عاوز اسأل عن المتور الاسود ال20 بكام واجيبه منين
ولا اجيب ال 1800 is احسن من ال20 الاسود وهغير ايه
افيدونى وخصوصا شيكو وصباح الفل عليك يا معلم .
عرض للطباعة
عاوز اسأل عن المتور الاسود ال20 بكام واجيبه منين
ولا اجيب ال 1800 is احسن من ال20 الاسود وهغير ايه
افيدونى وخصوصا شيكو وصباح الفل عليك يا معلم .
حضرتك حسب المعلومات المتوفره عنك فأنت تملك سياره E30. محرك ال 318is اللى ينفع عندك و الأفضل هو ال M42B18 و هذا المحرك يوجد منه فئتين
M42B18 1989 - 1991
http://www.upload.ee/image/859545/IMG_1547.JPG
طبعا الفبره السوداء المكتوب عليها كلمة BMW مخلوعه
المهم المحرك بسعة 1796 سى سى قدرة 134 حصان @ 6000 أربى إم و عزم 172 نيوتن @ 4600 أر بى إم
M42B18 1992 - 1995
http://upload.wikimedia.org/wikipedi...2B18_Motor.JPG
سعة المحرك 1796 سى سى بقدرة 138 حصان @ 6000 أر بى إم و عزم 175 نيوتن @ 4500 أر بى إم
الأفضل فى هذين المحركين هو فئة 1992 - 1995 تمام...
بالنسبه للمحرك ال 2000 سى سى هل حضرتك بتسأل على المحرك الأبيض ال M20BXX ولا المحرك الأسود M50BXX و الفرق بين الأثنين كبير بإيجاز الأبيض قدرته الحصانيه أقل مقارنة بالمحرك الأسود بعدد كبير من الأحصنه تقريبا 20 حصان و العزم للمحرك الأسود أكبر لكن المحرك الأبيض يتفوق على الأسود فى الأر بى إم المنخفض.
لو حضرتك هتغير لمحرك ال 318is لن تحتاج إلى تغير عفشه لأن المحرك 4 سليندر اما إذا اردت إن تركب المحرك ال 2000 سى سى سواء الأبيض أو الأسود هتضطر تغير عدة اشياء منها العفشه و عمود الكردان و الكرونه و الريداتير و الشكمان و العدادات و الفتيس طبعا حضرتك إذا نويت تغير إلى محرك 6 سليندر هتشترى نظام ميكانيكا كامل محرك بكل مشتملاته وهو بيتكلف فى حدود 10000 - 12000 جنيه إنما المحرك ال 318iS هتجده بسعر 4500 - 5500 جنيه شىء من هذا القبيل و بالمناسبه سعر المحرك الأبيض ال 6 سليندر هو نفس سعر المحرك ال 318iS بينما بيكون هناك فارق تقريبا 1000 جنيه للمحرك ال 2000 سى سى الأسود.
عيب محرك ال 318iS قطع غياره ليست نارده بمعنى الندره أى عدم الوجود أو قلته لكن تأتى من إنه لتقارب سعر المحرك مع المحركات ال 6 سليندر البيضاء و السوداء فإن معظم من يعدل يعدل إلى 6 سليندر سواء كان 2000 - 2500 - 2800 إلخ... و بالتالى المحرك قطع غياره موجوده لكن غاليه أولا ثانيا فيها اشياء نادره حتى بالتوكيل لن تجدها مثل جوان غطا التاكيهات و جوان البوجيهات عندى بهم مشكله و لم اجدهم إطلاقا و لا فى التوكيل و كانوا بالطلب و يتكلفوا 660 جنيه بضريبة المبيعات
بالنسبه للمحركات ال 2000 سى سى هل تقصد المحرك الأبيض و لا الأسود؟
طبعاً يا وليد بعد ما عمرو عمل التقرير الجبار ده انا مش هقدر ازود لكن
لو بتسألني بصفة شخصية
انا اجيب ال 1800 Is من 1992 - 1995عشان :
1- اوفر في الاستهلاك لكل من (البنزبن - الزيت - البوجيهات ).
2- ماتور خفيف علي العربية .
3- هتوفر ثمن العفشة ال 6 سلندر .
4- هتوفر الضريبة بتاعت ال 2000 سي سي .
5- تجميعه اسرع من ال2000 .
6- ماتور رياضي (هو معمول انه يكون رياضي ) و دي ميزة طبعاً .
7- صوته هادي جدا عن فئة ال 6 سلندر .
يعني ده رايي و لك حرية الاختيار .
و تحت امرك يا صحبي في اي وقت و انت معاك نمرتي كلمني لو احتجت حاجة .
عمرو طبعا ادى شرح وافى كالعاده :)
شيكو انا ليا تعقيب وقد اختلف معاك فى بعض النقط كالاتى
اقتباس:
- اوفر في الاستهلاك لكل من (البنزبن - الزيت - البوجيهات ).
لا خلاف طبعا
2- ماتور خفيف علي العربية .
معاك يا كبير :)
3- هتوفر ثمن العفشة ال 6 سلندر .
اللى هاتوفره فى من تمن العفشة هاتدفعه فى تمن قطع الغيار قدام وباستمرار مع العلم ان عفشة ال 6 افضل وفى ناس بتركبها على ال 4
4- هتوفر الضريبة بتاعت ال 2000 سي سي .
ما اعتقدش مادام كسر شريحة ال 1600 يبقى ال1800 و ال 2000 سيان
5- تجميعه اسرع من ال2000 .
لا خلاف بل وامتع فى سحبه
6- ماتور رياضي (هو معمول انه يكون رياضي ) و دي ميزة طبعاً .
أحلى ميزه يا ريس :)
7- صوته هادي جدا عن فئة ال 6 سلندر .
أختلف معاك لان من اكتر ما يميز المكنة ال 6 نعومة المكنه حتى فى القرص عليها بتصرخ مش بتنعر زى ال 18 is خصوصا ان ال 18 is معروف عنا انها مكنه خشنة
على أيامى كانت قطع غيار ال is قليلة و أغلى.........اتأكد من الموضوع ده الأول
و بالنسبة لموضوع العفشة ال 6 سلندر................نصيحة.....لو معاك فلوس تغيرها لعفشة 6 غيرها
الإداء مختلف...........و خصوصاً فى الفرامل.............علشان السكاكين اللى ورا بتعمل فرق كويس.
و طبعاً ثباتها أحسن.
أنا كنت فى نفس الموقف زمان و جبت موتور 20 أبيض موديل 86 و غيرت العفشة............العربية كانت 18 4 سلندر............فرقت جامد فى الثبات والفرامل.
الله ينور بجد إنتم موسوعة
انا حاليا معايا 2000 اسود فانوس وراكب علي الدبانه بس هو متركب عليه هيدر استنالس
ظريف جدا
انصحك بيه