فورد فوكاس ولا لانسر الشكل الجديد ايهما تختار ؟!!؟

**dr.mahmoud** · 02-06-2008 05:32 PM

متشكر جدا لحضرتك يا استاذ حازم و فعلا كده واضح اتجاه الجميع ناحية اللانسر و ان شاء الله ابتدي انزل و اشوفها و احاول اركبه كده و ربنا يكتب اللي فيه الخير
و دمتم بود

**fahd_628** · 02-06-2008 05:37 PM

انا بقى ليا رأى مختلف

الفوكاس طبعا بس لو انت مستعد تتعب شوية بسيطة فى الصيانة و قطع الغيار

بس خد بالك شكل الفوكاس قرب يتغير

**dr.mahmoud** · 02-06-2008 05:40 PM

اخيرا يا استاذ فهد واحد نصر الفوكاس يا راجل انا كنت مستني حد يقول عليها كده لاني بصراحه معجب ببيها جدا و موضوع تغيير الشكل دا تم فعلا بس مش تغيير كبير يعني الفوانيس من قدام و كام خط من الجمب غير كده مفيش فروق تذكر نفس المواصفات هي هي و حكايه 119 حصان انا كلمت التوكيل و قاللي انها مش صح الخليجي بس هو اللي بينزل كده و عايز بنزين 95 و اذا حضرتك عندك اي معلومات يا ريت تقولهالي و شكرا جزيلا لحضرتك

**som3aa** · 02-06-2008 06:07 PM

بصراحة انا ضد حد يشترى اللاتسر خالصصص لان انا شايف ان سعرها مبالغ فيه جدا و رايى التوكيل لازم يتادب علشان يتعلم يحترم الناس , العربية 1500cc فاضية بدون جنوط بتبدا من 130 الف؟ ايه الكلام دا
الفوكاس الجديدة جميلة جدا و خصوصا بعد تغيير الفانوس و شكل مش مالوف خالص (اللانسر شكلها محفوظ هى هى السيات الكوردوبا و المازدا 3 من وره ) و دول بنشوفهم كتير اوى فمنبهرتش بشكلها خالص. بعدين سعرها المبالغ فيه و انتشراها بشكل يدايق , الفوكاس شكل مميز جدا ,سعر اعادة البيع اكيد مش اوى لان المصريين مبيحبوش العربيات الامريكانى .
هى عربية محترمة بره مصر , و لو بتنزل فى مصر بدون الموتور ال119 حصان يبقى توكيل وحش من اولها كدا لان التوكيل المحترم بيحترم الناس و ينزل احدث حاجة.
الفوكاس ميزتها اسمع امكانيتها عالية زى ال6 airbags كلام كدا
طيب ممكن تتصل بالتوكيل تسالهم عن بلد صناعة الفورد و سعرها بالظبط و الكماليات اللى فيها بالظبط و تكلم ميتسوبيشى برده علشان تعرف دى اعلى من دى فى ايه و نقدر نحدد

**ahmad--ezzat** · 02-06-2008 06:09 PM

يا جماعة مش بالسعر الفور طبعا اعرق واجمل وافخم سيبكو من 155 اللف والكلام دة الفورد اسم وكفاية انك راكب فورد مش متسوبيشى

**dr.mahmoud** · 02-06-2008 06:16 PM

و الله يا جماعه انا معاكم ان الفورد جميله جدا و انا بصراحه مقتنع بيها و بعدين انا كلمت التوكيل تاني و صلحلي حكايه 119 حصان هي فعلا بتنزل بيهم في الشكل الجديد و بكده يبقى اهم نقتطين في عيوب الفورد تم تلافيهم و هما الالشكل و ال 107 حصان و سعرها دا على الاوبشنز اللي فيها يبقى هيا تكسب

**dr.mahmoud** · 02-06-2008 06:20 PM

و بخصوص الاوبشنز هي فعلا فيها 6 ايرباج و نور ضباب امامي و خلفي و الدريكسيون ملتي و وcd بست سماعات و اوبشنز تانيه طبعا زي abs ebd يعني تقريبا كل حاجه فهي بصراحه عربيه جامده جدا و شكرا لحضراتكم جميعا

**hesham2004** · 02-06-2008 06:22 PM

فوكاس عربية محترمة جدا و شيك و جامدة ، بس ملهاش حظ فى السوق المصرى عشان سعرها و توكيلها و وكيل تسويقها مش جامد
انا عن نفسى كنت عاوز اشتريها قبل التيدا ، بس استغليتها شوية

**Ramy.Gamal** · 02-06-2008 06:23 PM

خلى بال حضرتك ان فورد لازم تحطلها بنزين 95 مصرى او خليجى وممكن حضرتك تتأكد من غطاء التانك من الداخل على فكرة الفورد مكونات المانى-اسبانى وتفقيل اسبانى يعنى اوروبى واكيد هتلاقى تكييف اللانسر احسن بكتير

**dr.mahmoud** · 02-06-2008 06:31 PM

المشاركة الأصلية كتبت بواسطة ramylancer

خلى بال حضرتك ان فورد لازم تحطلها بنزين 95 مصرى او خليجى وممكن حضرتك تتأكد من غطاء التانك من الداخل على فكرة الفورد مكونات المانى-اسبانى وتفقيل اسبانى يعنى اوروبى واكيد هتلاقى تكييف اللانسر احسن بكتير

بس في التوكيل بيقولوا ممكن تحط 92 لانه هو اللي موجود و مفيهوش مشكله انا سالتهم على النقطه دي تحديدا و شكرا لك اخي الكريم على الرد و هي فعلا مكوناتها الماني و تجميع اسباني