الموضوع: دوكووووووو

المشاركة الأصلية كتبت بواسطة osama.m

تسلم ايدك بجد على الشغل
مشكلتك انك بتشتغل براحتك خالص فا الموضوع طول معاك

بس شد حيلك بقى انت كدا دخلت في الجد

مفيش حاجة ماشية زي مانا عاوز ياأسامة
أنا كنت بدأت شغل فعلا ... العيال طلعو عليا وضربو نار .. وإتسرقت
فده وقف الموضوع شوية .. وخصوصا إني إضطريت بعد الحادثة دي أغير أكصدام ورفرف وفانوسين
غير كده دراعي إتخلع وفضلت معلقه ييجي شهر بعدها
غير إني كاحت نفسي في الشغل علشان أسدد الفلوس بتاعت المخازن .. وعلشان الشغل مريح فانا لازق في الصيدلية ليل ونهار ودماغي مشغولة بمليون حاجة

.
هانت اهه
طالما أنا فكيت أكر الأبواب ... إعرف إن الموضوع هيخلص قريب اوي ههههههههههههه

أنا كلمت واحد هيجيبلي كومبروسور صغير
أنا هجيب الكومبروسور مش للعربية مخصوص .. هجيب لنظافة الصيدلية .. ولنظافة صالون العربية .. وننفخ بيه الكاوتش وقت اللزوم
ومش غالي
يعني بتاع 500-600 ج

مستنيه يجيلي خلال اليومين الجايين .. علشان ماكسلش أديها أكتر من وش فيللر
المفروض اني هديها الفيللر .. بالكومبروسور بتاع الواد بتاع الزيت
ولو رشيت الفيللر عند بتاع الزيت .. هتكون مشكلة اني أكسل اديها وش وإتنين وتلاتة


إن شاء الله اول ماخلص
هعمل تقرير شامل وكامل بالتكاليف والمشاكل والصور والطريقة وكل حاجة