حد مركب مروحة الشاهين على فليشيا

دخلت في حوار مع الميكانيكي عن سخونة عربيتي في الصيف و انا مشغل التكيف و قلي ان شغل الفبريكة غير شغل المصري (على اساس ان التكيف عندي تركيب مش فبريكة) وان السربنتينة قفله الهوا اللي جاي من بره العربية, و بيقولي ان انا لو ركبتت مروحة الشاهين عمر العربية مهتسخن مع التكيف, و ان المروحة اللي عندي جايه بزوية و مش بترجع الهوا على الموتور مباشرة (رغم ان المروحة عندي سرعيتين بالقميص) فأنا الصيف اللي فات ناس قالتلي ركب مروحة امامية على السربنتينة, فـأنا مش عارف ايهم افضل اغير المروحة بمروحة الشاهين ولا اركب مروح امام السربنتينة

انا رائى وبكل صراحه لانى زهقت من موضوع السخونيه ده اننا نغير العربيه دى كلها لان موضوع السخونيه ده اصبح مشكله يوميه بالنسبالى

ركب مروحة امام الريداتير تشتغل مع التكييف على طول

والله انا هقولك على تجربتى العربية كانت معايا والتكيف كان متركب زى حضرتك كدا مش الاصلى
اول ما كنت بشغل التكيف العربية كانت بتولع
ومن غير التكيف كمان العربية كانت بتسخن ورحت عند اكتر من ميكانيكى ومافيش فايدة وكل شويه جوان وش سلند
ريح نفسك وبيع العربية دى زى ما انا عملت
العربيه دى سيئه السمعه
عن تجربة

السلام عليكم
بالنسبة لموضوع الحرارة الشائع والدارج في بعض الموديلات، ومن واقع خبرة في معظم تلك الموديلات المتهمة زي سكودا فيليشيا، بيجو 406، فولكس بورا والحكاية إني مش غاوي حرارة وأعطال فتوجد بعض النقاط الهامة التي يغفل عنها كثيرون وظاهرها أنه لا دخل بها والحرارة، وأنصح من واقع تجاربي وخبرتي المتواضعة السادة الأفاضل:
1- البطارية: لو بطارية عربيتك بتشاور عقلها أو مش تمام التمام فمروحة الردياتير في معظم الأوروبي زي الفيليشيا والرينو هتدور بالراحة، ومش هيحصل تبريد.
2- غطاء قربة المياه: لو مش أصلي العربية هتسخن لأن الغطاء الأصلي في صمام زي سوستة بتخرج الهواء لما يحصل ضغط بخاري وتمنع خروج المياه، وحصلت في فيليشيا مرة وفي بورا مرة إن الغطاء كان المتهم الرئيسي للحرارة.
3- طبعا عندنا عوامل كتير تانية زي المياه ومنسوبها وحالة الردياتير، وسير طلمبة المياه، ولو دورة المياه بتدخل هواء العربية هتتسلق
أرجو أكون أضفت معلومات ولو بسيطة.

ونسيت أقول إن فعلا المروحة أمام الردياتير لسحب الهواء من الخارج للداخل مهمة للغاية بس لو قطرها أكبر من قطر مروحة الشاهين يكون أفضل زي مروحة الدايو مثلا

كلام جميل, بس انا عندي العربية مش بتسخن الا مع التكيف, وانا مقتنع ان في مشكلة في تركيب التكيف لأن فعلا العربية مخنوقة ومفيش مكان يدخل منه الهوا, السربنتينا قفلا تمام و كمان فتحة اللي في وش العربية صغيرة جدا.
المهم روحت للكهربائي و بسأله على موضوع مروحة شاهين بدل من المروحة اللي عندي, قالي ان المروحة اللي عندك اشد من بتاعت الشاهين وقالي ركب مروحة امامية عند سربنتينة التكيف.
ان شاء الله انا ناوي على دخول الصيف اشوف الموضوع ده وربنا يسهل.

اقتباس:

---

المشاركة الأصلية كتبت بواسطة asaid

كلام جميل, بس انا عندي العربية مش بتسخن الا مع التكيف, وانا مقتنع ان في مشكلة في تركيب التكيف لأن فعلا العربية مخنوقة ومفيش مكان يدخل منه الهوا, السربنتينا قفلا تمام و كمان فتحة اللي في وش العربية صغيرة جدا.
المهم روحت للكهربائي و بسأله على موضوع مروحة شاهين بدل من المروحة اللي عندي, قالي ان المروحة اللي عندك اشد من بتاعت الشاهين وقالي ركب مروحة امامية عند سربنتينة التكيف.
ان شاء الله انا ناوي على دخول الصيف اشوف الموضوع ده وربنا يسهل.

