السلام عليكم

كنت امبارح في كارفور اللى فاتح جديد عند طريق المطار

وانا وراجع قلت اعدي على ال FGI اقف في الهوا هناك شوية بقالي كتييير مش بروح

بمجرد رحت هناك لقيت هيصة والناس ملمومة وواحد معاه lada نازل امركة ولف وتخميس زي الفل

سخن واحد معاه فيرنا وراح مديها هو كمان

وفي هذه الاثناء كان واحد معاه Nissan 350Z convertible معدي بالصدفة

الناس وقفت حولين العربية وعملو هيصة وضجة جامدة ! بصراحة انا حسيت للحظة بالخجل من الشعب المصري

العربية مكتوب عليها الجماهيرية وواضح انه مش مصري والناس في وشه عمالين بصوت عالي ايه ده ! ايه العربية دي ! وعبارات لا تليق ابدا

المهم الناس فضلت حولين العربية ولازم تعملنا شو يا معلم

والراجل فعلا سخن وياريته ماسخن

بصراحة قوة وصوت حاجة وهم بسم الله ماشاء الله

تخيل لما الوحش ده يبقى واقف بيأمرك قدام عينك



صوت الماتور رهييييييييييييييييب بمعنى الكلمة بسم الله ماشاء الله

ودفع خلفي قوي قوي قوي ! العجل اكنه بينحت في الاسفلت !

العربية تحس انه بيامرك بمنتهى السلاسة وبمنتهى السهولة وبيتحكم في العربية اكنه راكب عجلة بالظبط !

والله انا من قوة العربية ومن كتر مانا موهوم نسيت اصور

حاولت ادورعلى اي فيديو على اليوتيوب لان كان فيه ناس كتير بتصور ! بس مالقتش

عموما واحد زميلي صور بس الكاميرا بتاعة موبايله في الكفتة لكن بحاول احسن جودة الفيديو شوية وهرفعهولكو

طبعا بعد ماصحبنا امرك ومشي جيه واحد تاني معاه فيرنا ودخل يامرك بصراحة

حسيت اني بتفرج على نقش فراخ قمت ماشي

بس بجد انا العربية دي لحد دلوقتي مكيفاني بسم الله ماشاء الله حاجة كدة مالهاش حل