الموضوع: للبيع Samsung I9100 Galaxy S2

المشاركة الأصلية كتبت بواسطة beshomilan

من فضلك هو سبب البيع ايه
وحضرتك كنت مشتريه من صاحبه الاول بضمانه وضمانه خلص معاك ولا من غير؟؟

لا صاحبه الاولاني شاريه من حوالي شهرين ونص بدون ضمان. وانا شاريه منه بقالي حوالي اسبوع
هتستغرب من سبب البيع.
سبب البيع ان الشبكة عندي جوة الشقة ضعيفة جدا جدا ومافيش اي موبايل بيقدر يلقط شبكة جوة الشقة غير النوكيا للاسف بس مش بيلقط شبكة جامدة يعني. بالكتير شرطة او اتنين اقدر استقبل بيهم اتصال وعلشان اتكلم لازم اخرج في البلكونة. وانا مش عاوز استخدم نوكيا تاني
وكل الموبايلات السامسونج اللي جبتها مش بتلقط شبكة كويسة جوة الشقة عندي حتى لما جبت الجالاكسي اس 2. هو بيلقط بس لازم يكون موجود جنب البلكونة.
انا والله مش هاين عليا ابيعه خالص لأنه تيليفون اقل ما يقال عنه انه اكثر من رائع ومافيهوش اي مشاكل. المشكلة عندي انا لأن ابراج الاتصال بعيدة شوية عن البيت.
انا بفكر اضحي واروح للسوني اريكسون او الاتش تي سي في سبيل اني الاقي حاجة بتلقط شبكة كويسة جوة البيت عندي.

صورة الموبايل والضهر


ضهر الموبايل




العلبة وكارت الميموري


ضهر العلبة وواضح ان الكاتبة باللغة العربية لأنها نسخة الشرق الاوسط


المحتويات

لك رساله على الخاص

المشاركة الأصلية كتبت بواسطة mohammedezo

لك رساله على الخاص

تم الرد

اولا موفق في البيع ان شاء الله . هو موبايل رائع فعلا .
ليا طلب لو سمحت بعد ما تبيعة وتشتري واحد جديد ان شاء الله ياريت توضح لنا اية اخبار الشبكة ونوع الموبايل.
لاني محتاج حاجة قوية زي ما انت ذكرت .

موفق في البيع

المشاركة الأصلية كتبت بواسطة al_manara

اولا موفق في البيع ان شاء الله . هو موبايل رائع فعلا .
ليا طلب لو سمحت بعد ما تبيعة وتشتري واحد جديد ان شاء الله ياريت توضح لنا اية اخبار الشبكة ونوع الموبايل.
لاني محتاج حاجة قوية زي ما انت ذكرت .

موفق في البيع

بارك الله فيك يا باش مهندس
ان شاء الله اكيد
المشكلة ان ماعندناش في المنطقة ابراج محمول قريبة. وكل ما تيجي شركة اتصالات تركب برج. كل اهالي المنطقة يرفضو بسبب الاعتقاد انها بتسبب سرطانات. وزي ما حضرتك شايف الناس هنا كلها بتعاني. كل المنطقة بتتكلم في البلكونات ههههههههههه
انا والله ربنا يعلم اني حزين جدا اني هفرط في الجهاز ده.
بس الموبايل اللي لاحظت انه كويس في الشبكة هو السوني اريكسون لأني اشتريته لأخويا هدية عيد ميلاده ولما بيكون شغال على النت جوة الشقة بيكون التليفون لاقط شرطة او اتنين شبكة محمول ولو جاله اتصال بيرن عادي. انما الجالاكسي اس بتاعي لازم اكون موجود جنب البلكونة او الشباك علشان يلقط. انما لو دخلت جوة الشقة مش بيلقط شبكة خالص. بس برة شبكته ممتازة جدا وثابتة للامانة.

المشاركة الأصلية كتبت بواسطة al_manara

اولا موفق في البيع ان شاء الله . هو موبايل رائع فعلا .
ليا طلب لو سمحت بعد ما تبيعة وتشتري واحد جديد ان شاء الله ياريت توضح لنا اية اخبار الشبكة ونوع الموبايل.
لاني محتاج حاجة قوية زي ما انت ذكرت .

موفق في البيع

بس السوني اريكسون عيبه القاتل هو الذاكرة الداخلية وبردو فيه برامج لا يدعمها ماقدرتش استطبها عليه. في حين السامسونج الصراحة مافيش حاجة وقفت قصاده. بيشغل اي حاجة في الدنيا سواء برامج او ملتيميديا غير ان امكانياته اعلى بكتير من السوني وبالذات موضوع الخط ده جميل قوي في السامسونج خاصة خط المهند بيخلي الخط كبير جدا وواضح ما شاء الله