الموضوع: عايز اعدلها كلها بس مش عارف ابداء منين

معايا هوندا سيفيك 83 هاتش باك عايز اعدل فيها الاتى
1- عايز اسقط ماتور يكون 1500 بس عايز موتور يبقى مناسب للحوض بتاعها ايه رايكم ايه الانسب ويكون بعفشتة واذا كان اى اضافات
2- عايز اغير الفرش الداخلى ليها و ظبط اقفل رف خلفى للسماعات وتظبيط الشنطة من الداخل واغير جلد الابواب وفرش الابواب واجيبلها كنسولة فى النص
3-عايز اغير الفوانيس الخلفية اخليها شفافة لو ينفع ويسلام لو رينجات
4-نفسى اعدل شكلها من قدام يعنى مثلا اركبلها اكصدامات زى بتاع الكيا برايد مش متاكد بصراحة اذا كان هو يركب ولا ايه
5- واذا كان ممكن اغير التابلوة ايه اللى ممكن اركبهلها بحيث ييجى مظبوط
ابداء منين يارجالة يعنى الماتور ولا السروجى ولا البوية ولا ايه
ارجو منكم الافاده
لانى بصراحة انا بحب العربية دى ومش عايز اسيبها وعايز اعمل منها حاجة مميزة تبقى قريبة للجولف فى الشكل والاداء

بص اخونا العزيز وتأييداً لكلام العضو hotride لو تفكر تبع دى وتشترى احدث اكيد هيبقى افضل الكن انت لو مصر عليها يبقى برضو مع زيادة قوة الموتور لازم تزيد قوة الفرامل كمان تختار موتور هادى نسبياً علشان ميكسرش قوايم العربية من الاهتزاز لان تصميم العربية اقل من قوة الموتور كمان لو العفشة تبقى رياضية اكيد الموضوع هيفرق كتير وبالتوفيق