ميكانيكي مصري يبتكر جرار زراعي يعمل بضغط الهوا بدل الوقود

**A7MED_PHARMA** · 25-02-2012 07:52 PM

ماهي طاقة الرياح ومهابط الميه(الشلالات)
مصر مافيهاش شلالات
طيب خلينا في الكهربا الي مصدرها السد العالي.. ومراوح الرياح
دي ماتقدرش تكبس الغاز أو الهوا في الانابيب ؟

ولو على كبس الهوا

على فكرة سهلة أوي ..أوي
شنوري يقدر ينــفخ في الأنبوبة .. لحد ماتفرقع مش تتكبس بس
شنوري قادر وصحته مساعدة

أخوكم مهندس عقاقير برضووو

**Ralliart** · 26-02-2012 01:16 AM

للأسف كلام ميدخلش دماغ طالب في اعدادي هندسة
دايماً كل ما يزيد مسار تحويل الطاقة من وقود لطاقة حركة بتزيد الفواقد معاه ،فأكيد كمية الغاز اللي استهلكت في محطة توليد الكهرباء علشان تشغل الكومبريسور اللي هيضغط الهواء في اسطوانة علشان ينقله للموتور ،أكتر بكتير من كمية الغاز اللي كان هيستخدمها في تشغيل الموتور مباشرة

**A7MED_PHARMA** · 26-02-2012 01:56 AM

المشاركة الأصلية كتبت بواسطة mzeid

عامل ايه يا بشمهندس .. اقصد يا دكتور :)

و اخبار المقابلة ايه ؟

والله يامحمد أنا مدايق من موضوع المقابلة علشان ماروحتش
كده احمد باسطو هيزعل
أنا والله كان غصب عني
أحمد قالي على المقابلة ليلتها.. وماكنتش مجهز نفسي والله
غير كده
أنا كنت مخنوق يومها وقرفان.. الشغل كان متنيل بنيلة وماكنش ليا نفس أكلم حد من الأساس

**عصام غنايم** · 26-02-2012 05:00 AM

طيب محدش لاحظ فى الصوره الشكمان اللى طالع من الجنب ده

**feras_elngar** · 26-02-2012 05:53 AM

المشاركة الأصلية كتبت بواسطة عصام غنايم

طيب محدش لاحظ فى الصوره الشكمان اللى طالع من الجنب ده

الشكمان فى كل السيارات ما هو الا كاتم صوت
silencer
واى نظام هواء مضغوط بيرمى على الهواء الجوى لازم يخرج من كاتم صوت

**bicobiki** · 26-02-2012 09:56 PM

مساء الخير يا جماعة
في البداية احب اقول ان المشكلة عندنا في مصر ان كل حاجة شغالة بالفهلوة مش بالعلم يعني الاخ اللي ركب الكومبرسور علي الجرار دة مش مهندس يعني ميعرفش ان الطاقة لا تفني و لا تستحدث من العدم و بالطبع معملش اي حسابات علي القدرة المطلوبة لتحريك الجرار و اداء الوظائف اللي الجرار مصصم علشان يأديها. الكومبرسور اللي راكب علي الجرار دة شكلة ال 7.5 حصان يعني علشان الكومبرسور يعطي القدرة المطلوبة لازم يتوصل ( عن طريق السير و الطارة اللي في الصورة) بمتور كهرباء عالي القدرة وكابلات و شغلانة تانية الا اذا كان هيمشي الجرار في مكانة. الكومبرسور دة ترددي يعني علشان يدي ضغط هواء منتظم لازم يتوصل بتانك قبل ما يوصل علي المحرك و دة مش طريقة امنة علشان في حالة الحوادث ممكن التانك ينفجر و يسبب في زيادة الاصابات دة غير الحجم و الوزن الزيادة (التكنولوجيا الحديثة تقوم علي تحويل الغاز الطبيعي الي سائل و قود الديزيل مع الاستغناء عن فكرة استعمال الغاز الطبيعي المضغوط). الفكرة مع الاسف لاسباب كثيرة غير هندسية و غير معقولة و غير قابلة للتنفيذ. فية افكار كتير و حلول هندسية بس الوقت لا يسمح لسردها الان.

**mmffor** · 26-02-2012 10:17 PM

كمبروسر بيكبس هوا في اسطوانة و الهوا المضغوط بيدخل على الموتور و الصبابات و بيحركها بدل انضغاط الهوا الناتج عن اشتعال الوقود داخل المحرك
مفيش مشاكل
بس الكمبروسر ما هو مصدر طاقته؟؟؟؟؟ يا اما موتور كهرباء يا اما موتور ديزل او بنزين

-

-

-

الموضوع: ميكانيكي مصري يبتكر جرار زراعي يعمل بضغط الهوا بدل الوقود

LinkBack

أدوات الموضوع

عرض

-

-

-

-

-

-

المواضيع المتشابهه

ميكانيكي مصري يبتكر جرار زراعي يعمل بضغط الهوا بدل الوقود

طالب مصري يبتكر آلية تحافظ على الأرواح أثناء الحوادث

طالب مصري يبتكر آلية تحافظ على الأرواح أثناء الحوادث

مصري يبتكر طريقه جديده للركن بعد تعديل بسيط ( فيديو )

الكلمات الدلالية لهذا الموضوع

المفضلات

المفضلات

ضوابط المشاركة