عيوب بيجو 408 و هى احسن ولا لانسر شارك 2012 هاى لاين؟؟

**midobond** · 22-02-2012 05:51 PM

انا ماليش فى الاوروبى خالص معلوماتى فيه شبه منعدمة و عجبنى شكل ال408 خصوصا انى كنت ناوى على لانسر شارك 2012 هاى لاين يعنى نفس الفئة السعرية تقريبا ممكن اعرف عيوب ال408 و هى الافضل ولا لانسر؟

**midobond** · 22-02-2012 05:52 PM

يعنى المقارنة تكون برضه من ناحية الكماليات و الثبات و الفتيس فى البيجو اوتو عادى ولا اوتو و خاصية النقل اليدوى؟؟؟
و قطع الغياااار اصل الاوروبى ده قطع غياره مصيبة

**falcon77** · 25-02-2012 01:19 PM

الانسر طبعا افضل- ال408 دى صينى مش فرنساوي

**Ahmed Amin** · 09-03-2012 02:08 PM

علي فكرة يا أخ فالكون بالنسبة لتجميع ال 408 في الصين دا لاهو عيب ولاهو ميزة.
عندك شركة زي أبل مثلاً كل أجهزتها سواء أيفون ماك تصميهم في كاليفورنيا وتصنيعهم وتجميعهم بالكامل في الصين ويعتبرو من أحسن وأعلي أجهزة الموبيل والكمبيوترات في العالم. ونفس الكلام مع شركات تانية كبيرة.

بالنسبة لصاحب الموضوع من وجهة نظري لو مهتم بالراحة والثبات والأمان أكتر يبقي البيجو.
لو مهتم بالجري وعربية ثابته برضه وسهلة في أعادة البيع ومش بتخسر كتير من تمنها تبقي اللأنسر.

**MuhamedNabil** · 19-03-2012 08:54 PM

نصيحة عامة متجبش عربية فى اول الموديل بتعها و متجبش عربية لاول مرة بتتجمع فى بلد تانية و ده لان اغلب العيوب بتكون فى اول موديل و طبعا هنا مش بيعملوا اعدة للعربية لو ظهر فيها عيت صناعة بعد انتهاء الضمان و لو لسة فى الضمان ممكن يعمل عبيط و ميغيرهاش اذا العيب مظهرش
الكلام ده عن تجربة شخصية مع ناتكو بتاع مرسيدس و العربية كانت c-class 2001 اول موديل و اول تقفيل على ما اذكر

ضيف على الكلام ده ان اعادة البيع ضعيفة جدا فى السعر و الطلب خصوصا لان العربية دى تعتبر فئة عالية.
قطع الغيار اعتقد حتكون فى نفس الرينج بس معتقدش انها حتكون فى نفش التوافر فى السوق.الناس البجيب منهم قطع غيار بسألهم على ال308 قالولى لسة مشتغلناش فيها اوى فمابالك بقى بال408.

**mody3on** · 19-03-2012 09:04 PM

اعتقد الشارك احسن .. ايه رايك في فورد فوكس ؟

**Unendlich** · 19-03-2012 11:11 PM

المشاركة الأصلية كتبت بواسطة muhamednabil

نصيحة عامة متجبش عربية فى اول الموديل بتعها و متجبش عربية لاول مرة بتتجمع فى بلد تانية و ده لان اغلب العيوب بتكون فى اول موديل و طبعا هنا مش بيعملوا اعدة للعربية لو ظهر فيها عيت صناعة بعد انتهاء الضمان و لو لسة فى الضمان ممكن يعمل عبيط و ميغيرهاش اذا العيب مظهرش
الكلام ده عن تجربة شخصية مع ناتكو بتاع مرسيدس و العربية كانت c-class 2001 اول موديل و اول تقفيل على ما اذكر

ضيف على الكلام ده ان اعادة البيع ضعيفة جدا فى السعر و الطلب خصوصا لان العربية دى تعتبر فئة عالية.
قطع الغيار اعتقد حتكون فى نفس الرينج بس معتقدش انها حتكون فى نفش التوافر فى السوق.الناس البجيب منهم قطع غيار بسألهم على ال308 قالولى لسة مشتغلناش فيها اوى فمابالك بقى بال408.

العربية مفيهاش حاجة جديدة تتجرب لأنها عبارة عن 308 بشنطة (ال 308 بقالها بتتباع من سبتمبر 2007 ) و موتور ال 307 و ده مفيش منه مشاكل
و بالنسبة لقطع الغيار فهم أصلا في الغالب مش دريانين هي عبارة عن ايه (الناس دي كتير منهم بيفك الخط) بس أي حاجة متعلقة بالموتور هتكون 307 (فلاتر بقى بوجيهات أي حاجة) و العفشة 308
و كده كده قطع غيارها متوفرة في التوكيل بأسعار مشابهة للياباني (أنا شفت لستة أسعار ال 308 بعيني و متأكد من اللي بقوله)

**Ahmed Amin** · 20-03-2012 03:51 PM

المشاركة الأصلية كتبت بواسطة muhamednabil

نصيحة عامة متجبش عربية فى اول الموديل بتعها و متجبش عربية لاول مرة بتتجمع فى بلد تانية و ده لان اغلب العيوب بتكون فى اول موديل و طبعا هنا مش بيعملوا اعدة للعربية لو ظهر فيها عيت صناعة بعد انتهاء الضمان و لو لسة فى الضمان ممكن يعمل عبيط و ميغيرهاش اذا العيب مظهرش
الكلام ده عن تجربة شخصية مع ناتكو بتاع مرسيدس و العربية كانت c-class 2001 اول موديل و اول تقفيل على ما اذكر

ضيف على الكلام ده ان اعادة البيع ضعيفة جدا فى السعر و الطلب خصوصا لان العربية دى تعتبر فئة عالية.
قطع الغيار اعتقد حتكون فى نفس الرينج بس معتقدش انها حتكون فى نفش التوافر فى السوق.الناس البجيب منهم قطع غيار بسألهم على ال308 قالولى لسة مشتغلناش فيها اوى فمابالك بقى بال408.

+11111
كلام مظبووووووووووط 100%