الموضوع: دوكووووووو

اولا
الله ينووووووووووووووووووووووو وور على الدماغ الجامدة والشغل العالى

انا قريت الموضوع كله
وانا من النوع اللى بيحب يعمل كل حاجة بايده عشان الشغل الزفت بتاع الصنايعية
ويقفلك اى حاجة بمسامير شك وشغل قرف

بالنسبة لموضوع الصاروخ
فى صاروخ بيبقى اصلا لتلميع العربية
وده بيبقى فيه بكرة للتحكم فى السرعة
ده هيبقى افضل من الصاروخ العادى
وعلى فكرة بيكون كبير كمان مش صغير

وبالنسبة لشيل الدهان
فى مسده هواء (هيت جن) زى اللى بيعملو به الفاميه
بيجى معاه تجهيزة بتقشر الدهان مع الهواء الساخن
انا جبته وعندى فى البيت لو تحب تشرفنى وتاخده تخلص بيه عربيتك معنديش اى مش كلة
تنورنى
انا على فكة عندى عدة بالعبيط
من الصاروخ والاركت الكهرباء ومسدس الرشة ومنجلة حديد ودريمل
وحاجات كتييييييييير جدا
لو احتجت اى حاجة تعالى خدها بدل ما تشترى
واخيرااا
ربنا يوفقك ان شاء الله

المشاركة الأصلية كتبت بواسطة A7MED_PHARMA

شكرا يافارس

بصوا
الفتحات المثلثة .. في الايفو برضوووووو
شوفتم الايفو الي نزلت في فيلم فاست اند فيوريوس ... الي كان لونها أخضر لموني
كان فيها نفس المثلثين

مكانتش مثلثة قوي كدة وبتبقى راجعة ورا شوية فوق الموتور على طول






هي وجهات نظر وممكن بعد الرش يكون شكلها حلو بس شوف كل وجهات النظر علشان تطلع شغل نضيف

الله ينور يا رجالة كان نفسي والله يا عم فرما تبقى قريب كنت جتلك بيت معاك كمان :d بس إن شاء الله نعملك زيارة
عندي سؤال تاني مش فاهم الحتة بتاعت السوك دي بتتعمل إزاي ؟ يعني لو في سوكا في الرفرف متسمكرة دي تتمعجن ولا تترسم إزاي تاني؟
وربنا يوفقك ويجب تعبك بـفايدة إن شاء الله

واللهي عنب يا دكتور تمام شغل عدل

تصدق انا عندي بيجو 206 موديل 2003 خليجي علشان انا فى الكويت كان فيها الدهان مطقطق من قدام على الكبوت روحت لواحد قالى هاعملك الهيئة الامامية كلها كبوت والرفارف وهاظبطهالك قولت ماشي

روحت بعد يومين لاقيته مبوظ طلمبة الباور وقالى عندك طلمبة الباور بتجيب زيت - قولتلة العربية كانت سليمة قالى لا انا روحت مكان تانى علشان اظبط لون العربية على الكمبيوتر وبعدين روحتلة تانى يوم قالى انا برش العربية وجيلك

المهم ان بعد 3 ايام روحت اشوف العربية لاقتها ولا عمل حاجه غير ظبط الكبوت شال الجزء البايظ ومعجن ورش على الرفارف زى ما هيا ولا عدل ولا ظبط غير ان بقت العربية الجزء اللى قدام لون وباقي العربية لو تانى يعنى تلطيش

بعد كل دا بقولة البوية خشنة مش لازم تكون ناعمة يقولى اه بعد 4 ايام ابقا هاتها اعملهالك

ادي شغل الصنيعية واللى بيجي منهم والعربية بقا شكلها زفت وكمان كان فيه كام خربوش كدا قالى هاعملهملك بريشة وبردو معملهمش

وواخد فلوس كتير وللاسف انه مصري مردتش اعمل معه حاجه علشان احنا فى غربة والعربيات هنا رخيصه وكمان مش بتاعتك يعنى ماينفعش تنزل بيها وتجمرك غير موديل السنه واانت المالك الاول لها

عموما انا كنت بفكر بنفس طريقة تفكيرك فيها ايه لما الواحد يعمل الحاجه بنفسة صدقني انت هتخاف على حاجتك وتبقا عاوز تطلعها فى احسن شكل ماهي بتاعتك والمصاريف انت كده كده بتصرف بس الفرق انك بتدي واحد بيشتغلك فلوس ومبيبقاش قلبة على الحاجه غير انه عاوز الحاجه تخلص باى شكل علشان ياخد فلوس وخلاص


صدقنى انا لو عندي وقت كنت عملت زيك ومش علشان اوفر لا علشان انا بحب ان اعمل حاجتي بنفسي و حتى لو هاصرف اغالى من برة مش مشكلة

وانت جبت الادوات هتبقا معاك وهتفيدك فى كذا حاجه بعد كده لو حصل حاجه تقدر تظبطها فى اى وقت الى الامام وانا فى انتظار الجديد والشكل النهائي

والصور وبعدين انا عاوز اعرف حاجه انت هتلامع ازاى بالورنيش وفرن ولا الكريم بتاع التلميع