---

كلام تمام التمام، وممكن المروحة الأمامية تركب وتشتغل بترموستات منفصل تركبه على الردياتير، وبكده يكون عندك نظامين تبريد، وفي الحر الشديد تشتغل المروحتين حتى لو مش مشغل تكييف، بس لو عملت كده أنصح سيادتك بتريكب بطارية 70 أمبير، ودي حقيقة يغفل عنها كثيرون ألا وهي أن البطارية لو ضعيفة العربية ممكن تسخن وده موجود في بعض العربيات الأوروبي زي الرينو الكليو والفيليشيا والبيجو 405، لأن لفات المروحة هتكون أقل وده متجرب، ونقطة بسيطة تانية ألا وهي غطاء القربة لو مش أصلي العربية هتسخن وده بيحصل لمعظم الألماني زي البورا والباسات وعائلة سكودا لأن الغطاء الأصلي في صمام وسوستة تسمح بخروج الضغط البخاري والهواء دون خروج المياه، أطلت عليك بس شوية نقاط لو عملتها العربية عمرها ما هتسخن.

لا اله الا الله الفليشيا بتسخن
عربيتي بعمل بيها ارقام قياسية (حرق علي الغيارات) واقسم بالله عداد الحراره مش بيوصل النص

يا جماعة فى فكرة عندى مش عارف تنفع فى الموضوع ده ولا لا .... الفكرة كلها فى طرمبة الميه لو طمبورة طرمبة الميه حجمها كبير ( قطرها ) ممكن نركب طمبورة قطرها اصغر مع تغير مقاس السير بالحجم الجديد
... قده عدد لفات طرمبة الميه هتزيد وسرعة دواران الميه فى دورة التبريد هتزيد ومعدل التبريد اسرع من الاول ... فكرة ويارب تنفع

اقتباس:

---

المشاركة الأصلية كتبت بواسطة benmatar

1- البطارية: لو بطارية عربيتك بتشاور عقلها أو مش تمام التمام فمروحة الردياتير في معظم الأوروبي زي الفيليشيا والرينو هتدور بالراحة، ومش هيحصل تبريد.
.

---

على حد علمى ان البطارية دورها تشغيل العربية بعد كدا الدينامو بيتولى مسئوليته ويغذى العربية كلها كهربا ويعوض نقص الشحن فى البطارية لو كلامى دا صح يبقى البطارية حتى لو ضعيفة بمجرد تشغيل المحرك المروحة هتشتغل وهتحمل ع الدينامو إيه رأى حضرتك فى الكلام دا ؟

السلام عليكم ورحمة الله وبركاته....*

ياجماعة مشكلة السخونية بالذات فى السكودا كانت مشكلة فى الماضى دلوقتى مبقاش لها اساس من اصلة ودا عن تجربتى الشخصة وبعد ما طلعت روحى وفضيت جيوبى وطبعا العربيى نازلة بالتكييف بس بصراحة انا مش مشغلة ربنا هدانى انى اغير الريداتير الأصلى النحاس باخر المونيوم الصينى اللى موجود فى السوق والحرارة مش ممكن توصل للنص ابدا لأنى كمان مغير تيرموستات 68/90 ومن يومها نسيت حاجة اسمها سخونية....*

اقتباس:

---

المشاركة الأصلية كتبت بواسطة mohammedaladel

على حد علمى ان البطارية دورها تشغيل العربية بعد كدا الدينامو بيتولى مسئوليته ويغذى العربية كلها كهربا ويعوض نقص الشحن فى البطارية لو كلامى دا صح يبقى البطارية حتى لو ضعيفة بمجرد تشغيل المحرك المروحة هتشتغل وهتحمل ع الدينامو إيه رأى حضرتك فى الكلام دا ؟

---

بالنسبة للبطارية دورها مهم وحيوي وفعال في تغذية الوحدات عالية الاستهلاك زي بلاور التكييف أو الدفاية، مروحة الردياتير والسربنتينة، آلية الؤازرة في بعض سيارات (نظام الباور ستيرينج الالكتروني)، ولو موتور العربية كهربا زي مابيقولو في بعض الماركات زي البورا مثلا.
ممكن حضرتك تجرب إنك تدور العربية وبعدين تفك البطارية (الطرفين) وامشي بيها ولاحظ درجات حرارة الموتور من الأمبير خلال المشي والجري وانت منور النور العالي مثلا أو مشغل التكييف. هتلاحظ صحة رأيي المتواضع، فعلا كلام سيادتك صح بس الدينامو مش هيلاحق ومش هيقدر يغذي كل الوحدات فتبقى كهرباء مروحة الردياتير ضعيفة.

