شيفروليه كروز ام رينو فلوانس

**Dawns_Mist** · 29-02-2012 07:33 PM

المشاركة الأصلية كتبت بواسطة hosam_optrawy

ياباشا ماتزعلش او كدا :) هى وجهات نظر طبعا بس لو حسبتها كويس هاتلاقى ان الفلوونس فيها اوبشنز اكتر , واوسع شويه , بس كدا مفيش مميزات تانيه كمقارنه على الورق

كتجربة سواقه ممكن حد يكون ركب الاتنين يقيمهم

لكن الكروز بشهادة ملاكها ثبات ممتاز ( زى الفلوونس ) موتور ضعيف فى الطلعه وبعد كدا كويس ( زى الفلوونس ) عفشه متوسطه ولا ناشفه ولا ناعمه , فتيس 6 سرعات مش 4 , واخده 5 نجوم فى ال euroncap و 16 من 16 فى التصادم الامامى و 15.4 من 16 فى الجانبى , الفلوونس ze ( الكهربا ) واخده 4 نجوم اصلا و 9.8 من 16 فى التصادم الامامى

الكروز لو بتنزل بالموتور الايكوتيك ( قريب ان شاء الله ) تبقى افضل بفارق

انت كلامك مظبوط .. فعلا الكروز في اليورونكاب واخده تقييم ممتاز في التصادمات و الثبات .. و أنا أشهد إن الكروز أحسن عربية كوري في مصر من ناحية الثبات .. و على فكرة انا بتكلم عن العربيتين مش من بعيد أوي .. لا اصحابي معاهم كروز كتير ... و أنا سوقت الميجان كتير جداو عارف تفاصيل الفليوانس كويس و قعدت فيها أكتر من مرة ...

لكن ليه أشتري عربية كوري موتورها ضعيف بتكنولوجيا قديمة و ضيقه من جوه و مش مريحة أوي و كمالياتها مش كتير ، كل الميزة اللي فيها فعلا إن ثباتها حلو أوي ... في حين إني بنفس السعر ممكن أشتري أوروبي تقفيلها تحفه بكماليات وهمية و توكيل محترم جدا و قطع غيار أرخص و أوسع من جوه و شكلها فخم و أدائها حلو و عالية عن الأرض و برضه ثباتها أكيد عمره ما هيكون أقل من الكروز ؟؟؟؟

**amrelserw** · 13-03-2012 02:18 PM

المشاركة الأصلية كتبت بواسطة dawns_mist

انت كلامك مظبوط .. فعلا الكروز في اليورونكاب واخده تقييم ممتاز في التصادمات و الثبات .. و أنا أشهد إن الكروز أحسن عربية كوري في مصر من ناحية الثبات .. و على فكرة انا بتكلم عن العربيتين مش من بعيد أوي .. لا اصحابي معاهم كروز كتير ... و أنا سوقت الميجان كتير جداو عارف تفاصيل الفليوانس كويس و قعدت فيها أكتر من مرة ...

لكن ليه أشتري عربية كوري موتورها ضعيف بتكنولوجيا قديمة و ضيقه من جوه و مش مريحة أوي و كمالياتها مش كتير ، كل الميزة اللي فيها فعلا إن ثباتها حلو أوي ... في حين إني بنفس السعر ممكن أشتري أوروبي تقفيلها تحفه بكماليات وهمية و توكيل محترم جدا و قطع غيار أرخص و أوسع من جوه و شكلها فخم و أدائها حلو و عالية عن الأرض و برضه ثباتها أكيد عمره ما هيكون أقل من الكروز ؟؟؟؟

أنا بردو اشتريت فلوينس بعد مقارنة مع الكروز (الكلام دا فى2010 )
بصراحة الفلوينس (عاملة معايا 42 الف كيلو)عربية كماليتها رائعة ثباتها عالى توكيل محترم أخر حاجة اسعار قطع الغيار مناسبة مقارنة بالكروز و الانترا
أرشحلك الفلوينت و كفاية انتشارها فى السوق

**magnam** · 13-03-2012 02:54 PM

أساسا عربيات شيفورليه فى مصر مفيش ولا واحدة داخلة دماغى عربيات حتى الكروز دى
الفلوانس تكسب طبعا
شكل وسعر وتوكيل أفضل
وواسعة من جوا واللى بيقول الكروز واسعة مين قال كدا الكروز مش واسعة قوى من جوا
سعر أعادة البيع للفلوانس هيبقى معقول بالنسبة لانتشارها السريع وقطع غيارها متوفرة فى التوكيل بأسعار مش عالية قوى زى
فلوااااااااااااانس أكبر من إنها تتقارن بكروز

**moh19227** · 13-03-2012 03:34 PM

فلوينس

**hazemhassan** · 24-03-2012 11:13 PM

فلوينس

**mohamedkordy** · 26-03-2012 01:14 AM

المشاركة الأصلية كتبت بواسطة lanos2004

اولا ماتورها ضعيف انا بسبقها بالانوس وعلى سرعات فوق 190 ثانيا شوف قسم الشيفروليه وكميه المشاكل الى بتحصل فيها وخاصه الى بيقول ان العربيه بتبطل وهيه ماشيه لو كانت كروز ماتور صح كنت قولت كروز انما ما تو ر ضعيف زى الباسات والجيتا

هوا انتا بتجيب بالانوس ١٩٠ اصلى انا بجيب بسها ١٦٠ وبحط ايدى على قلبى نصيحه العربيه ديه مش بتاعه السرعه ديه خالص