
علي فكرة يا أخ فالكون بالنسبة لتجميع ال 408 في الصين دا لاهو عيب ولاهو ميزة.
عندك شركة زي أبل مثلاً كل أجهزتها سواء أيفون ماك تصميهم في كاليفورنيا وتصنيعهم وتجميعهم بالكامل في الصين ويعتبرو من أحسن وأعلي أجهزة الموبيل والكمبيوترات في العالم. ونفس الكلام مع شركات تانية كبيرة.
بالنسبة لصاحب الموضوع من وجهة نظري لو مهتم بالراحة والثبات والأمان أكتر يبقي البيجو.
لو مهتم بالجري وعربية ثابته برضه وسهلة في أعادة البيع ومش بتخسر كتير من تمنها تبقي اللأنسر.
يا جماعة للمرة المليون, ال 408 دي مش عربية صيني بتصنع من ورا بيجو و يتلزق عليها البادج زي ما ايران الله يحرقهم كانوا بيعملوا
هي نفس فكرة تجميع الجيتا والتيدا في المكسيك أو السيتى في تايلاند و غيرهم
بدل ما تسمع فتي المصريين بتاع قطع الغيار ممكن تتعب نفسك شوية و انزل التوكيلين و اطلب تشوف اسعار قطع الغيار بعينك و قارن بنفسك أحسن
و بالمناسبة اعادة البيع في اللانسر برده زبالة لو بنتكلم على الشارك
و بالنسبة لفتيس البيجو فهو ستيبترونيك 4 نقلات
نصيحة عامة متجبش عربية فى اول الموديل بتعها و متجبش عربية لاول مرة بتتجمع فى بلد تانية و ده لان اغلب العيوب بتكون فى اول موديل و طبعا هنا مش بيعملوا اعدة للعربية لو ظهر فيها عيت صناعة بعد انتهاء الضمان و لو لسة فى الضمان ممكن يعمل عبيط و ميغيرهاش اذا العيب مظهرش
الكلام ده عن تجربة شخصية مع ناتكو بتاع مرسيدس و العربية كانت c-class 2001 اول موديل و اول تقفيل على ما اذكر
ضيف على الكلام ده ان اعادة البيع ضعيفة جدا فى السعر و الطلب خصوصا لان العربية دى تعتبر فئة عالية.
قطع الغيار اعتقد حتكون فى نفس الرينج بس معتقدش انها حتكون فى نفش التوافر فى السوق.الناس البجيب منهم قطع غيار بسألهم على ال308 قالولى لسة مشتغلناش فيها اوى فمابالك بقى بال408.
اعتقد الشارك احسن .. ايه رايك في فورد فوكس ؟
العربية مفيهاش حاجة جديدة تتجرب لأنها عبارة عن 308 بشنطة (ال 308 بقالها بتتباع من سبتمبر 2007 ) و موتور ال 307 و ده مفيش منه مشاكل
و بالنسبة لقطع الغيار فهم أصلا في الغالب مش دريانين هي عبارة عن ايه (الناس دي كتير منهم بيفك الخط) بس أي حاجة متعلقة بالموتور هتكون 307 (فلاتر بقى بوجيهات أي حاجة) و العفشة 308
و كده كده قطع غيارها متوفرة في التوكيل بأسعار مشابهة للياباني (أنا شفت لستة أسعار ال 308 بعيني و متأكد من اللي بقوله)