اقتباس:

---

المشاركة الأصلية كتبت بواسطة benmatar

بالنسبة للبطارية دورها مهم وحيوي وفعال في تغذية الوحدات عالية الاستهلاك زي بلاور التكييف أو الدفاية، مروحة الردياتير والسربنتينة، آلية الؤازرة في بعض سيارات (نظام الباور ستيرينج الالكتروني)، ولو موتور العربية كهربا زي مابيقولو في بعض الماركات زي البورا مثلا.
ممكن حضرتك تجرب إنك تدور العربية وبعدين تفك البطارية (الطرفين) وامشي بيها ولاحظ درجات حرارة الموتور من الأمبير خلال المشي والجري وانت منور النور العالي مثلا أو مشغل التكييف. هتلاحظ صحة رأيي المتواضع، فعلا كلام سيادتك صح بس الدينامو مش هيلاحق ومش هيقدر يغذي كل الوحدات فتبقى كهرباء مروحة الردياتير ضعيفة.

---

شكرا جدا للتوضيح من خلال شرح حضرتك يبقى أثناء تشغيل السيارة الدينامو والبطارية بيبقوا بيغذوا العربية مع بعض ولما نفصل البطارية مع تشغيل التكييف مثلا وعجلة مؤازرة كهربائية ونور عالى مؤشر الحرارة هيرتفع كلام معقول جدا بس هل دا حضرتك فى كل العربيات ؟

معظم العربيات كده طبعا لأن على فكرة الدينامو مش هو المصدر دايما وإنما البطارية والدينامو هو اللي بيغذيها مش أكثر، فلما تكون البطارية مصابة بأمراض مزمنة وعندها ضعف عام الحمل هيكون على الدينامو وهيصاب بالاجهاد والتعب والإعياء. وربنا يشفينا جميعا ويكفينا مشاكل العربيات وخاصة إننا داخلين على الصيف.

السلام عليكم
انا عايز اعلق على حاجه ماينفعش نغير فى تتصميم العربيه يعنى نغير طمبورة طرمبة الميه علشان انته كده عتغير فى سرعتها وهى ممكن تكون غير مصممه لسرعه عاليه وممكن تتكسر منك
وكمان تغير السير بقاس اصغر عيغير فى سرعه كل حاجه راكبه على السير ده

لا يا فندم موضوع التعديل وتغيير أقطار طمبورة السير بتاع الطلمبة أو أي تغيير في ريش الطلمبة هيكون أمر صعب جدا وممكن يديك نتيجة عكسية. الأمر ومافيه هو عدم التنازل عن قطع الغيار الأصلية في بعض الأجزاء الحيوية زي طلمبة المياه، غطاء القربة. ممكن حاجات تانية نسترخص فيها زي فانوس أو مرايا بس أنصح بطلمبة أصلي. وطالما الردياتير سليم ونظيف والخراطيم تمام والوصلات سليمة والطلمبة كويسة والسير مشدود مفيش مشكلة، ولازم نحط في الحسبان كام نقطة كدة وبالأخص في الحر زي:
- التاكيهات تكون مظبوطة،
- زيت الموتور نظيف (طبعا 20w50 وبالأخص في الصيف)
- فلتر الهواء مش مكتوم،
- الردياتير كل فترة يتنظف بكمبريسور هواء من التراب،
- الكربراتير يكون مظبوط.
- البطارية كويسة عشان مروحة التبريد تشتغل تمام

دي عوامل فعلا مؤثرة على الحرارة رغم إنها بعيدة عن دورة التبريد، وإن شاء الله صيف آمن لكل فرسان الفيليشيا بدون سخونة.

انا ركبت مروحة شاهين , تحب تسمع التجربه في سطرين ؟؟
المروحة الشاهين كانت مذهله في اول 6 شهور و لانها هاتشتغل طول مانت سايق بسبب تشغيلك التكييف مثلا او نتيجة ان درجه الحراره عاليه في الصيف , فنتيجة التشغيل المستمر عمرها بيقصر لسبب مهم و هو انها تقيله اوي و موتورها ضخم و ريشها قصيره , هي بتعمل تيار جامد اوك بس عمرها قصير اوي , من الاخر كدة السلوك ولعت لان المروحة دي الوات بتاعتها عالي اوي , بجد و الله حرقت لي الاسلاك اللي بتشغلها كذا مره من قوت كهربتها لكن مع الاسف تيارها كمروحة ضعف بعد شهور و كل مايضعف اداء المروحة كل ماسحبها للكهربا يزيد و تحميلها على الاسلاك يزيد , انا كنت حاطط سلك نضيف شعر 3 ملي و لا حوء معاها و برضه ولع , بص انصحك و انصح كل الناس اللي العربيه بتسخن معاهم بالاتي :
1 - من غير حوارات و افتكاسات , المروحة الاصلي الــ 6 ريشة بالقميص هي الافضل
2 - الرادياتير الصيني الالومنيوم رائع بجد و مش بيفرق عن الاصلي تقريبا هو بس عمره اقصر
3 - مياة خضراء اسبانية او ايطالية او اي نوع نضيف فيه نسبه زيت مانع للصدأ
4 - شراء غطاء قربه اصلي او شراء غطاء الدايو لانوس او غطاء الاوبل الاصلي ( لونه اصفر )
5 - اعرف قيمة عربيتك و قدراتها بمعنى انها من الاخر ضعيفه و مش هاتستحمل تكييف فاذا كنت ناوي على التكييف فياريت تحترم عربيتك و ماتهينهاش و تفتكر انها مرسيدس , يعني شغل التكييف في اوقات مائلة للحرارة مش اوقات جهنم الحمرا اللي مصر بقت تعيشها كل صيف , يعني لما تبقى درجة الحراره مثلا فوق الــ 40 بلاش تضغط على عربيتك و تشغل التكييف , استحمل انت الحر احسن ههههههه
6- لو حد قدر يعدل في الشبكه الامامية ياريييييييييييييييييييييي ت , لان فتحه التهوية الامامية في وش الاوكتافيا كبيرة فمشكله السخونة فيها اقل بكتير
7 - سواء كنت مركب تكييف او لأ لازم تركب مروحة صغيره امامية ( ورا الشبكة الامامية مباشرة )
8- ركب ترموستات في الصيف 68/82 و في الشتا ركب 80/90 و السبب بسيط , طبعا في الصيف هاتركب الواطي و السبب واضح انما في الشتا ليه هاتركب الترموستات العالي ؟؟ السبب هو انك تريح المروحة في الشتا و بالطريقة دي المروحة هاتشتغل قليل و عمرها يطول شوية و للعلم يعني تغيير الترموستات سهل جدا ( عايز مفتاح انبوبة البوتجاز بس ههههههه )
9- دورات غسيل رادياتير مستمره

يارب اكون قدرت اضيف 1 % كمعلومة لأي حد و شكرا

كلام رائع ومفيد، ربنا يكرمك...
- فعلا نقطة إن غطاء القربة يكون أصلي ده موضوع حيوي وناس كتير بتنساه ومجربه في عربية أخويا بورا وكانت هتولع بسببه.
- فتحة التهوية الأمامية في الفيليشيا فعلا ضيقة وفعلا عامل مؤثر، ولو حد فك الوش ومشي بالعربية مش هتسخن بتاتا، وممكن من على النت تجمع شوية صور وتعديلات لا بأس بها.
- لو سربتنتينة التكييف تم تركيب عدد 2 مروحة على ترموستات زي مروحة اللانوس أو النوبيرا أو الكورولا القديمة (مروحة خفيفة جدا، سريعة، معدل انسياب هواء عالي، تشغل حيز مناسب، سحب كهرباء معقول نسبيا) ... إنسى أي حرارة بتكييف أو بدون مع ردياتير 3 ماسورة.......... المعادلة تساوي ثلاجة.

اقتباس:

---

المشاركة الأصلية كتبت بواسطة wael_ghreez

انا ركبت مروحة شاهين , تحب تسمع التجربه في سطرين ؟؟
المروحة الشاهين كانت مذهله في اول 6 شهور و لانها هاتشتغل طول مانت سايق بسبب تشغيلك التكييف مثلا او نتيجة ان درجه الحراره عاليه في الصيف , فنتيجة التشغيل المستمر عمرها بيقصر لسبب مهم و هو انها تقيله اوي و موتورها ضخم و ريشها قصيره , هي بتعمل تيار جامد اوك بس عمرها قصير اوي , من الاخر كدة السلوك ولعت لان المروحة دي الوات بتاعتها عالي اوي , بجد و الله حرقت لي الاسلاك اللي بتشغلها كذا مره من قوت كهربتها لكن مع الاسف تيارها كمروحة ضعف بعد شهور و كل مايضعف اداء المروحة كل ماسحبها للكهربا يزيد و تحميلها على الاسلاك يزيد , انا كنت حاطط سلك نضيف شعر 3 ملي و لا حوء معاها و برضه ولع , بص انصحك و انصح كل الناس اللي العربيه بتسخن معاهم بالاتي :
1 - من غير حوارات و افتكاسات , المروحة الاصلي الــ 6 ريشة بالقميص هي الافضل
2 - الرادياتير الصيني الالومنيوم رائع بجد و مش بيفرق عن الاصلي تقريبا هو بس عمره اقصر
3 - مياة خضراء اسبانية او ايطالية او اي نوع نضيف فيه نسبه زيت مانع للصدأ
4 - شراء غطاء قربه اصلي او شراء غطاء الدايو لانوس او غطاء الاوبل الاصلي ( لونه اصفر )
5 - اعرف قيمة عربيتك و قدراتها بمعنى انها من الاخر ضعيفه و مش هاتستحمل تكييف فاذا كنت ناوي على التكييف فياريت تحترم عربيتك و ماتهينهاش و تفتكر انها مرسيدس , يعني شغل التكييف في اوقات مائلة للحرارة مش اوقات جهنم الحمرا اللي مصر بقت تعيشها كل صيف , يعني لما تبقى درجة الحراره مثلا فوق الــ 40 بلاش تضغط على عربيتك و تشغل التكييف , استحمل انت الحر احسن ههههههه
6- لو حد قدر يعدل في الشبكه الامامية ياريييييييييييييييييييييي ت , لان فتحه التهوية الامامية في وش الاوكتافيا كبيرة فمشكله السخونة فيها اقل بكتير
7 - سواء كنت مركب تكييف او لأ لازم تركب مروحة صغيره امامية ( ورا الشبكة الامامية مباشرة )
8- ركب ترموستات في الصيف 68/82 و في الشتا ركب 80/90 و السبب بسيط , طبعا في الصيف هاتركب الواطي و السبب واضح انما في الشتا ليه هاتركب الترموستات العالي ؟؟ السبب هو انك تريح المروحة في الشتا و بالطريقة دي المروحة هاتشتغل قليل و عمرها يطول شوية و للعلم يعني تغيير الترموستات سهل جدا ( عايز مفتاح انبوبة البوتجاز بس ههههههه )
9- دورات غسيل رادياتير مستمره

يارب اكون قدرت اضيف 1 % كمعلومة لأي حد و شكرا

---

كلام حضرتك تمام بس اللي انا عارفه ان الناس بتركب كتاوت على مروحة الشاهين لأنها فعلا جامدة فتحميك من موضوع سحب الكهرباء و حرق السلك و الكلام ده. انا على العموم لما الصيف يجي ان شاء الله هاركب مروحة امامية على السربنتينا و اشوف الفرق. انا كنت سألت السنة اللي فاتت كانت في مروحة صغيرة اسمها ساندي 120 جنيه بس بتاع التكيف قالي ساعتها ان الحرارة هتنزل 5 درجات بس وكانت العربية بالتكيف بتجيب معايا 105 فأنا قولت ملهاش لازمة. ربنا يسهل و اشوف ايه المشكلة السنة ديه

اقتباس:

---

المشاركة الأصلية كتبت بواسطة asaid

كلام حضرتك تمام بس اللي انا عارفه ان الناس بتركب كتاوت على مروحة الشاهين لأنها فعلا جامدة فتحميك من موضوع سحب الكهرباء و حرق السلك و الكلام ده. انا على العموم لما الصيف يجي ان شاء الله هاركب مروحة امامية على السربنتينا و اشوف الفرق. انا كنت سألت السنة اللي فاتت كانت في مروحة صغيرة اسمها ساندي 120 جنيه بس بتاع التكيف قالي ساعتها ان الحرارة هتنزل 5 درجات بس وكانت العربية بالتكيف بتجيب معايا 105 فأنا قولت ملهاش لازمة. ربنا يسهل و اشوف ايه المشكلة السنة ديه

---

على فكره الاسلاك كانت بتسيح في وجود الكتاوت و انضف نوع كمان , مروحة الشاهين عايزة تقريبا ضفيره من نوع معين قوي يعني و انا ضفيره العربية عني ماستحملتهاش فجايز العيب من العربية بس انا برضه برشح ان الناس تركب المروحة الــ 6 ريشة الاصلية بتاعة الفليشيا بالقميص و بجد في فرق كبير , و موضوع المروحة الامامية دة اصلا اساسي سواء هاتركب تكييف او لأ لانها بتفرق كتير و للعلم يعني الطبيعي بتاع الفيليشيا مع التكييف درجة حرارة 100 في صيف حار و لو شديد الحرارة ممكن 105 او اكتر كمان و باليل ممكن تبقى 95